ਉਨ੍ਹਾਂ ਤੋਂ ਨਾ ਡਰੋ!

1. ਪਹਿਨਿਆ ਹੈ ਤਾਜ ਯਿਸੂ ਨੇ

ਬੈਠਾ ਹੈ ਸਿੰਘਾਸਣ ʼਤੇ

ਕਰੋ ਸਭ ਸਲਾਮ ਰਲ਼ ਕੇ

ਦੇਵੋ ਖ਼ਬਰ ਹਰ ਪਾਸੇ

ਖ਼ੁਸ਼ੀ ਦਾ ਸੰਦੇਸ਼ ਫੈਲਾਓ

ਜ਼ੋਰ ਸ਼ੈਤਾਨ ਦਾ ਚੱਲੇ ਨਾ

ਮਿਟ ਜਾਵੇਗੀ ਉਸ ਦੀ ਹਸਤੀ

ਉਸ ਦਾ ਵੱਸ ਨਾ ਚੱਲੇਗਾ

2. ਚਾਹੇ ਹੋਣ ਲੱਖਾਂ ਹੀ ਦੁਸ਼ਮਣ

ਤੀਰ ਚਲਾਵਣ ਨਫ਼ਰਤ ਦੇ

ਦਿੰਦੇ ਜੇ ਤਾਅਨੇ-ਮਿਹਣੇ

ਜ਼ੁਲਮ-ਓ-ਸਿਤਮ ਕਰਦੇ ਜੇ

ਨਾ ਡਰੋ, ਬਹਾਦਰ ਬਣੋ

ਨਾ ਡੋਲੋ, ਬੇਖੌਫ਼ ਖੜ੍ਹੋ

ਮੇਰੀ ਸ਼ਰਨ ਹੇਠਾਂ ਆ ਕੇ

ਦਿਲਾਂ ਵਿਚ ਆਰਾਮ ਪਾਓ

3. ਕਰਦਾ ਮੈਂ ਤੇਰੀ ਹਿਫਾਜ਼ਤ

ਮੇਰਾ ਪਿਆਰ ਹੈ ਬੇਪਨਾਹ

ਸੇਵਕ ਤੂੰ ਅਨਮੋਲ ਮੇਰਾ

ਤੇਰੇ ʼਤੇ ਮੇਰੀ ਨਿਗਾਹ

ਜਾਨ ਨਿਸਾਰ ਜੇ ਕਰਨੀ ਪਵੇ

ਰੱਖਾਂ ਸਾਂਭ ਕੇ ਤੇਰੀ ਯਾਦ

ਖੋਲ੍ਹਾਂਗਾ ਮੈਂ ਮੌਤ ਦੇ ਬੰਧਨ

ਦੇਵਾਂ ਜੀਵਨ ਦਾ ਇਨਾਮ