ਅੱਗੇ ਵਧਦੇ ਰਹੋ!

1. ਅੱਗੇ ਵਧਦੇ ਰਹੋ, ਗਾਓ ਰਾਜ ਦੇ ਗੀਤ

ਕਰੋ ਸੇਵਾ ਦਿਲ ਲਾ ਕੇ ਤੁਸੀਂ ਯਹੋਵਾਹ ਦੀ

ਕਰੋ ਯਿਸੂ ਦੀ ਰੀਸ, ਬਣੋ ਮਿਹਨਤੀ

ਰੱਖੋ ਸੱਚ ਦੇ ਨਾਲ ਲਗਾਅ

ਕਰੋ ਸਾਰੇ ਇਨਸਾਨਾਂ ਨੂੰ ਪਿਆਰ

ਦੇਵੋ ਸਿੱਖਿਆ, ਨਿਖਾਰੋ ਕਲਾ

ਕਰੋ ਰੱਬ ʼਤੇ ਇਤਬਾਰ, ਬਣੋ ਸਮਝਦਾਰ

ਬਰਕਤਾਂ ਰੱਬ ਦੇਵੇਗਾ

2. ਅੱਗੇ ਵਧਦੇ ਰਹੋ, ਰਾਜ ਦਾ ਗੀਤ ਸੁਣਾਓ

ਹਿੰਮਤ ਨਾਲ ਹਰ ਤਰਫ਼ ਖ਼ੁਸ਼ੀ ਦਾ ਪੈਗਾਮ ਸੁਣਾਓ

ਉੱਚੇ ਸੁਰ ਵਿਚ ਯਹੋਵਾਹ ਦੀ ਮਹਿਮਾ ਗਾਓ

ਕਰੋ ਸਿਫ਼ਤਾਂ ਉਸ ਦੀਆਂ

ਚਾਹੇ ਦੁਸ਼ਮਣ ਸਤਾਉਣ, ਨਾ ਡਰੋ

ਕਰੋ ਸਾਮ੍ਹਣਾ, ਪਿੱਛੇ ਨਾ ਹਟੋ

ਰੱਬ ਦੇ ਰਾਜ ਦੇ ਨਗ਼ਮੇ ਗੁਣ-ਗੁਣਾਉਂਦੇ ਜਾਓ

ਬੋਲੋ ਹਰ ਬੋਲ ਸੁਰੀਲਾ

3. ਅੱਗੇ ਵਧਦੇ ਰਹੋ, ਪੂਰੀ ਵਾਹ ਲਾਓ

ਬਾਰੰਬਾਰ ਦਿਲਾਂ ʼਤੇ ਦਸਤਕ ਦਿੰਦੇ ਹੀ ਰਹੋ

ਹੁਨਰਮੰਦੀ ਦੇ ਨਾਲ ਲੋਕਾਂ ਨੂੰ ਸਿਖਾਓ

ਦੇਵੇਗਾ ਸ਼ਕਤੀ ਖ਼ੁਦਾ

ਕਰੋ ਸਭਨਾਂ ਲਈ ਪਿਆਰ ਦਾ ਇਜ਼ਹਾਰ

ਲੱਗੇ ਰਹੋ, ਪਰ ਮੰਨੋ ਨਾ ਹਾਰ

ਗਾਵੇ ਸੱਚ ਦਾ ਨਗ਼ਮਾ ਪੂਰਾ ਇਹ ਸੰਸਾਰ

ਹੋਵੇ ਰੌਸ਼ਨ ਰੱਬ ਦਾ ਨਾਂ