ਪ੍ਰਚਾਰ ਵਿਚ JW.ORG ਵੈੱਬਸਾਈਟ ਦਾ ਮੁੱਖ ਪੰਨਾ ਵਰਤੋ

ਸਾਡੀ ਵੈੱਬਸਾਈਟ ਦੇ ਮੁੱਖ ਪੰਨੇ ʼਤੇ ਕੁਝ ਲੇਖ ਅਤੇ ਵੀਡੀਓ ਉਪਲਬਧ ਹਨ ਜੋ ਨੇਕਦਿਲ ਲੋਕਾਂ ਦਾ ਧਿਆਨ ਖਿੱਚਣ ਲਈ ਤਿਆਰ ਕੀਤੇ ਗਏ ਹਨ। (ਰਸੂ 13:48) ਇਸ ਪੰਨੇ ʼਤੇ ਅਕਸਰ ਉਨ੍ਹਾਂ ਵਿਸ਼ਿਆਂ ʼਤੇ ਚਰਚਾ ਕੀਤੀ ਜਾਂਦੀ ਹੈ ਜੋ ਖ਼ਬਰਾਂ ਵਿਚ ਹੁੰਦੇ ਹਨ ਜਾਂ ਜਿਨ੍ਹਾਂ ਬਾਰੇ ਲੋਕ ਸੋਚਦੇ ਅਤੇ ਗੱਲ ਕਰਦੇ ਹਨ।

ਤੁਸੀਂ jw.org ਦਾ ਮੁੱਖ ਪੰਨਾ ਪ੍ਰਚਾਰ ਵਿਚ ਕਿਵੇਂ ਵਰਤ ਸਕਦੇ ਹੋ?

• ਹਰ ਰੋਜ਼ ਵੈੱਬਸਾਈਟ ਦੇਖੋ। ਦੇਖੋ ਕਿ ਮੁੱਖ ਪੰਨੇ ʼਤੇ ਕੀ ਆਇਆ ਹੈ ਅਤੇ ਸੋਚੋ ਕਿ ਤੁਸੀਂ ਦਿਲਚਸਪੀ ਰੱਖਣ ਵਾਲੇ ਲੋਕਾਂ ਦੀ ਮਦਦ ਕਰਨ ਲਈ ਇਸ ਨੂੰ ਕਿਵੇਂ ਵਰਤ ਸਕਦੇ ਹੋ। (ਹਾਲ ਹੀ ਵਿਚ ਮੁੱਖ ਪੰਨੇ ʼਤੇ ਜੋ ਕੁਝ ਆਇਆ ਸੀ, ਉਸ ਬਾਰੇ ਦੇਖਣ ਲਈ “ਹੋਰ ਦੇਖੋ” ਉੱਤੇ ਕਲਿੱਕ ਕਰੋ।) ਵੈੱਬਸਾਈਟ ʼਤੇ ਆਉਂਦੀ ਨਵੀਂ-ਨਵੀਂ ਜਾਣਕਾਰੀ ਤੋਂ ਵਾਕਫ਼ ਹੋ ਕੇ ਤੁਸੀਂ ਪ੍ਰਚਾਰ ਵਿਚ ਵੱਖੋ-ਵੱਖਰੇ ਤਰੀਕੇ ਨਾਲ ਗੱਲ ਕਰ ਸਕੋਗੇ।

• ਗੱਲਬਾਤ ਸ਼ੁਰੂ ਕਰਨ ਲਈ ਮੁੱਖ ਪੰਨੇ ʼਤੇ ਦਿੱਤੇ ਲੇਖ ਅਤੇ ਵੀਡੀਓ ਵਰਤੋ। ਇਸ ਜਾਣਕਾਰੀ ਤੋਂ ਤੁਹਾਨੂੰ ਉਸ ਵਿਸ਼ੇ ʼਤੇ ਗੱਲਬਾਤ ਕਰਨ ਲਈ ਸੁਝਾਅ ਮਿਲ ਸਕਦੇ ਹਨ ਜਿਸ ਬਾਰੇ ਸ਼ਾਇਦ ਤੁਹਾਡੇ ਇਲਾਕੇ ਦੇ ਲੋਕ ਸੋਚਦੇ ਹੋਣ।

• ਲੋਕਾਂ ਨੂੰ ਮੁੱਖ ਪੰਨਾ ਦਿਖਾਓ। ਖ਼ਾਸ ਵਿਸ਼ਿਆਂ ਵੱਲ ਲੋਕਾਂ ਦਾ ਧਿਆਨ ਖਿੱਚੋ ਅਤੇ ਦਿਖਾਓ ਕਿ ਉਹ ਵੈੱਬਸਾਈਟ ਤੋਂ ਜਾਣਕਾਰੀ ਕਿਵੇਂ ਲੱਭ ਸਕਦੇ ਹਨ।

• ਲਿੰਕ ਭੇਜੋ। ਕੁਝ ਲੋਕ ਸਾਡੇ ਨਾਲ ਗੱਲ ਕਰਨ ਤੋਂ ਹਿਚਕਿਚਾਉਂਦੇ ਹਨ, ਪਰ ਉਹ ਸਾਡੀ ਵੈੱਬਸਾਈਟ ਦੇਖਣ ਲਈ ਤਿਆਰ ਹੁੰਦੇ ਹਨ। ਇਸ ਲਈ ਦਿਲਚਸਪੀ ਰੱਖਣ ਵਾਲਿਆਂ ਨੂੰ ਮੁੱਖ ਪੰਨੇ ʼਤੇ ਦਿੱਤੇ ਕਿਸੇ ਖ਼ਾਸ ਲੇਖ ਜਾਂ ਵੀਡੀਓ ਦਾ ਲਿੰਕ ਭੇਜਣ ਤੋਂ ਨਾ ਹਿਚਕਿਚਾਓ।