ਸਾਡੀ ਮਸੀਹੀ ਜ਼ਿੰਦਗੀ
ਕੀ ਤੁਸੀਂ ਔਖੀਆਂ ਘੜੀਆਂ ਝੱਲਣ ਲਈ ਤਿਆਰ ਹੋ?
ਅਸੀਂ ਉਦੋਂ ਹੈਰਾਨ ਨਹੀਂ ਹੁੰਦੇ ਜਦੋਂ ਦੁਨੀਆਂ ਭਰ ਵਿਚ ਹੁੰਦੀਆਂ ਘਟਨਾਵਾਂ ਕਰਕੇ ਸਾਰੇ ਪਾਸੇ ਲੋਕਾਂ ਨੂੰ ਔਖੀ ਘੜੀ ਜਾਂ ਪੈਸੇ ਦੀ ਤੰਗੀ ਝੱਲਣੀ ਪੈਂਦੀ ਹੈ। ਕਿਉਂ? ਕਿਉਂਕਿ ਅਸੀਂ ਆਖ਼ਰੀ ਦਿਨਾਂ ਦੇ ਆਖ਼ਰੀ ਹਿੱਸੇ ਵਿਚ ਰਹਿ ਰਹੇ ਹਾਂ। ਨਾਲੇ ਬਾਈਬਲ ਸਾਨੂੰ ਖ਼ਬਰਦਾਰ ਕਰਦੀ ਹੈ ਕਿ ਅਸੀਂ “ਧਨ-ਦੌਲਤ ਉੱਤੇ ਉਮੀਦ” ਨਾ ਲਾਈਏ “ਜਿਸ ਦਾ ਕੋਈ ਭਰੋਸਾ ਨਹੀਂ ਹੈ।” (1 ਤਿਮੋ 6:17; 2 ਤਿਮੋ 3:1) ਪਰ ਅਸੀਂ ਔਖੀਆਂ ਘੜੀਆਂ ਝੱਲਣ ਲਈ ਤਿਆਰ ਕਿਵੇਂ ਰਹਿ ਸਕਦੇ ਹਾਂ। ਆਓ ਆਪਾਂ ਰਾਜਾ ਯਹੋਸ਼ਾਫਾਟ ਦੀ ਮਿਸਾਲ ਤੋਂ ਸਿੱਖੀਏ।
ਜਦੋਂ ਵਿਰੋਧੀ ਕੌਮਾਂ ਯਹੂਦਾਹ ʼਤੇ ਹਾਲੇ ਹਮਲਾ ਕਰਨ ਹੀ ਵਾਲੀਆਂ ਸਨ, ਤਾਂ ਯਹੋਸ਼ਾਫਾਟ ਨੇ ਯਹੋਵਾਹ ʼਤੇ ਭਰੋਸਾ ਰੱਖਿਆ। (2 ਇਤਿ 20:9-12) ਇਸ ਤੋਂ ਇਲਾਵਾ, ਉਸ ਨੇ ਪਹਿਲਾਂ ਹੀ ਕੁਝ ਕਦਮ ਚੁੱਕੇ, ਜਿਵੇਂ ਕਿ ਉਸ ਨੇ ਕਿਲੇਬੰਦ ਥਾਵਾਂ ਤੇ ਗੋਦਾਮਾਂ ਵਾਲੇ ਸ਼ਹਿਰ ਬਣਾਏ। (2 ਇਤਿ 17:1, 2, 12, 13) ਔਖੀਆਂ ਘੜੀਆਂ ਝੱਲਣ ਲਈ ਸਾਨੂੰ ਯਹੋਸ਼ਾਫਾਟ ਵਾਂਗ ਯਹੋਵਾਹ ʼਤੇ ਭਰੋਸਾ ਕਰਨਾ ਚਾਹੀਦਾ ਹੈ ਅਤੇ ਜ਼ਰੂਰੀ ਕਦਮ ਚੁੱਕਣੇ ਚਾਹੀਦੇ ਹਨ।
ਕੀ ਤੁਸੀਂ ਆਫ਼ਤਾਂ ਦਾ ਸਾਮ੍ਹਣਾ ਕਰਨ ਲਈ ਤਿਆਰ ਹੋ? ਨਾਂ ਦੀ ਵੀਡੀਓ ਦੇਖੋ ਅਤੇ ਫਿਰ ਹੇਠਾਂ ਦਿੱਤੇ ਸਵਾਲਾਂ ਦੇ ਜਵਾਬ ਦਿਓ:
ਕਿਸੇ ਆਫ਼ਤ ਦਾ ਸਾਮ੍ਹਣਾ ਕਰਨ ਲਈ ਅਸੀਂ ਕਿਵੇਂ ਤਿਆਰ ਰਹਿ ਸਕਦੇ ਹਾਂ?
ਅਸੀਂ ਦੂਜਿਆਂ ਦੀ ਮਦਦ ਕਰਨ ਲਈ ਕਿਵੇਂ ਤਿਆਰ ਰਹਿ ਸਕਦੇ ਹਾਂ?