ਕਹਾਉਤਾਂ
23 ਜਦੋਂ ਤੂੰ ਰਾਜੇ ਨਾਲ ਖਾਣ ਲਈ ਬੈਠੇਂ,
ਤਾਂ ਧਿਆਨ ਨਾਲ ਸੋਚ ਕਿ ਤੇਰੇ ਅੱਗੇ ਕੀ ਹੈ;
2 ਜੇ ਤੂੰ ਪੇਟੂ ਹੈਂ,*
ਤਾਂ ਆਪਣੇ ਗਲ਼ੇ ʼਤੇ ਛੁਰੀ* ਰੱਖ।
3 ਉਸ ਦੇ ਪਕਵਾਨਾਂ ਦਾ ਲਾਲਚ ਨਾ ਕਰ
ਕਿਉਂਕਿ ਇਹ ਧੋਖਾ ਦੇਣ ਵਾਲਾ ਖਾਣਾ ਹੈ।
4 ਧਨ-ਦੌਲਤ ਪਾਉਣ ਲਈ ਥੱਕ ਕੇ ਚੂਰ ਨਾ ਹੋ।+
ਰੁਕ ਤੇ ਸਮਝ ਤੋਂ ਕੰਮ ਲੈ।*
5 ਜਦ ਤੂੰ ਇਸ ʼਤੇ ਨਿਗਾਹ ਲਾਉਂਦਾ ਹੈ, ਤਾਂ ਇਹ ਉੱਥੇ ਨਹੀਂ ਹੁੰਦੀ+
ਕਿਉਂਕਿ ਇਸ ਨੂੰ ਉਕਾਬ ਵਾਂਗ ਖੰਭ ਲੱਗ ਜਾਂਦੇ ਹਨ ਤੇ ਇਹ ਆਕਾਸ਼ ਵਿਚ ਉੱਡ ਜਾਂਦੀ ਹੈ।+
6 ਕੰਜੂਸ ਦਾ* ਖਾਣਾ ਨਾ ਖਾਹ;
ਉਸ ਦੇ ਪਕਵਾਨਾਂ ਦਾ ਲਾਲਚ ਨਾ ਕਰ
7 ਕਿਉਂਕਿ ਉਹ ਉਸ ਇਨਸਾਨ ਵਰਗਾ ਹੈ ਜੋ ਹਿਸਾਬ ਰੱਖਦਾ ਹੈ।*
ਉਹ ਤੈਨੂੰ ਕਹਿੰਦਾ ਤਾਂ ਹੈ, “ਖਾ-ਪੀ,” ਪਰ ਉਹ ਦਿਲੋਂ ਨਹੀਂ ਚਾਹੁੰਦਾ।*
8 ਤੂੰ ਖਾਧੀਆਂ ਬੁਰਕੀਆਂ ਉਗਲ਼ ਦੇਵੇਂਗਾ
ਅਤੇ ਜੋ ਤੂੰ ਤਾਰੀਫ਼ ਕੀਤੀ, ਉਹ ਬੇਕਾਰ ਜਾਵੇਗੀ।
13 ਮੁੰਡੇ* ਨੂੰ ਅਨੁਸ਼ਾਸਨ ਦੇਣ ਤੋਂ ਪਿੱਛੇ ਨਾ ਹਟ।+
ਜੇ ਤੂੰ ਉਸ ਨੂੰ ਡੰਡੇ ਨਾਲ ਮਾਰੇਂ, ਤਾਂ ਉਹ ਮਰ ਨਹੀਂ ਜਾਵੇਗਾ।
14 ਤੂੰ ਡੰਡੇ ਨਾਲ ਉਸ ਨੂੰ ਮਾਰ
ਤਾਂਕਿ ਤੂੰ ਉਸ ਨੂੰ ਕਬਰ* ਤੋਂ ਬਚਾ ਲਵੇਂ।
17 ਤੇਰਾ ਦਿਲ ਪਾਪੀਆਂ ਤੋਂ ਈਰਖਾ ਨਾ ਕਰੇ,+
ਸਗੋਂ ਸਾਰਾ ਦਿਨ ਯਹੋਵਾਹ ਦਾ ਡਰ ਮੰਨੇ+
18 ਕਿਉਂਕਿ ਤਾਂ ਹੀ ਤੇਰਾ ਭਵਿੱਖ ਸੁਨਹਿਰਾ ਹੋਵੇਗਾ+
ਅਤੇ ਤੇਰੀ ਆਸ ਨਹੀਂ ਟੁੱਟੇਗੀ।
19 ਹੇ ਮੇਰੇ ਪੁੱਤਰ, ਸੁਣ ਤੇ ਬੁੱਧੀਮਾਨ ਬਣ
ਅਤੇ ਆਪਣੇ ਦਿਲ ਨੂੰ ਸਹੀ ਰਾਹ ʼਤੇ ਤੋਰ।
20 ਉਨ੍ਹਾਂ ਨਾਲ ਨਾ ਰਲ਼ ਜੋ ਬਹੁਤ ਜ਼ਿਆਦਾ ਦਾਖਰਸ ਪੀਂਦੇ ਹਨ,+
ਨਾ ਉਨ੍ਹਾਂ ਨਾਲ ਜੋ ਤੁੰਨ-ਤੁੰਨ ਕੇ ਮੀਟ ਖਾਂਦੇ ਹਨ+
21 ਕਿਉਂਕਿ ਸ਼ਰਾਬੀ ਅਤੇ ਪੇਟੂ ਕੰਗਾਲ ਹੋ ਜਾਣਗੇ+
ਅਤੇ ਨੀਂਦ ਆਦਮੀ ਨੂੰ ਲੀਰਾਂ ਪਹਿਨਾਵੇਗੀ।
24 ਧਰਮੀ ਦਾ ਪਿਤਾ ਜ਼ਰੂਰ ਖ਼ੁਸ਼ ਹੋਵੇਗਾ;
ਬੁੱਧੀਮਾਨ ਪੁੱਤਰ ਦਾ ਪਿਤਾ ਉਸ ਕਾਰਨ ਆਨੰਦ ਮਨਾਵੇਗਾ।
25 ਤੇਰੇ ਮਾਤਾ-ਪਿਤਾ ਖ਼ੁਸ਼ ਹੋਣਗੇ
ਅਤੇ ਤੈਨੂੰ ਜਨਮ ਦੇਣ ਵਾਲੀ ਫੁੱਲੀ ਨਾ ਸਮਾਏਗੀ।
26 ਹੇ ਮੇਰੇ ਪੁੱਤਰ, ਆਪਣਾ ਦਿਲ ਮੈਨੂੰ ਦੇ
ਅਤੇ ਤੇਰੀਆਂ ਅੱਖਾਂ ਨੂੰ ਮੇਰੇ ਰਾਹਾਂ ਤੋਂ ਖ਼ੁਸ਼ੀ ਮਿਲੇ।+
28 ਉਹ ਲੁਟੇਰੇ ਵਾਂਗ ਘਾਤ ਲਾ ਕੇ ਬੈਠਦੀ ਹੈ;+
ਉਹ ਬੇਵਫ਼ਾ ਆਦਮੀਆਂ ਦੀ ਗਿਣਤੀ ਵਧਾਉਂਦੀ ਹੈ।
29 ਕੌਣ ਹਾਇ-ਹਾਇ ਕਰਦਾ ਹੈ? ਕੌਣ ਬੇਚੈਨ ਹੈ?
ਕੌਣ ਝਗੜੇ ਕਰਦਾ ਹੈ? ਕੌਣ ਸ਼ਿਕਾਇਤਾਂ ਕਰਦਾ ਹੈ?
ਕਿਸ ਦੇ ਬਿਨਾਂ ਵਜ੍ਹਾ ਜ਼ਖ਼ਮ ਹੋਏ ਹਨ? ਕਿਸ ਦੀਆਂ ਅੱਖਾਂ ਵਿਚ ਲਾਲੀ ਰਹਿੰਦੀ ਹੈ?*
31 ਦਾਖਰਸ ਦਾ ਲਾਲ ਰੰਗ ਨਾ ਦੇਖ
ਜੋ ਪਿਆਲੇ ਵਿਚ ਚਮਕਦਾ ਹੈ ਅਤੇ ਆਰਾਮ ਨਾਲ ਗਲ਼ੇ ਵਿੱਚੋਂ ਉਤਰਦਾ ਹੈ
32 ਕਿਉਂਕਿ ਅਖ਼ੀਰ ਵਿਚ ਇਹ ਸੱਪ ਵਾਂਗ ਡੱਸਦੀ ਹੈ
ਅਤੇ ਜ਼ਹਿਰੀਲੇ ਸੱਪ ਵਾਂਗ ਜ਼ਹਿਰ ਉਗਲ਼ਦੀ ਹੈ।
34 ਤੈਨੂੰ ਇਵੇਂ ਲੱਗੇਗਾ ਜਿਵੇਂ ਤੂੰ ਸਮੁੰਦਰ ਦੇ ਵਿਚਕਾਰ ਲੇਟਿਆ ਹੋਵੇਂ,
ਜਹਾਜ਼ ਦੇ ਮਸਤੂਲ ਦੇ ਸਿਰੇ ʼਤੇ ਲੰਮਾ ਪਿਆ ਹੋਵੇਂ।
35 ਤੂੰ ਕਹੇਂਗਾ: “ਉਨ੍ਹਾਂ ਨੇ ਮੈਨੂੰ ਮਾਰਿਆ, ਪਰ ਮੈਨੂੰ ਮਹਿਸੂਸ ਹੀ ਨਹੀਂ ਹੋਇਆ।*
ਉਨ੍ਹਾਂ ਨੇ ਮੈਨੂੰ ਕੁੱਟਿਆ, ਪਰ ਮੈਨੂੰ ਪਤਾ ਵੀ ਨਹੀਂ ਲੱਗਾ।
ਮੈਨੂੰ ਕਦੋਂ ਸੁਰਤ ਆਵੇਗੀ?+
ਮੈਨੂੰ ਹੋਰ ਪੀਣ ਨੂੰ ਚਾਹੀਦੀ ਹੈ।”*