ਘੋਸ਼ਣਾਵਾਂ

◼ ਜਨਵਰੀ: ਪੁਰਾਣੀਆਂ 192-ਸਫ਼ੇ ਵਾਲੀਆਂ ਪੁਸਤਕਾਂ ਦੀ ਵਿਸ਼ੇਸ਼ ਪੇਸ਼ਕਸ਼ 10 ਰੁਪਏ ਪ੍ਰਤਿ ਕਾਪੀ ਦੇ ਚੰਦੇ ਤੇ। ਨੇਪਾਲੀ ਜਾਂ ਬੰਗਲਾ ਪੜ੍ਹਨਾ ਪਸੰਦ ਕਰਨ ਵਾਲਿਆਂ ਨੂੰ ਇਕ 32-ਸਫ਼ੇ ਵਾਲੀ ਵੱਡੀ ਪੁਸਤਿਕਾ ਪੇਸ਼ ਕੀਤੀ ਜਾ ਸਕਦੀ ਹੈ। ਮਲਿਆਲਮ ਚਾਹੁਣ ਵਾਲਿਆਂ ਨੂੰ ਪੁਸਤਕ ਆਪਣਾ ਪਰਿਵਾਰਕ ਜੀਵਨ ਸੁਖੀ ਬਣਾਉਣਾ 20 ਰੁਪਏ ਦੇ ਚੰਦੇ ਤੇ ਪੇਸ਼ ਕੀਤੀ ਜਾ ਸਕਦੀ ਹੈ ਅਤੇ ਪੰਜਾਬੀ ਪਸੰਦ ਕਰਨ ਵਾਲਿਆਂ ਨੂੰ ਪੁਸਤਕ ਗਿਆਨ ਜੋ ਸਦੀਪਕ ਜੀਵਨ ਵੱਲ ਲੈ ਜਾਂਦਾ ਹੈ, 20 ਰੁਪਏ ਦੇ ਲਈ ਪੇਸ਼ ਕੀਤੀ ਜਾ ਸਕਦੀ ਹੈ। ਕਿਰਪਾ ਕਰ ਕੇ ਧਿਆਨ ਦਿਓ ਕਿ ਇਨ੍ਹਾਂ ਆਖ਼ਰੀ ਦੋ ਪੁਸਤਕਾਂ ਨੂੰ ਵਿਸ਼ੇਸ਼ ਮੁੱਲ ਤੇ ਪੇਸ਼ ਨਹੀਂ ਕੀਤਾ ਜਾਣਾ ਚਾਹੀਦਾ ਹੈ। ਫਰਵਰੀ: ਪੁਸਤਕ, ਤੁਸੀਂ ਸਦਾ ਦੇ ਲਈ ਧਰਤੀ ਉੱਤੇ ਪਰਾਦੀਸ ਵਿਚ ਜੀਉਂਦੇ ਰਹਿ ਸਕਦੇ ਹੋ, 25 ਰੁਪਏ (ਵੱਡੀ ਪੁਸਤਕ 45 ਰੁਪਏ) ਦੇ ਚੰਦੇ ਤੇ ਜਾਂ ਪੁਸਤਕ, ਆਪਣਾ ਪਰਿਵਾਰਕ ਜੀਵਨ ਸੁਖੀ ਬਣਾਉਣਾ (ਅੰਗ੍ਰੇਜ਼ੀ), 20 ਰੁਪਏ ਦੇ ਚੰਦੇ ਤੇ। ਵਿਕਲਪਕ ਵਜੋਂ, ਕੋਈ ਵੀ ਪੁਰਾਣੀ 192-ਸਫ਼ੇ ਵਾਲੀ ਵਿਸ਼ੇਸ਼ ਪੇਸ਼ਕਸ਼ ਪੁਸਤਕ ਨੂੰ 10 ਰੁਪਏ ਦੇ ਚੰਦੇ ਤੇ ਪੇਸ਼ ਕੀਤਾ ਜਾ ਸਕਦਾ ਹੈ। ਮਾਰਚ: “ਈਸ਼ਵਰੀ ਸ਼ਾਂਤੀ ਦੇ ਸੰਦੇਸ਼-ਵਾਹਕ” ਜ਼ਿਲ੍ਹਾ ਮਹਾਂ-ਸੰਮੇਲਨ ਵਿਚ ਜਾਰੀ ਕੀਤੀ ਗਈ ਨਵੀਂ ਪੁਸਤਕ। ਕਲੀਸਿਯਾਵਾਂ ਨੂੰ ਆਪਣੇ ਮਹਾਂ-ਸੰਮੇਲਨ ਦੇ ਖ਼ਤਮ ਹੁੰਦੇ ਹੀ ਇਸ ਪੁਸਤਕ ਦੀ ਸਪਲਾਈ ਲਈ ਆਪਣੀਆਂ ਫਰਮਾਇਸ਼ਾਂ ਭੇਜ ਦੇਣੀਆਂ ਚਾਹੀਦੀਆਂ ਹਨ। ਅਪ੍ਰੈਲ ਅਤੇ ਮਈ: ਪਹਿਰਾਬੁਰਜ ਜਾਂ ਅਵੇਕ! ਦੀ ਸਬਸਕ੍ਰਿਪਸ਼ਨ।

◼ ਕਲੀਸਿਯਾਵਾਂ ਨੂੰ ਇਸ ਸਾਲ ਐਤਵਾਰ, ਮਾਰਚ 23, ਨੂੰ ਸੂਰਜ ਡੁੱਬਣ ਮਗਰੋਂ ਸਮਾਰਕ ਮਨਾਉਣ ਲਈ ਢੁਕਵੇਂ ਪ੍ਰਬੰਧ ਕਰਨੇ ਚਾਹੀਦੇ ਹਨ। ਹਾਲਾਂਕਿ ਭਾਸ਼ਣ ਛੇਤੀ ਆਰੰਭ ਕੀਤਾ ਜਾ ਸਕਦਾ ਹੈ, ਪਰੰਤੂ ਸਮਾਰਕ ਪ੍ਰਤੀਕਾਂ ਦਾ ਹਾਜ਼ਰੀਨ ਵਿਚ ਦਿੱਤਾ ਜਾਣਾ ਕੇਵਲ ਸੂਰਜ ਡੁੱਬਣ ਮਗਰੋਂ ਹੀ ਆਰੰਭ ਹੋਣਾ ਚਾਹੀਦਾ ਹੈ। ਸਥਾਨਕ ਸੋਮਿਆਂ ਤੋਂ ਪਤਾ ਕਰਵਾਓ ਕਿ ਤੁਹਾਡੇ ਖੇਤਰ ਵਿਚ ਸੂਰਜ ਕਦੋਂ ਡੁੱਬਦਾ ਹੈ। ਕਿਉਂ ਜੋ ਉਸ ਦਿਨ ਤੇ ਖੇਤਰ ਸੇਵਾ ਲਈ ਸਭਾਵਾਂ ਨੂੰ ਛੱਡ ਹੋਰ ਕੋਈ ਸਭਾ ਨਹੀਂ ਹੋਣੀ ਚਾਹੀਦੀ ਹੈ, ਪਹਿਰਾਬੁਰਜ ਅਧਿਐਨ ਨੂੰ ਕਿਸੇ ਹੋਰ ਸਮੇਂ ਤੇ ਕਰਨ ਲਈ ਉਚਿਤ ਸਮਾਯੋਜਨਾਵਾਂ ਕੀਤੀਆਂ ਜਾਣੀਆਂ ਚਾਹੀਦੀਆਂ ਹਨ। ਸਰਕਟ ਨਿਗਾਹਬਾਨਾਂ ਨੂੰ ਸਥਾਨਕ ਹਾਲਾਤ ਅਨੁਸਾਰ ਉਸ ਹਫ਼ਤੇ ਲਈ ਆਪਣੀ ਸਭਾ ਅਨੁਸੂਚੀ ਨੂੰ ਸਮਾਯੋਜਿਤ ਕਰਨ ਦੀ ਲੋੜ ਪਵੇਗੀ। ਹਾਲਾਂਕਿ ਹਰੇਕ ਕਲੀਸਿਯਾ ਲਈ ਆਪੋ-ਆਪਣਾ ਸਮਾਰਕ ਉਤਸਵ ਮਨਾਉਣਾ ਚੰਗਾ ਹੋਵੇਗਾ, ਇਹ ਸ਼ਾਇਦ ਹਮੇਸ਼ਾ ਸੰਭਵ ਨਾ ਹੋਵੇ। ਜਿੱਥੇ ਕਈ ਕਲੀਸਿਯਾਵਾਂ ਆਮ ਤੌਰ ਤੇ ਇੱਕੋ ਹੀ ਰਾਜ ਗ੍ਰਹਿ ਇਸਤੇਮਾਲ ਕਰਦੀਆਂ ਹਨ, ਉੱਥੇ ਹੋ ਸਕਦਾ ਹੈ ਕਿ ਇਕ ਜਾਂ ਅਧਿਕ ਕਲੀਸਿਯਾਵਾਂ ਉਸ ਸ਼ਾਮ ਲਈ ਕੋਈ ਹੋਰ ਜਗ੍ਹਾ ਦਾ ਪ੍ਰਬੰਧ ਕਰ ਸਕਣ। ਸਮਾਰਕ ਇੰਨੀ ਰਾਤ ਗਏ ਸ਼ੁਰੂ ਨਹੀਂ ਹੋਣਾ ਚਾਹੀਦਾ ਹੈ ਕਿ ਰੁਚੀ ਰੱਖਣ ਵਾਲੇ ਨਵੇਂ ਵਿਅਕਤੀਆਂ ਨੂੰ ਹਾਜ਼ਰ ਹੋਣ ਵਿਚ ਦਿੱਕਤ ਹੋਵੇ। ਨਾ ਹੀ ਸਮਾਂ-ਸੂਚੀ ਇੰਨੀ ਤੰਗ ਹੋਣੀ ਚਾਹੀਦੀ ਹੈ ਕਿ ਸਮਾਰਕ ਸਮਾਰੋਹ ਤੋਂ ਪਹਿਲਾਂ ਜਾਂ ਬਾਅਦ ਵਿਚ ਲੋਕਾਂ ਨਾਲ ਗੱਲਾਂ ਕਰਨ, ਰੁਚੀ ਰੱਖਣ ਵਾਲਿਆਂ ਦੀ ਲਗਾਤਾਰ ਅਧਿਆਤਮਿਕ ਸਹਾਇਤਾ ਲਈ ਪ੍ਰਬੰਧ ਕਰਨ, ਜਾਂ ਉਤਸ਼ਾਹ ਦੇ ਆਮ ਵਟਾਂਦਰੇ ਦਾ ਆਨੰਦ ਮਾਣਨ ਲਈ ਵੀ ਸਮਾਂ ਨਾ ਹੋਵੇ। ਮਾਮਲੇ ਨੂੰ ਹਰ ਪੱਖੋਂ ਧਿਆਨ ਨਾਲ ਵਿਚਾਰਨ ਮਗਰੋਂ, ਬਜ਼ੁਰਗਾਂ ਨੂੰ ਨਿਸ਼ਚਿਤ ਕਰਨਾ ਚਾਹੀਦਾ ਹੈ ਕਿ ਸਮਾਰਕ ਵਿਚ ਹਾਜ਼ਰ ਹੋਣ ਵਾਲਿਆਂ ਨੂੰ ਮੌਕੇ ਦਾ ਪੂਰਾ ਲਾਭ ਉਠਾਉਣ ਲਈ ਕਿਹੜੇ ਪ੍ਰਬੰਧ ਸਭ ਤੋਂ ਵੱਧ ਸਹਾਈ ਹੋਣਗੇ।

◼ ਮੌਕੇ ਦੀ ਮਹੱਤਤਾ ਨੂੰ ਦੇਖਦੇ ਹੋਏ, ਸਮਾਰਕ ਭਾਸ਼ਣਕਾਰ ਨੂੰ ਨਿਯੁਕਤ ਕਰਦੇ ਸਮੇਂ, ਬਜ਼ੁਰਗਾਂ ਦੀ ਨਿਕਾਇ ਨੂੰ ਕੇਵਲ ਕ੍ਰਮ ਅਨੁਸਾਰ ਚੁਣਨ ਜਾਂ ਹਰ ਸਾਲ ਇੱਕੋ ਹੀ ਭਰਾ ਨੂੰ ਇਸਤੇਮਾਲ ਕਰਨ ਦੀ ਬਜਾਇ ਇਕ ਜ਼ਿਆਦਾ ਯੋਗ ਬਜ਼ੁਰਗ ਚੁਣਨਾ ਚਾਹੀਦਾ ਹੈ।

◼ 1997 ਸਮਾਰਕ ਰੁੱਤ ਦੇ ਲਈ ਖ਼ਾਸ ਪਬਲਿਕ ਭਾਸ਼ਣ ਐਤਵਾਰ, ਅਪ੍ਰੈਲ 6, ਨੂੰ ਦਿੱਤਾ ਜਾਵੇਗਾ। ਇਕ ਰੂਪ-ਰੇਖਾ ਦਿੱਤੀ ਜਾਵੇਗੀ। ਜਿਨ੍ਹਾਂ ਕਲੀਸਿਯਾਵਾਂ ਵਿਚ ਉਸ ਸਪਤਾਹ-ਅੰਤ ਦੌਰਾਨ ਸਰਕਟ ਨਿਗਾਹਬਾਨ ਦੀ ਮੁਲਾਕਾਤ, ਸਰਕਟ ਸੰਮੇਲਨ, ਜਾਂ ਵਿਸ਼ੇਸ਼ ਸੰਮੇਲਨ ਦਿਨ ਨਿਯਤ ਹੋਵੇ, ਉਨ੍ਹਾਂ ਦਾ ਖ਼ਾਸ ਭਾਸ਼ਣ ਉਸ ਤੋਂ ਅਗਲੇ ਹਫ਼ਤੇ ਦਿੱਤਾ ਜਾਵੇਗਾ। ਕਿਸੇ ਵੀ ਕਲੀਸਿਯਾ ਵਿਚ ਖ਼ਾਸ ਭਾਸ਼ਣ ਅਪ੍ਰੈਲ 6 ਤੋਂ ਪਹਿਲਾਂ ਨਹੀਂ ਦਿੱਤਾ ਜਾਣਾ ਚਾਹੀਦਾ ਹੈ।

◼ ਜਨਵਰੀ 1, 1997, ਤੋਂ ਨਿਮਨਲਿਖਿਤ ਨਵੇਂ ਮੁੱਲ ਲਾਗੂ ਕੀਤੇ ਜਾਣਗੇ:

ਪਾਇਨੀਅਰ ਕਲੀ./ਪਬਲਿਕ

32-ਸਫ਼ਾ ਪੁਸਤਿਕਾਵਾਂ 1.50 / 2.00

ਸਾਰੀਆਂ ਵੱਡੀਆਂ ਪੁਸਤਿਕਾਵਾਂ 4.00 / 6.00

ਨੌਜਵਾਨਾਂ ਦੇ ਸਵਾਲ, ਬਾਈਬਲ ਕਹਾਣੀਆਂ (ਛੋਟੀ), ਸ੍ਰਿਸ਼ਟੀ (ਛੋਟੀ), ਗੀਤ ਪੁਸਤਕ (ਛੋਟੀ) 20.00 / 30.00

ਮਨੁੱਖਜਾਤੀ ਦੀ ਭਾਲ 40.00 / 60.00

ਨਿਊ ਵਰਲਡ ਟ੍ਰਾਂਸਲੇਸ਼ਨ (bi12 ਵਿਦ ਰੈਫ਼ਰੈਂਸਿਸ) 60.00 / 80.00

ਪ੍ਰਤਿਦਿਨ ਸ਼ਾਸਤਰਵਚਨਾਂ ਦੀ ਜਾਂਚ ਕਰਨਾ* 6.00 / 10.00

ਆਡੀਓ-ਕੈਸਟ (ਇਕ) 55.00 / 65.00

* ਇਹ ਮੁੱਲ ਪ੍ਰਤਿਦਿਨ ਸ਼ਾਸਤਰਵਚਨਾਂ ਦੀ ਜਾਂਚ ਕਰਨਾ—1997 ਨੂੰ ਲਾਗੂ ਹੋਣਗੇ ਭਾਵੇਂ ਕਿ ਇਹ ਜਨਵਰੀ 1, 1997, ਤੋਂ ਪਹਿਲਾਂ ਵੰਡੀਆਂ ਜਾਣ।

◼ ਜਨਵਰੀ 6 ਦੇ ਹਫ਼ਤੇ ਦੀ ਸੇਵਾ ਸਭਾ ਵਿਚ ਹਾਜ਼ਰ ਸਾਰੇ ਬਪਤਿਸਮਾ-ਪ੍ਰਾਪਤ ਪ੍ਰਕਾਸ਼ਕਾਂ ਨੂੰ ਸਾਹਿੱਤ ਕਾਊਂਟਰ ਤੋਂ ਆਪਣੇ ਲਈ ਅਗਾਊਂ ਚਿਕਿਤਸਾ ਨਿਰਦੇਸ਼/ਰਿਹਾਈ ਕਾਰਡ ਅਤੇ ਆਪਣੇ ਬੱਚਿਆਂ ਲਈ ਸ਼ਨਾਖਤੀ ਕਾਰਡ ਪ੍ਰਾਪਤ ਕਰਨਾ ਚਾਹੀਦਾ ਹੈ।

◼ ਮੁੜ ਉਪਲਬਧ ਪ੍ਰਕਾਸ਼ਨ:

ਇਕ ਸ਼ਾਂਤੀਪੂਰਣ ਨਵੀਂ ਦੁਨੀਆਂ ਵਿਚ ਜੀਵਨ (ਟ੍ਰੈਕਟ ਨੰ. 15)—ਤਿਬਤੀ

ਜ਼ਿੰਦਗੀ ਵਿਚ ਇਸ ਤੋਂ ਜ਼ਿਆਦਾ ਹੋਰ ਵੀ ਕੁੱਝ ਹੈ—ਗੁਜਰਾਤੀ, ਤਾਮਿਲ, ਤੇਲਗੂ, ਮਲਿਆਲਮ