JEREMIAS

1 Saraya so salita nen Jeremias* ya anak nen Hilkias, sakey ed saray saserdoten walad Anatot+ ed dalin na Benjamin. 2 Akitongtong ed sikato si Jehova diad panaon nen Josias+ ya ari na Juda, ya anak nen Amon,+ diad koma-13 taon na panuuley to. 3 Intultuloy na Dios so akitongtong ed sikato diad panaon nen Jehoiakim+ ya ari na Juda, ya anak nen Josias, anggad anampot so koma-11 a taon nen Zedekias+ ya ari na Juda, ya anak nen Josias, anggad nibantak ed arum a dalin iray totoo ed Jerusalem diad komaliman bulan.+

4 Oniay mensahe nen Jehova a sinmabi ed siak:

Ginawa ta kan propeta ed saray nasyon.”

 6 Balet inkuan ko: “O Soberanon Katawan a Jehova!

Agko amta no panoy pansalita,+ ta ugaw ak ni.”+

 7 Insan inkuan nen Jehova ed siak:

“Agmo ibabagan, ‘Ugaw ak ni.’

9 Insan inyunat nen Jehova so lima to tan diniwit toy sangik.+ Tan inkuan nen Jehova ed siak: “Inyan kod sangim iray salitak.+ 10 Inter kod sika ed sayan agew so pakauley ed saray nasyon tan ed saray panarian, pian mamagot tan mangitumba tan maneral tan mangigeba, pian mangipaalagey tan mantanem.”+

11 Oniay mensahe nen Jehova a sinmabi lamet ed siak: “Antoy nanenengneng mo, Jeremias?” Inkuan ko: “Nanenengneng koy sanga na sakey a kiew ya almendro.”*

12 Inkuan nen Jehova ed siak: “Duga, ta mansiasiansia ak ya aliing pian sumpalen koy salitak.”

13 Oniay mensahe nen Jehova a sinmabi ed siak diad komaduan pankanawnawa, ya inkuan to: “Antoy nanenengneng mo?” Inkuan ko: “Nanenengneng koy sakey a manlelwag* a kaldero,* tan say sangab to et akabeneg ed amianen.” 14 Insan inkuan nen Jehova ed siak:

2 Oniay mensahe nen Jehova a sinmabi ed siak: 2 “La ka, tan ibagam ed Jerusalem, ‘Oniay inkuan nen Jehova:

 3 Say Israel et masanto nensaman ed si Jehova,+ saray unonan bunga na ani to.”’

‘Mankasalanan so siopaman a mangakmon ed sikato.

Onsabi ed sikara so kadederal,’ so imbaga nen Jehova.”+

 5 Oniay inkuan nen Jehova:

 8 Agmet intepet na saray saserdote, ‘Kawalaan nen Jehova?’+

10 ‘Balet la kayod saray gilig na dayat* na Kitim+ tan nengneng yo.

14 ‘Kasin say Israel et lingkor odino aripen a niyanak ed sankaabungan?

Kanian akin et nasamsam iray kayarian to?

Ginawa ran makapataktakot so dalin to.

Apoolan iray syudad to kanian anggapo lay manaayam ditan.

16 Kakanen na saray totoo ed Nof*+ tan Tapanes+ so walad toktok na ulom.

Balet imbagam: “Agta ka panlingkoran,”

23 Panoy pangibagam ya, ‘Agko dinutakan so sarilik.

Agko tinumbok iray Baal’?

Nengneng mo pay impanakar mo diad lawak.

Imanom no antoy ginawam.

Siopay makaamper ed sikato diad panaon na pankasta to?

Agnakesawan iray manaanap ed sikato.

Sikatoy naromog da no panaon to* la.

Balet imbagam, ‘Anggapo lay nagawaan!+

27 Ibabaga rad sakey a kiew, ‘Sika so amak,’+

Tan diad sakey a bato, ‘Sika so angiyanak ed siak.’

Balet imbeneg da ak.+

28 Kawalaan natan na dirios mo a ginawam?+

29 ‘Akin a misusuppiatan kayo nid siak?

Akin a nanrebelde kayon amin ed siak?’+ so imbaga nen Jehova.

30 Anggapoy kakanaan na impanusak ed saray ananak yo.+

31 O sikayon henerasyon, imano yoy salita nen Jehova.

Akin et imbaga na sarayan totook, ‘Bulos kamin manakar-akar.

Agkami la onlad sika’?+

Balet ta dakerakel lan agew a nilingwanan ak na saray mismon totook.+

33 O bii, agaylay dunong mon manggaway paraan pian makalmo kay mangaro ed sika!

Impasal moy sarilim ed saray dalan na inkauges.+

35 Balet ibabagam, ‘Anggapoy kasalanan ko.

Seguradon kinmepa lay sanok tod siak.’

36 Akin et iisipen mon melmelag a bengatla so panguuman-uman moy dalan mo?

3 Itetepet na saray totoo: “No isian na laki so asawa to tan ontaynan imay asawan bii insan magmaliw lan asawa na sananey, kasin mipawilan nid sikato imay angisian?”

Agta arutakan la iyan dalin?+

 2 “Bantag mo iray pukdol ya anggapoy tanem tan nengneng mo.

Wala tay lugar ya agda ka inakdolan tan inabuso?

6 Diad saray panaon nen Arin Josias+ et oniay inkuan nen Jehova ed siak: “‘Anengneng mo lay ginawa na agmatoor ya Israel? Sikatoy linmad kada atagey a palandey tan ed silong na kada masalompapak a kiew pian milawanan.+ 7 Anggan kayari ton ginawa irayan amin et siansia nin ibabagak ed sikato ya ompawil komon ed siak,+ balet agpinmawil; tan banbantayan na Juda so gagawaen na agmatoor ya agi to.+ 8 Sanen anengneng ko itan, pinataynan ko so agmatoor ya Israel tan inikdan koy kasulatan na diborsyo+ lapud impikalugoran to.+ Balet agtinmakot so agmatoor ya agi ton Juda; sikatoy linma met ya akilawanan.+ 9 Inisip ton melag labat a bengatla so pilalawanan to, tan intultuloy ton dinutakan so dalin tan akikalugoran ed saray bato tan kiew.+ 10 Balet diad sarayan amin, siansia nin agpinmawil ed siak so agmatoor ya agi ton Juda diad interon puso to, noagta kunkunwari labat,’ so imbaga nen Jehova.”

11 Insan inkuan nen Jehova ed siak: “Impanengneng na agmatoor ya Israel a sikatoy* mas matunong nen say agmatoor a Juda.+ 12 La ka tan ipaamtam irayan salita diad amianen:+

“‘“Pawil ka, O rebelden Israel,” so imbaga nen Jehova.’+ ‘“Agak onusdong a walaay pasnok* ed sika,+ ta matoor ak,” so imbaga nen Jehova.’ ‘“Agmansiansia so sanok ko ed andi-anggaan. 13 Basta bidbir moy impankasalanan mo, ta nanrebelde kad si Jehova a Dios mo. Mirerelasyon kad saray dayo* diad silong na kada masalompapak a kiew, balet agmo inunor so boses ko,” so imbaga nen Jehova.’”

14 “Pawil kayo, O rebelden ananak,” so imbaga nen Jehova. “Ta siak so tuan katawan* yo; tan alaen ta kayo, sakey manlapud kada syudad tan duara manlapud kada pamilya, tan awiten ta kayo ed Sion.+ 15 Tan ikdan ta kayo na saray managpastol ya onkiwas unong ed linawak,*+ tan pakanen da kayo ed panamegley na kakabatan tan aralem a pakatalos. 16 Diad satan a panaon et ondakel kayo tan magmaliw kayon mabunga ed sayan dalin,” so imbaga nen Jehova.+ “Agyo la ibagan, ‘Say kaban na sipanan nen Jehova!’ Agyo la itan isipen, odino nanonotan odino nailiwan, tan agkayo la manggaway sananey a kaban. 17 Diad satan a panaon et tawagen day Jerusalem bilang say trono nen Jehova;+ tan natipon ed Jerusalem so amin a nasyon pian idayew day ngaran nen Jehova,+ tan agda la ipilit a tumboken so mauges a puso ra.”

18 “Diad satan a panaon et saniba iran manakar, say sankaabungan na Juda tan say sankaabungan na Israel,+ tan saniba iran manlapu ed dalin diad amianen pian onlad dalin ya inter kod saray inmuunan atateng yo bilang tawir.+ 19 Tan inisip ko, ‘Malikeliket ak sanen inyan ta kad limog na saray ananak ko tan inter kod sika so marakep a dalin, say sankarakepan a tawir ed amin a nasyon!’*+ Inisip ko met a tawagen yo ak na, “Ama!” tan agkayo ontundan ontumbok ed siak. 20 ‘Balet, singa sakey ya agmatoor ya asawan bii a tinaynan toy asawa* to, ontan met so agyo impanmatoor ed siak, O sankaabungan na Israel,’+ so imbaga nen Jehova.”

22 “Pawil kayo, sikayon rebelden ananak.

Tambalen koy kipapasen yo bilang rebelde.”+

23 Talagan ilusyon labat iray pukdol tan saray gulo ed kapalandeyan.+

Talagan manlapud si Jehova a Dios mi so kililiktar na Israel.+

 5 Ibaga yo itan ed Juda, tan ipaamta yod Jerusalem,

Eyag kayo tan paknol yo so tambuyog diad sayan dalin.+

 6 Mangitagey kayoy tanda* ed Sion.

Mananap kayoy amotan yo, tan agkayo manmemeneng,”

Ta idapok so kadederal manlapud amianen,+ on, sakey a baleg a kadederal.

Sikatoy pinmaway ed pasen to pian gawaen ton makapataktakot so dalin yo.

Nageraygeray iray syudad yo tan agla napanayaman.+

10 Insan inkuan ko: “O Soberanon Katawan a Jehova! Talagan pinalikdom so totoo na Juda+ tan Jerusalem diad impangibagam na, ‘Niwala so kareenan ed sikayo,’+ anta ngalngali kami la pakgeran na espada.”*

11 Diad satan a panaon et oniay ibaga ed totoo na Juda tan Jerusalem:

12 Iganggan kon onsabi so maksil a dagem a manlalapud saratan a pasen.

Iyabawag ko natan so panangukom ed sikara.

Saray kabayo to et maples nen saray agila.+

Pakaskasi tayo la, ta aderal tayo la!

14 O Jerusalem, urasan moy pusom pian nalinisan ed inkauges, tan niliktar ka.+

Anggad kapigan a mansiansia ed sika so mauges a kanonotan?

Ta onsabi itan anggad pusom!”

19 O agaylay ermen ko,* agaylay ermen ko!

Ansakisakit so naliliknak ed pusok.*

Manpukal so pusok.

Sikaray ananak ya andiay kalakal tan pakatalos.

23 Anengneng ko so dalin, tan anggapo lay wadtan tan anggapo lay manaayam ditan.+

Ninmengneng ak ed tawen, tan anggapo lay liwawa ra.+

Agawa itan lapud si Jehova,

Lapud mandarlang a sanok to.

30 Natan ta aderal ka la, antoy gawaen mo?

Oniay ibabaga to legan ya akaunat iray lima to:+

“Pakaskasi ak la, ta naksawan ak la* lapud saray managpatey!”

5 Liber kayod saray karsada na Jerusalem.

Nengneng kayod kaliberliber tan imano yo.

 2 Anggano ibaga ran: “Unong a mabilay si Jehova!”

Siansia nin mansamba ra na katilaan.+

 3 O Jehova, agta say inkamatoor so nenengnengen mo?+

Dinusam ira, balet anggapoy epekto tod sikara.*

Dineral mo ra, balet ag-ira mangawat na disiplina.+

 4 Balet inkuan kod sarilik: “Seguradon saraya may nipaabeba.

Nabingbingkas so amin ya ompaway ditan.

 7 Panon ta kan perdonaen ed saya?

 9 “Agak kasi mikuentaan ed sikara lapud sarayan bengatla?” so imbaga nen Jehova.

“Agak kasi ombales* ed onian klase na nasyon?”+

Magmaliw iran andi-kakanaan a singa saray ibabaga ra!”

14 Kanian oniay inkuan nen Jehova, say Dios na saray armada:

15 “O sankaabungan na Israel, iyakar kod sika so sakey a nasyon manlapud arawi,”+ so imbaga nen Jehova.

“Sakey a nasyon ya abayag lan niletneg.

17 Upoten da iray inanim tan tinapay mo.+

Upoten da iray ananak mon lalaki tan bibii.

Upoten da iray bakam tan karnerom.

Upoten da iray kaubasan mo tan kiew mon igos.

Deralen dad panamegley na espada iray apadiran a syudad mo a panmamatalekan mo.”

18 “Balet anggan diad saratan ya agew,” so imbaga nen Jehova, “agta ka sigpot a deralen.+ 19 Tan sano itepet dan, ‘Akin et ginawa ed sikatayo nen Jehova iyan amin a bengatla?’ iyebat mod sikara, ‘No panon a tinaynan yo ak a Dios yo tan nanlingkor kayod sananey a dios diad dalin yo, manlingkor kayo met ed saray dayo ed sakey a dalin ya agyo gawa.’”+

21 “Dengel kayo, sikayon makulangkulang tan andiay kalakal a totoo:*+

24 Tan agda imbagad sarili da:

26 Ta wala ray mauges a totoo ed limog na saray totook.

Manisilib ira, a singa saray akakebkeb a managpatit na manok.

Mangiiyan ira na makapatey a patit.

Totoo so eerelen da.

Kanian binmiskeg tan yinmaman ira.

29 “Agak kasi mikuentaan ed sikara lapud sarayan bengatla?” so imbaga nen Jehova.

“Agak kasi ombales* ed onian klase na nasyon?

30 Makapabigla tan makapataktakot a bengatla so sinmabi ed dalin:

Tan ontan so labalabay na totook.+

Balet antoy gawaen yo no onsabi so anggaan?”

Mamarlang kayo na apoy a tanda diad Bet-hakerem!

Ta ngalngali la onsabi so kadederal manlapud amianen, sakey a baleg a kadederal.+

 2 Say anak a bii na Sion et mipara ed sakey a maganggana tan masimsimpit a bii.+

 3 Onsabi iray managpastol tan saray pulok da.

Ipaalagey da ray tolda ra diad kaliberliber to,+

Pankabkaben na balang sakey so pulok ya aasikasoen to.+

 4 “Manparaan kayo ed* piguerra ed sikato!

Alagey kayo, tan sikatoy lusoben tayo no kaagwan!”

 6 Ta oniay inkuan nen Jehova na saray armada:

“Manbatang kayoy kiew tan mantambak kayoy dalanen yo diad pangubkob yod Jerusalem.+

 9 Oniay inkuan nen Jehova na saray armada:

“Tudtoren da so amin ya akera ed Israel a singa ra unor a bunga na sengeg na ubas.

Manburbor ka lamet a singa samay manbuburbor na saray bunga ed kaubasan.”

10 “Siopay pangibagaan ko tan pangiteran koy pasakbay?

Siopay ondengel?

Apepetan iray layag da,* kanian ag-ira makarengel.+

Ta dusaen ko ray manaayam ed sayan dalin,” so imbaga nen Jehova.

Anta anggapoy kareenan.+

15 Makakalikna ra kasi na baing lapud saray makapadimlan ginawa ra?

Anggapon balot so nalilikna ran baing!

Agda anggan amtay ombaing!+

Kanian natumba ra ed kawalaan na saray atumba la.

Natiror ira sano dusaen ko ra,” so inkuan nen Jehova.

16 Oniay inkuan nen Jehova:

“Manalagey kayo diad saray nansangaan na dalan, tan nengneng yo.

Balet ibabaga ra: “Agkami manakar ditan.”+

Balet imbaga ran: “Agmi itan imanoen.”+

18 “Kanian dengel kayo, O sikayo ran nasyon!

Tan impulisay da so ganggan* ko.”

21 Kanian oniay inkuan nen Jehova:

22 Oniay inkuan nen Jehova:

23 Mamemben iray pana tan jabelin.

Maruksa ra, tan anggapoy panangasi ra.

Mandarasig iran miguerra a singa sakey a sundalon milaban ed sika, O anak a bii na Sion.”

24 Abalitaan mi itan.

29 Apoolan so panagsibok.

Ismay so pinmaway ed apoy.

7 Oniay inkuan nen Jehova ed si Jeremias: 2 “Manalagey kad puerta na abung nen Jehova, tan ipasabim iyan mensahe, ‘Dengel yoy salita nen Jehova, amin yon totoo na Juda ya onloloob ed sarayan puerta pian ondakmomo ed si Jehova. 3 Oniay inkuan nen Jehova na saray armada, say Dios na Israel: “Uman yo ray kabibilay yo tan kagagawa yo, pian abuloyan ta kayon mansiansia ed sayan pasen.+ 4 Agkayo manmamatalek ed saray makapalikdon salita diad pangibaga yoy, ‘Saya* so templo nen Jehova, say templo nen Jehova, say templo nen Jehova!’+ 5 No talagan umanen yo ray kabibilay yo tan kagagawa yo; no talagan ipanengneng yoy hustisya ed baetan na sakey a too tan say kapara ton too;+ 6 no agyo pairapen iray dayon miaayam, saray ulila,* tan saray balo;+ no agkayo mangipaagus na dala na andiay kasalanan ed sayan pasen; tan no agkayo ontumbok ed arum a dirios a sengegay pakasakitan yo;+ 7 abuloyan ta kayon mansiansia ed sayan pasen, say dalin ya inter ko ed saray inmuunan atateng yo, diad amin a panaon.”’”*

8 “Balet manmamatalek kayo ed saray makapalikdon salita+—ag-itan balot makagunggona. 9 Nayarian yo kasi mantakew,+ mamatey, mikalugoran, mansamba na tila,+ manbagat* ed Baal,+ tan ontumbok ed dirios ya agyo kabat, 10 insan kayo onlad sayan abung a tinawag ed ngaran ko tan onalagey kayod arapan ko tan ibaga yon, ‘Niliktar kami,’ anggano makapadimla irayan amin a gagawaen yo? 11 Ipapasen yo ta lan ungib na matatakew iyan abung a tinawag ed ngaran ko?+ Anengneng kon mismo iya,” so imbaga nen Jehova.

12 “‘Balet la kayo natan ed pasen a panaayaman ko diad Silo,+ say inmunan pasen a pinilik parad ngaran ko,+ tan nengneng yo no antoy ginawak ditan lapud inkauges na Israel a totook.+ 13 Balet intultuloy yon ginawa irayan amin a bengatla,’ so imbaga nen Jehova, ‘tan anggano akitongtong ak ed sikayo ya aminpigapiga,* agkayo dinmengel.+ Agak tinmundan tinmawag ed sikayo, balet agkayo inmebat.+ 14 Kanian no antoy ginawak ed Silo et ontan met so gawaen ko ed panmamatalekan yon abung a tinawag ed ngaran ko,+ tan ed sayan pasen ya inter kod sikayo tan ed inmuunan atateng yo.+ 15 Ekalen ta kayo diad pakanengneng ko, a singa impangekal kod amin ya agagi yo, say amin a kailalakan nen Efraim.’+

16 “Balet sika, agmo ipipikasi irayan totoo. Agka onaakis odino manpipikasi odino onkekerew ed siak parad sikara,+ ta agta ka dengelen.+ 17 Agmo ta nanenengneng so gagawaen dad saray syudad na Juda tan ed saray karsada na Jerusalem? 18 Saray ananak so mankikiew, tan saray kaamaan so mamaparlang na apoy, tan saray kaasawaan a bibii so manmamasa na arina pian manggawa iray bagat a bibingka parad Reyna na Tawen,*+ tan mangiyiibung ira na apay ya iinumen parad arum a dirios pian pasanoken da ak.+ 19 ‘Balet kasin siak so sasakitan* da?’ so imbaga nen Jehova. ‘Agta say sarili da lanlamang, diad dilin kababaingan da?’+ 20 Kanian oniay inkuan na Soberanon Katawan a Jehova, ‘Iyibung ko so pasnok tan sanok ko ed sayan pasen,+ ed too, ed ayep, ed saray kiew ed uma tan ed saray bunga na dalin; ondalang itan tan agnaerep.’+

21 “Oniay inkuan nen Jehova na saray armada, say Dios na Israel, ‘Sige, iyarum yo iray interon apay yon popoolan ed saray arum nin bagat yo, tan akan yo so karne.+ 22 Ta diad samay agew ya impaway ko iray inmuunan atateng yo ed dalin na Ehipto, agak nansalita ed sikara odino ingganggan ko ra nipaakar ed saray interon apay a popoolan tan bagat.+ 23 Balet saya so ingganggan kod sikara: “Tulok yoy boses ko, tan siak so magmaliw a Dios yo, tan sikayo so magmaliw a totook.+ Tumbok yo so amin a dalan ya iganggan ko, pian maabig so pansumpalan yo.”’+ 24 Balet ag-ira dinmengel odino tinmalineng;+ noagta nanakar ira unong ed dilin panlabayan* da, ya impilit dan tumboken so mauges a puso ra,+ kanian pasener ira, aliwan paabante, 25 manlapu lad samay agew na impaway na saray inmuunan atateng yo ed dalin na Ehipto ya anggad sayan agew.+ Kanian ibabakik ed sikayo iray amin a lingkor kon propeta, ya inagew-agew tan aminpigapiga.*+ 26 Balet agda ak dinengel, tan agda ak tinalineng.+ Benger ira,* tan mas mauges ni ginawa ra nen saray inmuunan atateng da!

27 “Ibagam ed sikara irayan amin a salita,+ balet agda ka dengelen; tawagen mo ra, balet agda ka ebatan. 28 Tan ibagam ed sikara, ‘Saya so nasyon ya agtinmulok ed boses nen Jehova a Dios da tan ag-angawat na disiplina. Anggapo lay manmamatoor, tan agda la anggan nabibitla itan.’*+

29 “Kiskis yo so ag-akatli* a buek yo tan ibantak yo, tan mangansion kayo na tagleey* ed saray pukdol ya anggapoy tanem, ta impulisay la nen Jehova tan taynanan to la iyan henerasyon ya amasanok ed sikato. 30 ‘Ta ginawa na saray totoo na Juda so mauges ed pakanengneng ko,’ so imbaga nen Jehova. ‘Inyan da iray makapadimlan idolo ra diad abung a tinawag ed ngaran ko, pian dutakan da itan.+ 31 Impaalagey da iray atagey a pasen na Tofet, a walad Lawak na Anak nen Hinom,*+ pian poolan da iray ananak dan lalaki tan bibii,+ a satan et agko ingganggan tan agbalot anggan linmad pusok.’*+

32 “‘Kanian onsabi panaon,’ so imbaga nen Jehova, ‘sano agla itan tawagen a Tofet odino Lawak na Anak nen Hinom,* noagta say Lawak na Panagpateyan. Iponpon da ray inaatey diad Tofet anggad anggapo lay pasen a pangiponponan.+ 33 Tan saray bangkay na sarayan totoo et kanen na saray manok tan saray ayayep, ya anggapoy mangablog ed sikara.+ 34 Paandien ko so tanol na panliliket tan gayaga, say boses na nobyo tan nobya,+ diad saray syudad na Juda tan ed saray karsada na Jerusalem, ta nageraygeray iyan dalin.’”+

8 “Diad satan a panaon,” so imbaga nen Jehova, “ipaway dad saray lubok iray pukel na arari na Juda, saray pukel na priprinsipe to, saray pukel na saray saserdote, saray pukel na saray propeta, tan saray pukel na saray manaayam ed Jerusalem. 2 Nitaytayak iratan ed silong na agew tan bulan tan ed amin a bengatla ed tawen a pinabli ra tan nanlingkoran da tan tinumbok da tan inanap da tan nandakmomoan da.+ Ag-iratan natipon, odino nikotkot. Magmaliw iratan a singa tai na ayep ed tapew na dalin.”+

3 “Tan saray nakera ed sayan mauges a pamilya a walad amin a pasen a pangitayakan kod sikara et mas pilien da ni ompatey nen say manbilay,” so imbaga nen Jehova na saray armada.

4 “Tan ibagam ed sikara, ‘Oniay inkuan nen Jehova:

“No natumba ra, ag-ira kasi onalagey lamet?

No manguman so sakey, agmet kasi manguman imay sakey?

 5 Akin a sarayan totoo na Jerusalem et mansiasiansian agmatoor ed siak?

 6 Nanimano ak tan tinmalineng ak, balet aliwan duga so panagsalita ra.

Anggapoy anggan sakey a nagbabawi ed kaugsan to odino nantepet na, ‘Anto yay ginawak?’+

Balang sakey et ompapawil ed dalan a tutumboken na karaklan, a singa kabayon maples a mamapaarap ed guerra.

Balet saray totook et agda natalosan so panangukom nen Jehova.”’+

 8 ‘Panon yon nibagan: “Marunong kami, tan walad sikami so ganggan* nen Jehova”?

Ta diad tua, say matila* a panagsulat+ na saray eskriba* et inusar labat ed katilaan.

 9 Abaingan iray marunong.+

Ataktakot ira tan naerel ira.

Anta anggapoy kareenan.+

12 Makakalikna ra kasi na baing lapud makapadimlan ginawa ra?

Anggapon balot so nalilikna ran baing!

Agda anggan amtay ombaing!+

Kanian natumba ra ed kawalaan na saray atumba la.

Natiror ira sano dusaen ko ra,’+ so inkuan nen Jehova.

13 ‘Panganggaen ko ra sano tiponen ko ra,’ so imbaga nen Jehova.

‘Anggapoy nakeran bunga ed sengeg na ubas, anggapoy bunga na kiew ya igos, tan nalenes iray bulong.

Tan nabalang da imay inter kod sikara.’”

14 “Akin et akayurong itayo dia?

Mantitipon itayo tan onloob itayo ed saray apadiran a syudad+ tan diman tayo ompatey.

16 Manlapud Dan et narengel so pampunges na saray kabayo to.

“Anggapo ta ed Sion si Jehova?

Odino anggapo ta diman so ari?”

20 “Asumpal lay panag-ani, anampot lay tiagew,

Balet agtayo ni niliktar!”

Ataktakot ak.

22 Anggapo tay tambal a balsamo* diad Gilead?+

Odino anggapo tay managtambal diman?+

Akin et agni inmabig so biin anak na saray totook?+

 2 O no komon ta walay pampundoan ko sano manbiahe ak ed kalawakan!

Impasal day dila ra a mansalita na katilaan.+

Inyupot day kasil da diad panggagawa na makapuy.

 6 Manbibilay kan kaiba na saray totoon managpalikdo.

Lapud panamalikdo ra et agda ak labay a nakabat,” so imbaga nen Jehova.

 7 Kanian oniay inkuan nen Jehova na saray armada:

 8 Makapatey a pana so dila ra a mansasalita na panamalikdo.

 9 “Agak kasi mikuentaan ed sikara lapud sarayan bengatla?” so imbaga nen Jehova.

“Agak kasi ombales* ed onian klase na nasyon?+

Tinmaynan la iray manok tan ayayep; anggapo la ra.+

12 Siopa so marunong a makatalos ed saya?

Siopa so angibagaan nen Jehova a mangipaamta ed satan?

Akin et aderal iyan dalin?

13 Oniay ebat nen Jehova: “Lapud impulisay day ganggan* ya inter kod sikara, tan agda itan tinumbok tan agda dinengel so boses ko. 14 Impilit dan tinumbok so puso ra,+ tan tinumbok da iray imahen nen Baal, unong ya imbangat ed sikara na saray kaamaan da.+ 15 Kanian oniay inkuan nen Jehova na saray armada, say Dios na Israel, ‘Pakanen koy ahenho irayan totoo, tan painumen ko ray nansamal a danum.+ 16 Itaytayak ko ra ed saray nasyon ya agda kabat tan agkabat na saray kaamaan da,+ tan ibakik so sakey ya espada a mangusil ed sikara anggad naupot ko ra.’+

19 Ta narerengel so ungol na pantagleey ed Sion:+

“Agaylay impakaderal tayo!

Agaylay kababaingan tayo!

Ta tinaynan tayo so dalin, tan inggeba da iray ayaman tayo.”+

20 Sikayo ran bibii, dengel yo so salita nen Jehova.

Awat yo so ibabaga to.

22 Ibagam, ‘Oniay inkuan nen Jehova:

23 Oniay inkuan nen Jehova:

24 “Balet saya komon so ipasirayew na samay manpasirayew:

25 “Onsabi panaon,” so imbaga nen Jehova, “a mikuentaan ak ed amin ya asegat balet diad tua et agni ra asegat,+ 26 pati ed Ehipto,+ Juda,+ Edom,+ saray Ammonita,+ Moab,+ tan ed amin na saramay akatlian so buek ed alupising da a manaayam diad kalawakan;+ ta amin a nasyon et ag-asegat, tan say interon sankaabungan na Israel et ag-asegat so puso ra.”+

10 Dengel yo so salita nen Jehova ya imbalikas to sumpad sikayo, O sankaabungan na Israel. 2 Oniay inkuan nen Jehova:

 3 Ta saray kustombre na totoo et sakey ya ilusyon.*

 6 Anggapoy mipara ed sika, O Jehova.+

Makapadinayew ka, tan say ngaran mo et magloria tan makapanyari.

 8 Anggapoy pakatalos da tan makulangkulang iran amin.+

Say instruksion a manlapud kiew et sakey ya ilusyon.*+

Say kawes na saratan et asul ya abel tan kolor-ube ya abel.*

Sarayan amin et ginawa na saray eksperton komikimey.

10 Balet si Jehova so tuan Dios.

Sikato so mabilay a Dios+ tan andi-anggaan ya Ari.+

11* Oniay ibaga yod sikara:

14 Kada too et kinmiwas ya agmakatunongan tan andiay kakabatan.

15 Saratan et ilusyon,* sakey a kimey a balbalawen.+

Naandi iratan sano onsabi so agew na pikuentaan ed sikara.

Say ngaran to et Jehova na saray armada.+

18 Ta oniay inkuan nen Jehova:

19 Pakaskasi ak la lapud impakaderal* ko!+

Agla natambal so sugat ko.

Tan inkuan ko: “Talagan sakit ko la ’ya, tan kaukolan kon itepel.

20 Aderal lay toldak, tan apulpultot so amin a lubir na satan.+

Tinaynan ak na ananak ko tan anggapo la ra.+

Anggapo lay mangibuskag ed toldak odino mangitagey ed saray abel na toldak.

22 Dengel kayo! Walay balita! Nitan la!

23 Amtak, O Jehova, ya anggapoy autoridad na too ya uleyan so dalan to.

Agkanepegan na too ya igiya so dilin kupbang to.+

11 Oniay mensahe nen Jehova ed si Jeremias: 2 “Sikayo ran totoo, dengel yo iray salita na sayan sipanan!

“Salitam* iraya ed saray totoo na Juda tan saray manaayam ed Jerusalem 3 tan ibagam ed sikara, ‘Oniay inkuan nen Jehova, say Dios na Israel: “Naayew so too ya ag-ontulok ed saray salita na sayan sipanan,+ 4 ya ingganggan kod saray inmuunan atateng yo diad samay agew ya impaway ko rad dalin na Ehipto,+ manlapud hurno a panagtunawan na balatyang,+ ya inkuan ko, ‘Tulok yoy boses ko, tan gawa yon amin so ingganggan kod sikayo; tan magmaliw kayon totook tan siak so magmaliw a Dios yo,+ 5 pian sumpalen koy insipan kod saray inmuunan atateng yo, ya iter kod sikara so dalin a manag-agus so gatas tan dilo,+ a singa natan.’”’”

Tan inyebat ko: “Amen,* O Jehova.”

6 Insan inkuan nen Jehova ed siak: “Ipaamtam ya amin irayan salita ed saray syudad na Juda tan ed saray karsada na Jerusalem: ‘Dengel yo iray salita na sayan sipanan, tan sumpal yo. 7 Ta binilin kon maong iray inmuunan atateng yo diad samay agew ya impaway ko rad dalin na Ehipto tan anggad sayan agew, aminpigapigak ya imbilin:* “Tulok yoy boses ko.”+ 8 Balet ag-ira dinmengel odino tinmalineng, noagta impilit dan tumboken so mauges a puso ra.+ Kanian ginawak ed sikara so amin a salita na sayan sipanan lapud agda inunor so ingganggan ko ed sikara.’”

9 Insan inkuan nen Jehova ed siak: “Nankokomplot iray totoo na Juda tan saray manaayam ed Jerusalem. 10 Pinmawil ira ed saray kasalanan na inmuunan atateng da, ya agtinmulok ed saray salitak.+ Tinmumbok met ira ed arum a dirios tan nanlingkoran da iratan.+ Dineral na sankaabungan na Israel tan sankaabungan na Juda so impisipanan kod saray inmuunan atateng da.+ 11 Kanian inkuan nen Jehova, ‘Idapok ed sikara so kadederal+ ya agda nibatikan. Sano onkerew ira na tulong ed siak, agko ra dengelen.+ 12 Insan saray syudad na Juda tan saray manaayam ed Jerusalem et onlan onkerew na tulong ed saray dirios a pambabagatan da,*+ balet ag-ira niliktar na saratan sano onsabi ed sikara so kadederal. 13 Ta saray dirios mo, O Juda, et singa karakel na saray syudad mo, tan singa karakel na saray karsada na Jerusalem so inyan mon altar parad makapabaing a bengatla,* saray pambabagatan ya altar parad si Baal.’+

14 “Balet sika,* agmo ipipikasi irayan totoo. Agka onaakis odino manpipikasi parad sikara,+ ta agak ondengel sano ontawag ira ed siak lapud pakaderal da.

Anggan diad panamegley na sagradon karne,* naamper da kasi so kadederal sano onsabi itan ed sikayo?

Manliket kayo kasi ed satan a panaon?

17 “Inyabawag nen Jehova na saray armada, ya angitanem ed sika,+ a walay onsabin kadederal ed sika lapud kaugsan a ginawa na sankaabungan na Israel tan say sankaabungan na Juda, ta pinasanok da ak lapud nambagat irad si Baal.”+

19 Singa ak maamon kordero ya inyakar ed panagpateyan.

Agko amta a manplaplano ran onsumpad siak:+

21 Kanian oniay inkuan nen Jehova sumpad saray totoo na Anatot+ a malabay a mamatey ed sika,* tan ibabaga ran: “Agka manpropropesiya ed ngaran nen Jehova,+ ta no andi et pateyen mi ka”; 22 kanian oniay inkuan nen Jehova na saray armada: “Dusaen ko ra. Ompatey ed espada iray kalangweran a lalaki,+ tan ompatey ed eras iray anak dan lalaki tan bibii.+ 23 Anggapoy anggan sakey a nakera ed sikara, lapud deralen ko ray totoo na Anatot,+ diad taon na pikuentaan ed sikara.”

12 O Jehova, matunong ka a Dios.+ Maptek so pidedeneng mo sano ibabalikas kod sika so reklamok,

Sano ibabagak ed sika so nipaakar ed inkahustisya.

 2 Intanem mo ra, tan linmamot ira.

Binmaleg ira tan nambunga ra.

Sikay bungay sangi ra, balet anggapo kad sankaaraleman a kanonotan* da.+

Ta inkuan dan: “Agto nanengneng no antoy nagawa ed sikatayo.”

Ineyagan da ka.

 7 “Tinaynan koy abung ko;+ pinaulyanan koy tawir ko.+

Inyawat ko so totoon pinabpablik* ed saray kalaban to.+

 8 Say tawir ko et nagmaliw a singa leon ed katakelan.

Sikatoy inmungol sumpad siak.

Kanian sikatoy binusol ko.

Say marakdakep a dalin ya apag ko et impagmaliw dan kalawakan ya agnapanayaman.

11 Nagmaliw itan a dalin ya agnapanayaman.

Anggapoy kareenan parad siopaman.*

13 Nantanem ira na trigo, balet sabisabit so inani ra.+

Nankesaw ira, balet anggapoy agunggona ra.

14 Oniay inkuan nen Jehova ed amin a mauges a kaabay ko, a manidiwit ed tawir ya inter kon kayarian na Israel a totook:+ “Bagoten ko ra ed dalin da,+ tan bagoten kod sikara so sankaabungan na Juda. 15 Balet kayarik iran bagoten et kasian ko ra lamet tan ipawil ko so balang sakey ed sikara ed tawir to tan ed dalin to.”

16 “Tan no seguroen dan aralen iray paraan na totook tan mansamba ra ed ngaran ko, ‘Unong a mabilay si Jehova!’ a singa impangibangat da ed saray totook a mansamba ed ngaran nen Baal, onaligwas ira ed limog na saray totook. 17 Balet no ag-ira ontulok, bagoten ko met itan a nasyon, bagoten ko tan deralen ko,” so imbaga nen Jehova.+

13 Oniay inkuan nen Jehova ed siak: “La ka, tan mangaliw kay linen a balkes tan ibariber mod awak mo, balet agmo itan ibabasa ed danum.” 2 Kanian angaliw ak na balkes unong ed imbaga nen Jehova tan imbariber kod awak ko. 3 Tan oniay mensahe nen Jehova a sinmabi ed siak diad komaduan pankanawnawa: 4 “Awit mo so sinaliw mon balkes ya akasulong ed sika tan alagey ka, la kad Eufrates tan iyamot mo itan diad sakey a letak na baleg a bato.” 5 Kanian linma ak tan inyamot ko itan ed abay na Eufrates, unong ya ingganggan nen Jehova ed siak.

6 Balet kayari na dakel iran agew et inkuan nen Jehova ed siak: “Alagey ka, la kad Eufrates tan alam diman imay balkes ya impaiyamot kod sika.” 7 Kanian linma ak ed Eufrates tan kinotkot ko tan inalak imay balkes ed angiyamotan ko, tan anengneng ko ya aderal la imay balkes; aglan balot nausar.

8 Insan oniay mensahe nen Jehova a sinmabi ed siak: 9 “Oniay inkuan nen Jehova, ‘Ontan met so paneral kod inkamapaatagey na Juda tan say alabas ya inkamapaatagey na Jerusalem.+ 10 Sarayan mauges a totoo ya agda labay a tuloken iray salitak,+ ya ipipilit dan tumboken so puso ra,+ tan ontutumbok irad arum a dirios a panlilingkoran tan pandadakmomoan da, et magmaliw met a singa sayan balkes ya aglan balot nausar.’ 11 ‘Ta singa say balkes ya akapeket ed awak na sakey a too, pinagmaliw kon akapeket met ed siak so interon sankaabungan na Israel tan interon sankaabungan na Juda,’ so imbaga nen Jehova, ‘pian magmaliw iran totook,+ gloriak,+ dayew ko, tan sakey a bengatlan marakdakep. Balet ag-ira tinmulok.’+

12 “Tan ipasabim met iyan mensahe ed sikara, ‘Oniay inkuan nen Jehova a Dios na Israel: “Nepeg a panoen na alak so amin a baleg a buyog.”’ Tan oniay iyebat dad sika, ‘Agmi ni sirin amta a nepeg a panoen na alak so amin a baleg a buyog?’ 13 Insan ibagam ed sikara, ‘Oniay inkuan nen Jehova: “Panoen ko na alak so amin a manaayam ed sayan dalin,+ saray arari ya akayurong ed trono nen David, saray saserdote tan saray propeta, tan amin a manaayam ed Jerusalem, ya anggad nabuek ira. 14 Tan pambabasigan ko ra ed sakey tan sakey, kaamaan pati ananak,” so imbaga nen Jehova.+ “Agko ra abageyen odino panermenan odino kasian; anggapoy makaamper ed siak no deralen ko ra.”’+

15 Dengel yo tan imano yo.

Agkayo manpapaatagey, ta si Jehova so nansalita.

19 Akakapot* iray syudad ed abalaten, tan anggapoy makapangilukas ed saratan.

Amin a totoo ed Juda et nibantak ed arum a dalin.+

20 Tangwa ka tan nengneng mo iramay onsasabi manlapud amianen.+

Kawalaan na samay pulok a niiter ed sika, saray alay abig a karnerom?+

Agta onsabi ed sika so pampasakit, a singa biin manaanak?+

22 Tan sano ibagam ed sarilim, ‘Akin et agawad siak irayan bengatla?’+

Lapud kabaleg na lingom kanian nakal so sapey mo+

Tan apairap a maong iray mukor mo.

23 Nasalatan kasi na sakey a Cusita* so baog to, odino nasalatan kasi na leopardo iray batek to?+

24 Kanian itaytayak ta kayo a singa dayami ya itiktikyab na dagem a nanlapud desierto.+

Pakaskasi ka la, O Jerusalem!

Anggad kapigan ka mansiansian agmalinis?”+

14 Oniay mensahe nen Jehova a sinmabi ed si Jeremias nipaakar ed kelang:+

 2 Nanermen so Juda,+ tan aderal iray puerta to.

 3 Tan saray kakatawan ditan et imbaki da iray ariripen da* pian mangalay danum.

Linma rad saray abot a pakaromogay danum,* balet anggapoy aromog da.

Pinmawil ira ya anggapoy karga na saray buyog da.

Kanian adismaya iray dumaralus tan sinakbongan day ulo ra.

 6 Nanalagey iray atap ya asno diad saray pukdol ya anggapoy tanem.

Agmo kami papaulyanan.

10 Oniay inkuan nen Jehova nipaakar ed sarayan totoo: “Labalabay day manakar-akar;+ agda pinugeran iray sali ra.+ Kanian ag-aliketan si Jehova ed sikara.+ Nonoten to natan so lingo ra tan dusaen to ra lapud saray kasalanan da.”+

11 Insan oniay imbaga nen Jehova ed siak: “Agmo ipipikasi a walay onsabin maabig ed sarayan totoo.+ 12 Sano manaayunal ira, agko dedengelen iray kerew da,+ tan sano mangiyaapay ira na saray interon apay a popoolan tan apay a kakanen, agak naliliketan ed saratan,+ ta paandien ko ra ed panamegley na espada, eras, tan salot.”*+

13 Diad saman et inkuan ko: “O Soberanon Katawan a Jehova! Oniay ibabaga ed sikara na saray propeta, ‘Anggapoy nanengneng yon espada, tan anggapoy onsabin eras ed sikayo, balet iter kod sikayo so tuan kareenan diad sayan pasen.’”+

14 Insan inkuan nen Jehova ed siak: “Katilaan so ipropropesiya na sarayan propeta diad ngaran ko.+ Agko ra imbaki odino ingganggan odino akitongtongan.+ Palson pasingawey tan andi-kakanaan a panagparles, tan panamalikdo na dilin puso ra so ipropropesiya rad sikayo.+ 15 Kanian oniay inkuan nen Jehova: ‘Ompatey ed espada tan eras irayan propeta a manpropropesiya ed ngaran ko, anta agko ra imbaki, tan ibabaga ran anggapoy espada odino eras ya onsabi ed sayan dalin.+ 16 Tan saray totoo a pangibabagaan day propesiya et magmaliw a bangkay ya ataytayak ed saray karsada na Jerusalem lapud eras tan espada, ya anggapoy mangiponpon ed sikara,+ pati saray kaasawaan da, tan saray ananak dan lalaki tan bibii. Ta ikalbok so kadederal a manepeg ed sikara.’+

Ta say propeta tan say saserdote et nanliberliber ed dalin ya agda amta.’”+

19 Kasin sigpot mo lan impulisay so Juda, odino kasin binusol mo* so Sion?+

Akin et sinakitan mo kami, kanian agkami la onabig?+

Nonot mo, tan agmo dederalen so impisipanan mod sikami.+

Agta sika labat, O Jehova a Dios mi, so makagawad saya?+

15 Insan oniay inkuan nen Jehova ed siak: “Anggano akaalagey natan ed arapan ko si Moises tan si Samuel,+ agko kasian irayan* totoo. Pataynan mo ra ed arapan ko. Paalis mo ra. 2 Tan no ikuan dad sika, ‘Iner so laen mi?’ ibagam ed sikara, ‘Oniay inkuan nen Jehova:

“Siopaman a parad makapatey a salot, ompatey ed makapatey a salot!

Siopaman a parad espada, ompatey ed espada!+

Siopaman a parad eras, ompatey ed eras!

Tan siopaman a parad pakaaripen, et naaripen!”’+

3 “‘Tan ibakik ed sikara so apatiran kadederal,’*+ so imbaga nen Jehova, ‘say espada a mamatey, saray aso a mangigayugoy, saray manok tan ayayep a mangupot tan maneral.+ 4 Tan pagmaliwen ko ran sengegay pakataktakotan na amin a panarian diad dalin+ lapud ari na Juda a si Manases ya anak nen Hezekias, lapud ginawa to ed Jerusalem.+

 6 ‘Tinaynan mo ak,’ so imbaga nen Jehova.+

‘Naynay mo ak ya ibebeneg.*+

Kanian dusaen ta ka tan deralen ta ka.+

Naksawan ak lan mangaabagey ed sika.*

 7 Tan diad saray syudad* na dalin et taepan ko ra pian itikyab ira na dagem.

Pateyen ko iray anak da.+

 8 Diad arapan ko, saray abalon bibii ed sikara et magmaliw a dakdakel nen saray buer ed dayat.

Diad kaagwan et iyakar ko so managderal ed saray kainaan tan kalangweran a lalaki.

Biglan idapok ed sikara so takot tan gonigon.

Balet amin da et isasamba da ak.

Ibawian mo ak ed saray mamapasegsegang ed siak.+

Agmo komon aabuloyan a say matantan a pampasnok mo et sengegay ipatey ko.

Nonot mo ya itetepel ko iyan kababaingan lapud sika.+

18 Akin et agla naandi so sakit a naliliknak tan agla natambal so sugat ko?

Agla itan onabig.

19 Kanian oniay inkuan nen Jehova:

20 “Pagmaliwen ta kan singa mabiskeg a gansan padir ed sarayan totoo.+

16 Oniay mensahe nen Jehova a sinmabi lamet ed siak: 2 “Agka mangaasawa, tan agka maniilalak na lalaki tan bibii ed sayan pasen. 3 Ta oniay inkuan nen Jehova nipaakar ed saray anak a lalaki tan bibii a niyanak dia, tan nipaakar ed saray kaamaan tan kainaan da: 4 ‘Ompatey ira lapud saray makapatey a sakit,+ balet anggapoy manermen odino mangiponpon ed sikara; magmaliw iran singa tai na ayep ed tapew na dalin.+ Ompatey ira ed espada tan eras,+ tan saray bangkay da et kanen na saray manok tan ayayep.’

 6 Parehon ompatey ed sayan dalin so prominente tan ordinaryon totoo.

9 “Ta oniay inkuan nen Jehova na saray armada, say Dios na Israel, ‘Diad sayan pasen, legan na saray agew yo, tan diad mismon pakanengneng yo, et paandien ko so tanol na panliliket tan gayaga, say boses na nobyo tan nobya.’+

10 “Sano ibagam iyan amin a salita ed sarayan totoo, tepetan da ka, ‘Akin et imbaga nen Jehova iyan amin a baleg a kadederal ed sikami? Antoy ginawa min lingo tan kasalanan ed si Jehova a Dios mi?’+ 11 Oniay iyebat mod sikara, ‘“Lapud tinaynan ak na saray inmuunan atateng yo,”+ so imbaga nen Jehova, “tan tinmumbok ira ed arum a dirios pian manlingkor tan ondakmomo ed saratan.+ Balet siak, tinaynan da ak, tan agda inunor so ganggan ko.+ 12 Tan mas mauges so ginawa yo nen saray inmuunan atateng yo,+ tan balang sakey ed sikayo et impilit ton tumboken so mauges a puso to imbes ya unoren to ak.+ 13 Kanian manlapud sayan dalin et ibasileng ta kayo ed dalin ya agyo amta tan agmet amta na saray inmuunan atateng yo,+ tan agew-labi kayon manlingkor diman ed arum a dirios,+ lapud agta kayo kasian.”’

14 “‘Balet onsabi agew,’ so imbaga nen Jehova, ‘sano agda la ibagan: “Unong a mabilay si Jehova, ya angipaway ed saray totoo na Israel manlapud dalin na Ehipto!”+ 15 noagta: “Unong a mabilay si Jehova, ya angipaway ed saray totoo na Israel manlapud dalin ed amianen tan manlapud amin a dalin ya angitayakan tod sikara!” tan ipawil ko ra ed dalin da ya inter kod saray inmuunan atateng da.’+

17 Ta sankanengneng ko so amin a gagawaen da.*

17 “Say kasalanan na Juda et nisulat ed panamegley na balatyang a panagsulat.

 4 Nabalang moy tawir mo ya inter kod sika, unong ed panlabay mo.+

Mandarlang itan a naynay.”

 5 Oniay inkuan nen Jehova:

 6 Sikatoy magmaliw a singa kiew a bukbukor to ed desierto.

 9 Say puso et agnapanmatalkan* nen say antokaman a bengatla tan desperado.*+

Siopay makatebek ed satan?

14 Paabig mo ak, O Jehova, tan onabig ak.

15 Wala ray mangibabaga ed siak:

“Kawalaan na salita nen Jehova?+

Onsabi la komon itan!”

17 Agmo ak komon tataynan pian agak ontakot.

Sika so pansalimbengan ko ed agew na kadederal.

19 Oniay inkuan nen Jehova ed siak: “La ka, tan alagey kad puerta na ananak na totoo a ditan so lolooban tan papawayan na saray arari na Juda, tan diad amin a puerta na Jerusalem.+ 20 Ibagam ed sikara, ‘Dengel yoy salita nen Jehova, sikayo ran arari na Juda, amin yon totoo ed Juda, tan amin yon manaayam ed Jerusalem, ya onloloob ed sarayan puerta. 21 Oniay inkuan nen Jehova: “Bantayan yoy inkasikayo,* tan agkayo mangaawit na antokaman diad agew na Sabaton tan agyo itan iloloob ed saray puerta na Jerusalem.+ 22 Agkayo mangaawit na antokaman ya ipaway yod abung yo diad agew na Sabaton; tan agkayo mankikimey.+ Pansiansia yon sagrado so agew na Sabaton, unong ya ingganggan kod saray inmuunan atateng yo.+ 23 Balet ag-ira dinmengel odino nanimano, tan anawet so ulo ra* tan ag-ira mangawat na disiplina.”’+

24 “‘“Balet no sigpot kayon ontulok ed siak,” so imbaga nen Jehova, “tan agkayo mangiloob na antokaman diad saray puerta na sayan syudad ed agew na Sabaton, tan pansiansiaen yon sagrado so agew na Sabaton diad agyo pankimey,+ 25 diad ontan et onloob ed saray puerta na sayan syudad iray arari tan saray prinsipe ya akayurong ed trono nen David,+ tan akalugan irad karwahe tan saray kabayo, sikara tan saray prinsipe ra, saray totoo ed Juda tan saray manaayam ed Jerusalem;+ tan sayan syudad et panayaman diad amin a panaon. 26 Tan onsabi iray totoo manlapud saray syudad na Juda, manlapud kaliberliber na Jerusalem, manlapud dalin na Benjamin,+ manlapud abeban pasen,+ manlapud mapalandey a rehyon, tan diad Negeb,* a sankaawit da iray interon apay a popoolan,+ saray bagat,+ saray apay a kakanen,+ olibano, tan saray bagat parad pisasalamat pian iyakar da ed abung nen Jehova.+

27 “‘“Balet no agkayo ontulok ed siak, ya agyo pansiansiaen a sagrado so agew na Sabaton tan mangawit kayoy antokaman tan iloob yo itan diad saray puerta na Jerusalem ed agew na Sabaton, poolan ko iray puerta to, tan upoten na satan iray malet a tori na Jerusalem+ tan ag-itan naerep.”’”+

18 Oniay inkuan nen Jehova ed si Jeremias: 2 “Alagey ka tan la kad abung na managdamili,+ tan diman ko ibagad sika iray salitak.”

3 Kanian linma ak ed abung na managdamili, tan anengneng kon walay gagawaen ton pananginan. 4 Balet say pitek a popormaen ton pananginan et aderal ed lima to. Kanian sananey lan klase na pananginan so ginawa to, unong ed anengneng ton manepeg a gawaen.*

5 Insan oniay mensahe nen Jehova a sinmabi ed siak: 6 “‘O sankaabungan na Israel, agko kasi nayarian a gawaen ed sikayo so singa ginawa na sayan managdamili?’ so imbaga nen Jehova. ‘Singa say pitek a walad lima na managdamili, ontan kayo met ed limak, O sankaabungan na Israel.+ 7 Kapiganman a salitaen ko so pamagot tan pangigeba tan paneral ed sakey a nasyon odino panarian,+ 8 tan ibeneg na satan a nasyon so inkauges to a kokondenaen ko, umanen koy kanonotan ko nipaakar ed* kadederal a ninonot kon idapo ed sikato.+ 9 Balet kapiganman a salitaen ko so pangipaalagey tan pangiletneg ed sakey a nasyon odino panarian, 10 tan manggawa itan na mauges ed pakanengneng ko tan agto tuloken so boses ko, umanen koy kanonotan ko nipaakar ed* maabig a ninonot kon gawaen parad sikato.’

11 “Ipangasim, ibagam natan ed saray totoo na Juda tan ed saray manaayam ed Jerusalem, ‘Oniay inkuan nen Jehova: “Iparaan* koy sakey a kadederal tan mannononot ak na sakey a pakana sumpad sikayo. Ipangasi yo, pagbabawian yo so mauges iran dalan yo, tan uman yo iray dalan tan kagagawa yo.”’”+

12 Balet inkuan da: “Anggapo lay nagawaan!+ Ta tumboken mi iray walad dilin kanonotan mi, tan gawaen mi so unong ed inkaawet na mauges a puso mi.”+

13 Kanian oniay inkuan nen Jehova:

“Ipangasi yo, mantepet kayo ed saray nasyon.

Siopa lay akadngel na onia ran bengatla?

Agaylan makapakebbiew so ginawa na birhen na Israel.+

14 Natunaw kasi so niebe ed saray bato ed gilig na kapalandeyan na Lebanon?

Odino naandi kasi so ambetel a danum ya onaagus manlapud arawi?

15 Balet nilingwanan ak na totook.+

Amin ya ondalan ditan et nataktakot ed nanengneng da tan manpeyeng ra.+

17 Itayak ko rad arapan na kalaban a singa dabok ya itayak na dagem a manlalapud bukig.

Ibeneg ko ra tan agak onarap ed sikara diad agew na pakaderal da.”+

18 Tan inkuan da: “Gali, ta mannonot tayoy gawaen tayon mauges ed si Jeremias,+ ta agnepeg a naandi so ganggan* na saray saserdote tayo, odino say simbawa na saray makabat, odino say salita na saray propeta. Gali, ta sikatoy akusaan tayo,* tan agtayo dengelen iray ibaga to.”

20 Kasin say maong et balesen na mauges?

Ta nankotkot ira na abot parad siak.*+

Naandian komon na ananak tan nabalo iray kaasawaan dan bibii.+

19 Oniay inkuan nen Jehova: “La ka, tan mangaliw kay melag a buyog ed managdamili.+ Ipilam so arum ed saray mamatatken ed saray totoo tan mamatatken ed saray saserdote, 2 tan la ka ed Lawak na Anak nen Hinom,+ a walad lolooban na Puerta na saray Langa. Tan iyabawag mo diman iray salita ya ibagak ed sika. 3 Oniay ibagam, ‘Dengel yoy salita nen Jehova, sikayo ran arari na Juda tan sikayo ran manaayam ed Jerusalem. Oniay inkuan nen Jehova na saray armada, say Dios na Israel:

“‘“Maganok lan deralen iyan pasen, tan onalitengteng iray layag na siopaman a makarengel ed satan. 4 Lapud tinaynan da ak+ tan impagmaliw dan agla nabidbir iyan pasen.+ Manbabagat ira dia parad arum a dirios ya agda kabat tan agkabat na inmuunan atateng da tan saray arari na Juda, tan sayan pasen et pinano ray dala na saray andiay kasalanan.+ 5 Angipaalagey ira na saray atagey a pasen parad Baal pian poolan da iray ananak dan lalaki bilang interon apay a popoolan parad Baal,+ a satan et agko ingganggan odino sinalita, tan agbalot anggan linmad pusok.”’*+

6 “‘“Kanian onsabi panaon,” so imbaga nen Jehova, “sano sayan pasen et agla tawagen a Tofet odino Lawak na Anak nen Hinom, noagta say Lawak na Panagpateyan.+ 7 Deralen ko iray plano na Juda tan Jerusalem ed sayan pasen, tan pateyen ko ra ed espada diad arapan na kakabusol da tan diad lima na saramay malabay a mamatey ed sikara.* Tan saray bangkay da et iter kon kanen na saray manok tan ayayep.+ 8 Tan sayan syudad et pagmaliwen kon sakey a pakataktakotan tan balbalawen.* Amin ya ondalan ditan et nataktakot ed nanengneng da tan manngisiw ira lapud amin a salot ditan.+ 9 Tan paulyan kon kanen day laman na ananak dan lalaki tan bibii, tan kanen na balang sakey so laman na kapara ton too, lapud nagawan pangubkob tan lapud inkadesperado ra sano paliberan ira na saray kalaban da tan saramay malabay a mamatey ed sikara.”’*+

10 “Insan betag mo so melag a buyog ed arapan na lalakin akila ed sika, 11 tan ibagam ed sikara, ‘Oniay inkuan nen Jehova na saray armada: “Ontan so pametag kod sarayan totoo tan ed sayan syudad, a singa pametag ed pananginan a ginawa na managdamili pian agla itan naapiger; tan iponpon da ed Tofet iray bangkay ya anggad anggapo lay pangiponponan.”’+

12 “‘Ontan so gawaen kod sayan pasen,’ so imbaga nen Jehova, ‘tan ed saray manaayam ditan, pian pagmaliwen kon singa Tofet iyan syudad. 13 Tan magmaliw a marutak a singa say Tofet iray kaabungan na Jerusalem tan kaabungan na saray arari na Juda,+ on, amin a kaabungan a diad atep so pangiyaapayan da na bagat parad amin a bengatla ed katawenan+ tan ditan da iyiibung iray apay ya iinumen parad arum a dirios.’”+

14 Kapawil nen Jeremias a nanlapud Tofet ya angibakian nen Jehova a pampropesiyaan to, sikatoy inmalagey ed sular na abung nen Jehova tan oniay inkuan tod amin a totoo: 15 “Oniay inkuan nen Jehova na saray armada, say Dios na Israel, ‘Deralen ko iyan syudad tan say amin a baley to a singa imbagak, lapud anawet so ulo ra* tan agda labay ya unoren iray salitak.’”+

20 Natan et mandengdengel so anak nen Imer a si Pasur, say saserdote tan manunan opisyal ed abung nen Jehova, sanen impropesiya nen Jeremias irayan bengatla. 2 Insan pinekpek nen Pasur si Jeremias a propeta tan inyan tod saray panangipangawan+ a walad Bandad Tagey a Puerta na Benjamin, diad abung nen Jehova. 3 Balet diad tinmumbok ya agew, sanen imbulos la nen Pasur si Jeremias ed saray panangipangawan, oniay inkuan nen Jeremias ed sikato:

“Aliwan Pasur so impanawag nen Jehova ed sika, noagta Takot Diad Kaliberliber.+ 4 Ta oniay imbaga nen Jehova, ‘Nataktakot ka tan say amin a kakaarom lapud say gawaen kod sika, tan nanengneng mo ran ompatey ed espada na saray kalaban da;+ tan iyawat koy interon Juda ed ari na Babilonia, tan awiten to rad Babilonia tan pateyen to rad espada.+ 5 Tan iter kod lima na saray kalaban da so amin a kayamanan na sayan syudad, amin a kaykayarian to, amin a mablin bengatlan walad sikato, tan amin a kayamanan na arari na Juda.+ Tan samsamen da iratan tan awiten dad Babilonia.+ 6 Tan sika, Pasur, tan say amin a manaayam ed abung mo, naaripen kayo. Diad Babilonia so pangiyakaran ed sika tan diman ka ompatey, tan diman ka niponpon a kaiba na saray kakaarom, lapud katilaan so impropesiyam ed sikara.’”+

 7 Kinombinse mo ak, O Jehova, kanian akombinse ak.

Inusar moy biskeg mo sumpad siak, kanian tinmalona ka.+

Ta inagew-agew ak a naiinsulto tan nababalaw lapud salita nen Jehova.+

“Sikatoy kondenaen tayo; sikatoy kondenaen tayo!”

Amin a toon mankukunwarin mikakareenan ed siak et aalagaren day pakatumbak:+

11 Balet kaibak si Jehova a singa sakey a makapataktakot a sundalo.+

Kanian natumba tan natalo iramay mamapasegsegang ed siak.+

Nabaingan iran maong, ta ag-ira ontalona.

Agnalingwanan so andi-anggaan a kababaingan da.+

13 Kansionan yoy Jehova! Idayew yoy Jehova!

Ta inliktar toy pobri* ed saray managgaway mauges.

14 Naayew komon so agew na inkiyanak ko!

Agkomon nabendisyonan so agew na impangiyanak ed siak nen inak!+

15 Naayew komon imay toon angibaga na maong a balita ed amak sanen imbaga ton:

“Laki so anak mo!”

Kanian malikeliket so amak.

16 Satan a too et magmaliw komon a singa saray syudad a dineral nen Jehova ya agto nanermenan.

Sikatoy makarengel komon na akis ed kabuasan tan tanol a mangipapasakbay na guerra diad kaagwan.

21 Naawat nen Jeremias so mensahe a nanlapud si Jehova sanen imbaki nen Arin Zedekias+ ed sikato si Pasur+ ya anak nen Malkias tan si Sofonias+ ya anak nen Maasias, a saserdote, pian oniay kerewen to: 2 “Ipangasim, mantepet kad si Jehova parad sikami, lapud miguerra ed sikami si Arin Nabucodonosor* na Babilonia.+ Agla pigan gawaen nen Jehova ed sikami so sakey ed saray makapakelaw a gawa to, pian onatras la so ari.”+

3 Oniay imbaga nen Jeremias ed sikara: “Oniay ibaga yod si Zedekias, 4 ‘Oniay inkuan nen Jehova a Dios na Israel: “Ipuliktar kod sikayo* iray armas ed guerra a walad mismon lima yo, ya uusaren yon pilaban ed ari na Babilonia+ tan ed saray Caldeo a mangukubkob ed sikayo diad paway na padir. Tan tiponen ko iratan ed pegley na sayan syudad. 5 Tan siak a mismo so milaban ed sikayo+ diad panamegley na akaunat a lima tan mabiskeg a taklay, tekep na pasnok tan sanok tan baleg a pambusol.+ 6 Kabilen ko iray manaayam ed sayan syudad, totoo tan ayayep. Ompatey ira lapud baleg a salot.”’*+

7 “‘“Tan kayari na satan,” so imbaga nen Jehova, “iyawat koy Arin Zedekias na Juda, saray ariripen to, tan saray totoo ed sayan syudad—saramay akaliktar ed salot, espada, tan eras—ed si Arin Nabucodonosor* na Babilonia, ed saray kakabusol da, tan ed saramay malabay a mamatey ed sikara.*+ Pateyen to rad panamegley na espada. Agto ra panermenan, tan agto ra abageyen odino kasian.”’+

8 “Tan ibagam ed sarayan totoo, ‘Oniay inkuan nen Jehova: “Iyan kod arapan yo so dalan na bilay tan say dalan na patey. 9 Ompatey ed espada, eras, tan salot iramay mansiansia ed sayan syudad. Balet mantultuloy a manbilay so siopaman ya ompaway tan onsuko ed saray Caldeo a mangubkob ed sikayo, tan nakayarian to so bilay* to bilang samsam.”’*+

10 “‘“Ta impulisay ko la iyan syudad tan sagmaken to so kadederal tan aliwan pankaabigan,”+ so imbaga nen Jehova. “Iyawat ko itan ed ari na Babilonia,+ tan poolan to.”+

11 “‘Sikayo ran walad sankaabungan na ari na Juda: Dengel yoy salita nen Jehova. 12 O sankaabungan nen David, oniay inkuan nen Jehova:

‘Balet sikayon mangibabagay: “Siopay onlusob ed sikatayo?

Tan siopay onloob ed panaayaman tayo?”

22 Oniay inkuan nen Jehova: “La kad abung* na ari na Juda, tan ipasabim iyan mensahe. 2 Ibagam, ‘Dengel moy salita nen Jehova, O ari na Juda ya akayurong ed trono nen David, sika tan saray lingkor mo tan saray totoom ya onloloob ed sarayan puerta. 3 Oniay inkuan nen Jehova: “Ipatnag yoy inkahustisya tan inkatunong. Iliktar yo imay tatakewan na managsaol. Agyo mamaltratoen so anggan siopan dayon miaayam, tan agyo sasakitan so anggan siopan ugaw ya ulilad ama* odino say abalon bii.+ Tan agkayo mamapaagus na dala na andiay kasalanan diad sayan pasen.+ 4 Ta no maalwar yon gawaen iyan amin a salita, onloob ed saray puerta na sayan abung iray arari ya akayurong ed trono nen David,+ ya akalugan ira ed saray karwahe tan kabayo, sikara tan saray lingkor da tan totoo ra.”’+

5 “‘Balet no agyo tuloken irayan salita, mansamba ak ed ngaran ko,’ so imbaga nen Jehova, ‘a sayan abung et magmaliw ya aderal a pasen.’+

8 “‘Tan dakel a nasyon so ondalan ed sayan syudad tan ibaga rad sakey tan sakey: “Akin et oniay ginawa nen Jehova ed sayan baleg a syudad?”+ 9 Tan onebat ira: “Lapud agda tinoor so impisipanan dad si Jehova a Dios da tan dinmakmomo ra tan nanlingkor irad arum a dirios.”’+

11 “Ta oniay inkuan nen Jehova nipaakar ed anak nen Josias a si Salum,*+ say arin manuuley ed Juda a sinmublay ed si Josias+ ya ama to tan anggapo lad sayan pasen: ‘Sikatoy aglan balot ompawil ditan. 12 Ta sikatoy ompatey ed pasen ya angibantakan dad sikato, tan agto lan balot nanengneng iyan dalin.’+

15 Mantultuloy ka kasin manuley lapud papalumbasan moy arum diad panguusar moy kiew a sedro?

‘Agta ontan so kabaliksan na pikabat ed siak?’ so imbaga nen Jehova.

“O agik a laki! O agik a bii!”

Sikatoy agda akisan:

“O katawan ko! Naandi lay kagalangan to!”

21 Kinatongtong ta ka sanen maligen ka ni.

Balet inkuan mo, ‘Agak ontulok.’+

Insan nabaingan ka tan niyabeba ka lapud amin a kadederal ya onsabid sika.

24 “‘Unong a mabilay ak,’ so imbaga nen Jehova, ‘anggano si Conias*+ ya anak nen Jehoiakim,+ say ari na Juda, et singa say singsing a panagtatak diad kawanan a limak, sikatoy ekalen ko! 25 “Iyawat ta kad saramay malabay a mamatey ed sika,* ed saramay tatakotan mo, ed si Arin Nabucodonosor* na Babilonia, tan ed saray Caldeo.+ 26 Tan ibasileng ta ka tan say inam ya angiyanak ed sika diad sananey a dalin ya agyo niyanakan, tan diman kayo la ompatey.” 27 Tan agla ran balot makapawil ed dalin ya il-iliwen da.*+

29 O dalin, dalin, dalin, dengel yo so salita nen Jehova.

30 Oniay inkuan nen Jehova:

23 “Pakaskasi la ray managpastol a manederal tan mangitatayak ed saray karnero ed pulok ko!” so imbaga nen Jehova.+

2 Kanian oniay inkuan nen Jehova a Dios na Israel sumpad saray managpastol na saray totoo to: “Intaytayak yo iray karnerok; binuyak yo ra, tan agyo ra inasikaso.”+

“Kanian iteen koy imanok ed sikayo lapud saray mauges a kagagawa yo,” so imbaga nen Jehova.

3 “Insan tiponen ko iray akeran karnerok manlapud amin a dalin ya angitayakan kod sikara,+ tan ipawil ko ra ed dalin ya angipastolan ed sikara,+ tan manbunga tan manparakel ira.+ 4 Tan manuro ak na saray managpastol a talagan manpastol ed sikara.+ Agla ra ontakot odino onggiwgiw, tan anggapo lay nabalang,” so imbaga nen Jehova.

5 “Onsabi agew,” so imbaga nen Jehova, “sano mamawala ak na sakey a matunong a simit*+ manlapud si David. Tan sakey ya ari so manuley+ tan mangipatnag na aralem a pakatalos tan inkahustisya tan inkatunong diad dalin.+ 6 Diad panaon to et niliktar so Juda,+ tan manayam ed kaligenan so Israel.+ Tan saya so ngaran a panawag ed sikato: Si Jehova so Lapuan na Inkatunong Tayo.”+

7 “Balet onsabi agew,” so imbaga nen Jehova, “sano agda la ibagan, ‘Unong a mabilay si Jehova, ya angipaway ed saray totoo na Israel manlapud dalin na Ehipto!’+ 8 noagta, ‘Unong a mabilay si Jehova, ya angipaway tan angipawil ed saray ilalak na sankaabungan na Israel, manlapud dalin ed amianen tan manlapud amin a dalin ya angitayakan kod sikara,’ tan manayam ira ed dilin dalin da.”+

9 Nipaakar ed saray propeta:

Asugatan so pusok.

Manggiwgiw so amin a pukel ko.

Tan amagaan iray panagpastolan ed kalawakan.+

Mauges so kagagawa ra, tan aabusoen day pakayari ra.

11 “Arutakan* iray propeta tan saserdote.+

Anggan diad dilin abung ko et anengneng koy inkauges da,”+ so imbaga nen Jehova.

13 “Tan makapadimla so anengneng ko ed saray propeta ed Samaria.+

14 Tan makapakebbiew so anengneng kod saray propeta ed Jerusalem,

Tan agda tinaynan so inkauges da.

15 Kanian oniay inkuan nen Jehova na saray armada ed saray propeta:

Ta kinmayat so apostasya ed interon dalin lapud saray propeta ed Jerusalem.”

16 Oniay inkuan nen Jehova na saray armada:

“Agyo dedengelen iray salita na saray propeta a manpropesiya ed sikayo.+

Titilaan da kayo.*

Siopay angimano ed salita to pian narengel to?

Natalosan yon maong iya diad kaunoran iran agew.

21 Agko imbaki iray propeta, balet nangganat iran linma.

Agak akitongtong ed sikara, balet nampropesiya ra.+

23 “Kasin sakey ak a Dios a wala labat ed asingger,” so imbaga nen Jehova, “tan aliwan Dios a wala met ed arawi?”

24 “Nayarian kasi na siopaman a too so onsanib ed niyamot a pasen tan sikatoy agko nanengneng?”+ so imbaga nen Jehova.

“Wala tay agko nanengneng ed katawenan tan ed dalin?”+ so imbaga nen Jehova.

25 “Nadngel ko so ibabaga na saray propetan manpropropesiya na tila diad ngaran ko, ‘Walay akugip ko! Walay akugip ko!’+ 26 Anggad kapigan ya oniay walad puso na saray propeta, pian manpropesiya ra na katilaan? Propeta iran papalikdoen na dilin puso ra.+ 27 Usaren da iray kugkugip ya iistoryaen dad balang sakey pian nalingwanan na totook so ngaran ko, a singa saray atateng da ya alingwanan day ngaran ko lapud si Baal.+ 28 Paulyan yon iyistorya na propeta so akugip to, balet samay propetan walad sikato so salitak et nepeg ton matua ya ipasabi itan.”

“Antoy piparaan na dayami ed ilik?” so imbaga nen Jehova.

29 “Agta say salitak et singa apoy,”+ so imbaga nen Jehova, “tan singa sakey a maso a manemek ed bato?”+

30 “Kanian dusaen ko iray propeta,” so imbaga nen Jehova, “saramay mamipikewet ed salitak, pian nibaga rad totoo so labay da.”+

31 “Dusaen ko iray propeta,” so imbaga nen Jehova, “a manguusar ed dila ra pian ibaga ran, ‘Oniay imbaga to!’”+

32 “Dusaen ko iray propeta ya iistoryaen da iray palson kugkugip, tan ibabalang da iray totook lapud katilaan da tan panagpasirayew da,”+ so imbaga nen Jehova.

“Balet agko ra imbaki odino ingganggan. Kanian anggapon balot so niiter dan gunggona ed sarayan totoo,”+ so imbaga nen Jehova.

33 “Tan sano tepetan ka na sarayan totoo odino say propeta odino saserdote, ya ikuan dan, ‘Anto iyan pabelat* a nanlapud si Jehova?’ ibagam met ed sikara, ‘“Sikayo ran totoo so pabelat! Tan ibantak ta kayo,”+ so imbaga nen Jehova.’ 34 Nipaakar ed propeta odino saserdote odino totoo a mangibabagay, ‘Saya so pabelat* a nanlapud si Jehova!’ Iteen koy imanok ed satan a too tan ed sankaabungan to. 35 Oniay ibabaga na balang sakey ed sikayo ed kapara ton too tan ed agi to, ‘Antoy inyebat nen Jehova? Tan antoy imbaga nen Jehova?’ 36 Balet agyo la bibitlaen so pabelat* a nanlapud si Jehova, ta say pabelat* et say mismon ibabaga na balang sakey ed sikayo, tan inuman yo iray salita na mabilay a Dios, si Jehova na saray armada, say Dios tayo.

37 “Oniay ibaga yo ed propeta, ‘Antoy ebat nen Jehova ed sika? Tan antoy imbaga nen Jehova? 38 Tan no itultuloy yo nin ibagay, “Say pabelat* a nanlapud si Jehova!” oniay salita nen Jehova: “Lapud ibabaga yon, ‘Sayan salita so pabelat* a nanlapud si Jehova,’ anta imbagak lad sikayon, ‘Agyo nepeg ya ibagan: “Say pabelat* a nanlapud si Jehova!”’ 39 alsaen ta kayo tan ibantak ta kayo manlapud arapan ko, sikayo tan say syudad ya inter kod sikayo tan ed inmuunan atateng yo. 40 Tan onsabid sikayo so andi-anggaan a kabandayan tan kababaingan, ya agbalot nalingwanan.”’”+

24 Insan impanengneng nen Jehova ed siak so duaran baskit a nankargay igos a walad arapan na templo nen Jehova, kayarin inerel nen Arin Nabucodonosor* na Babilonia si Jeconias*+ ya anak nen Jehoiakim,+ say ari na Juda, pati saray prinsipe na Juda, saray marunong a komikimey, tan saray latero;* inala to rad Jerusalem pian awiten to rad Babilonia.+ 2 Samay sakey a baskit et nankargay agaylay abig iran igos, singa saray unonan bunga na igos, balet samay sananey a baskit et nankargay aliwliwa iran igos ya agnayarin kanen.

3 Insan oniay intepet nen Jehova ed siak: “Antoy nanenengneng mo, Jeremias?” Inkuan ko: “Bungay igos; saramay maabig ya igos et talagan alay abig, balet saramay aliwliwan igos et talagan aliwliwa kanian agnayarin kanen.”+

4 Insan oniay mensahe nen Jehova a sinmabi ed siak: 5 “Oniay inkuan nen Jehova a Dios na Israel, ‘Singa sarayan maabig ya igos, maabig met so pakanengneng kod saramay nanlapud Juda a nibantak ed arum a bansa, a pinataynan ko ed sayan pasen tan niyakar ed dalin na saray Caldeo. 6 Bantayan ko ra parad pankaabigan da, tan papawilen ko rad sayan dalin.+ Iletneg ko ra, tan agko ra igeba; tan itanem ko ra, tan agko ra bagoten.+ 7 Tan ikdan ko ra na puso a makapikabat ed siak, a siak si Jehova.+ Magmaliw iran totook, tan siak so magmaliw a Dios da,+ ta ompawil ira ed siak diad interon puso ra.+

8 “‘Balet nipaakar ed saray aliwliwan igos ya agnayarin kanen,+ oniay inkuan nen Jehova: “Ontan so pakanengneng kod si Arin Zedekias+ na Juda, saray prinsipe to, tan saray akeraan ed Jerusalem ya atilak ed sayan dalin, tan ed saramay manaayam ed dalin na Ehipto.+ 9 Deralen ko ra pian ontakot so amin a panarian diad dalin,+ tan magmaliw iran sakey a kabalawan, pantotongtongan, ludlureyen, tan sakey ya ayew+ diad amin a pasen a pangitayakan kod sikara.+ 10 Tan iyakar kod sikara so espada,+ eras, tan salot,*+ anggad sigpot iran naandi diad dalin ya inter kod sikara tan ed saray inmuunan atateng da.”’”

25 Sinmabi ed si Jeremias so mensahe nipaakar ed amin a totoo na Juda diad komapat a taon nen Jehoiakim+ ya anak nen Josias, say ari na Juda, salanti, diad unonan taon nen Arin Nabucodonosor* na Babilonia. 2 Saya so imbaga nen propeta Jeremias nipaakar ed* amin a totoo na Juda tan ed amin a manaayam ed Jerusalem:

3 “Manlapud koma-13 taon nen Josias+ ya anak nen Amon, say ari na Juda, ya anggad sayan agew, et 23 taon lan onsasabi ed siak so mensahe nen Jehova, tan nansalita ak ed sikayo ya aminpigapiga,* balet agkayo dinmengel.+ 4 Tan imbaki nen Jehova ed sikayo so amin a lingkor ton propeta, ya imbaki to ran aminpigapiga,* balet agkayo dinmengel odino tinmalineng.+ 5 Ibabaga ran, ‘Ipangasi yo, tundaan komon na balang sakey ed sikayo so mauges a panagbilay to tan say mauges a kagagawa to;+ pian mansiansia kayo ed andukey a panaon diad sayan dalin ya abayag lan inter nen Jehova ed sikayo tan ed saray inmuunan atateng yo. 6 Agkayo ontutumbok ed arum a dirios pian manlingkor tan ondakmomo ed saratan, tan pasanoken yo ak lapud kimey na saray lima yo; ta no andi et deralen ta kayo.’

7 “‘Balet agkayo dinmengel ed siak,’ so imbaga nen Jehova. ‘Imbes, pinasanok yo ak lapud kimey na saray lima yo, a sengegay pakaderal yo.’+

8 “Kanian oniay inkuan nen Jehova na saray armada, ‘“Lapud agyo tinulok iray salitak, 9 patawag ko so amin a pamilya ed amianen,”+ so imbaga nen Jehova, “patawag koy Arin Nabucodonosor* na Babilonia, say lingkor ko,+ tan iyakar ko ra ed sayan dalin+ tan saray manaayam dia tan amin a nasyon ed kaliberliber.+ Deralen ko ra tan pagmaliwen ko ran sakey a bengatlan pakataktakotan tan balbalawen* tan ageray. 10 Paandien kod sikara so tanol na panliliket tan gayaga,+ say boses na nobyo tan nobya,+ say ungol na gilingan tan say liwawa na lamparaan. 11 Tan magmaliw ya aderal a pasen iyan dalin, sakey a bengatlan pakataktakotan, tan 70 taon a panlingkoran na sarayan nasyon so ari na Babilonia.”’+

12 “‘Balet sano asumpal lay 70 taon,+ mikuentaan ak ed* ari na Babilonia tan ed satan a nasyon lapud kasalanan da,’+ so imbaga nen Jehova, ‘tan pagmaliwen kon agnapanayaman so dalin na saray Caldeo ed amin a panaon.+ 13 Gawaen kod satan a dalin so amin ya imbagak, amin a nisulat ed sayan libro ya impropesiya nen Jeremias sumpad amin a nasyon. 14 Ta aripenen met ira na dakel a nasyon tan makapanyarin arari,+ tan ombales ak ed sikara unong ed saray ginawa ra tan unong ed kimey na saray lima ra.’”+

15 Ta oniay imbagad siak nen Jehova a Dios na Israel: “Alam ed limak iyan kopa a nankargay alak na sanok, tan ipainum mo ed amin a nasyon a pangibakian kod sika. 16 Tan oninum ira tan mantugingging ira tan onkiwas iran singa ambagel a totoo lapud espada ya ibakik ed sikara.”+

17 Kanian inalak so kopa ed lima nen Jehova tan impainum kod amin a nasyon ya angibakian nen Jehova ed siak:+ 18 manlapud Jerusalem tan saray syudad na Juda,+ saray arari tan prinsipe to, pian magmaliw iratan a geray, sakey a bengatlan pakataktakotan, sakey a balbalawen tan ayew,+ a singa nagagawa natan; 19 insan say Faraon ya ari na Ehipto tan saray lingkor to, priprinsipe to, tan amin a totoo to,+ 20 tan amin a dayo a manaayam ed Ehipto; amin ya arari ed dalin na Uz; amin ya arari ed dalin na saray Filisteo,+ Askelon,+ Gaza, Ekron, tan saramay akera ed Asdod; 21 say Edom,+ Moab,+ tan saray Ammonita;+ 22 amin ya arari na Tiro, amin ya arari na Sidon,+ tan saray arari ed isla a walad dayat; 23 say Dedan,+ Tema, Buz, tan amin iramay akatlian so buek ed alupising da;+ 24 amin ya arari na saray Arabiano+ tan amin ya arari na saray dayo a manaayam ed kalawakan; 25 amin ya arari na Zimri, amin ya arari na Elam,+ tan amin ya arari na saray Medo;+ 26 tan amin ya arari ed amianen a walad asingger tan arawi, mantutumbokan ira, tan amin a panarian a walad tapew na dalin; tan kayari ra et oninum so ari na Sesac.*+

27 “Tan ibagam ed sikara, ‘Oniay inkuan nen Jehova na saray armada, say Dios na Israel: “Oninum tan nabuek kayo, tan manuta tan natumba kayo tan agkayo la makabangon+ lapud espada ya ibakik ed sikayo.”’ 28 Tan no agda labay ya alaen so kopa ed limam pian oninum ira, ibagam ed sikara, ‘Oniay inkuan nen Jehova na saray armada: “Inum yo! 29 Ta diad syudad a tinawag ed ngaran ko so unonan pangidapoan koy kadederal,+ kanian napaliisan yo kasi so dusa?”’+

“‘Agyo napaliisan so dusa, ta manawag ak na sakey ya espada sumpad amin a manaayam ed dalin,’ so imbaga nen Jehova na saray armada.

Sikatoy onaglem na maksil sumpad ayaman to ed dalin.

Sikaton mismo so mangukom ed amin a totoo.*+

Tan iyawat tod espada iray mauges,’ so imbaga nen Jehova.

32 Oniay inkuan nen Jehova na saray armada:

33 “‘Tan saramay napatey nen Jehova ed satan ya agew et manlapud sakey a sampot na dalin ya anggad sananey a sampot na dalin. Ag-ira akisan, tan ag-ira natipon odino niponpon. Magmaliw iran singa tai na ayep ed tapew na dalin.’

34 Ugaog kayo, sikayo ran managpastol, tan akis kayo!

26 Diad gapo na uley nen Jehoiakim+ ya anak nen Josias, say ari na Juda, oniay imbaga nen Jehova: 2 “Oniay inkuan nen Jehova, ‘Alagey kad sular na abung nen Jehova, tan mansalita ka nipaakar ed* amin a totoo ed saray syudad na Juda ya onloloob ed abung nen Jehova pian mandayew.* Ibagam ed sikara so amin ya iganggan kod sika; agmo babawasan na anggan sakey a salita. 3 Agla pigan ondengel ira tan ibeneg na balang sakey so mauges a kabibilay to, tan umanen koy kanonotan ko nipaakar ed* kadederal a ninonot kon idapo ed sikara lapud mauges a kagagawa ra.+ 4 Ibagam ed sikara: “Oniay inkuan nen Jehova, ‘No agkayo ondengel ed siak diad itumbok yo komon ed ganggan* ya inyan kod arapan yo, 5 tan diad idengel yo ed saray salita na saray lingkor kon propeta ya aminpigapigan imbakik ed sikayo,* balet agyo ra dinengel,+ 6 sayan abung et pagmaliwen kon singa Silo,+ tan sayan syudad et pagmaliwen kon sakey a bengatlan ayewen na amin a nasyon ed dalin.’”’”+

7 Tan nadngel na saray saserdote tan saray propeta tan amin a totoo so pangibabaga nen Jeremias ed sarayan salita diad abung nen Jehova.+ 8 Kanian kayarin imbaga nen Jeremias so amin ya ingganggan nen Jehova ya ibaga tod amin a totoo, sikatoy inerel na saray saserdote tan propeta tan amin a totoo, tan inkuan da: “Seguradon ompatey ka. 9 Akin et nampropesiya ka ed ngaran nen Jehova, tan ibabagam a, ‘Sayan abung et magmaliw a singa say Silo, tan sayan syudad et naderal tan nataynanan tan agla napanayaman’?” Tan pinaliberan na amin a totoo si Jeremias diad abung nen Jehova.

10 Sanen nadngel na saray prinsipe na Juda irayan salita, linma rad abung nen Jehova manlapud abung* na ari tan yinmurong ira ed lolooban na balon puerta na abung nen Jehova.+ 11 Oniay imbaga na saray saserdote tan saray propeta ed saray prinsipe tan ed amin a totoo: “Nepeg a sentensiaan na patey iyan too,+ lapud sikatoy nampropesiya sumpad sayan syudad a singa nadngel yon mismo.”+

12 Insan inkuan nen Jeremias ed amin a prinsipe tan ed amin a totoo: “Si Jehova so angibaki ed siak pian ipropesiya so amin a salitan nadngel yo sumpad sayan abung tan sayan syudad.+ 13 Kanian uman yo natan iray kabibilay yo tan kagagawa yo tan tulok yoy boses nen Jehova a Dios yo, pian manguman so kanonotan nen Jehova nipaakar ed* kadederal a sinalita to sumpad sikayo.+ 14 Balet siak, wala ak ed lima yo. Gawa yod siak no antoy maong tan duga ed pakanengneng yo. 15 Tandaan yo balet a no pateyen yo ak, say dala na toon andiay kasalanan so ebatan yo tan sayan syudad tan saray manaayam dia, ta tuan si Jehova so angibaki ed siak pian ibaga ed sikayo irayan amin a salita.”

16 Insan inkuan na saray prinsipe tan amin a totoo ed saray saserdote tan saray propeta: “Agmanepeg a sentensiaan na patey iyan too, ta sikatoy nansalita diad ngaran nen Jehova a Dios tayo.”

17 Sakey ni, pigaran mamatatken ed dalin so inmalagey tan imbaga ra ed amin a totoon nantitipon: 18 “Nampropesiya si Miqueas+ a taga Moreset diad panaon nen Arin Hezekias+ na Juda, tan inkuan tod amin a totoo na Juda, ‘Oniay inkuan nen Jehova na saray armada:

19 “Kasin sikatoy impapatey nen Arin Hezekias na Juda tan amin a walad Juda? Agta sikatoy tinmakot ed si Jehova tan kinerew to a sikatoy kasian nen Jehova,* kanian inuman nen Jehova so kanonotan to nipaakar ed* kadederal ya imbaga to sumpad sikara?+ Kanian sayay nononoten tayon gawaen et pansengegay baleg a pakaderal tayo.*

20 “Tan wala ni sakey a too a nampropesiya ed ngaran nen Jehova, si Urias ya anak nen Semaias a taga Kiriat-jearim,+ a nampropesiya sumpad sayan syudad tan sumpad sayan dalin a singa ed saray salita nen Jeremias. 21 Saray salita to et nadngel nen Arin Jehoiakim+ tan amin a mabibiskeg a sundalo to tan amin a prinsipe, kanian sikatoy inanap na ari pian pateyen to.+ Sanen nadngelan iya nen Urias, sikatoy tinmakot tan binmatik a tampol ed Ehipto. 22 Diad saman et imbaki nen Arin Jehoiakim si Elnatan+ ya anak nen Acbor tan arum ni ran lalaki a kaiba to pian onla rad Ehipto. 23 Inala ray Urias ed Ehipto tan inyakar da ed si Arin Jehoiakim, tan sikatoy pinatey to ed espada+ insan imbantak toy bangkay diad ponponan na karaklan a totoo.”

24 Balet sinuportaan nen Ahikam+ ya anak nen Safan+ si Jeremias, kanian sikatoy agniyawat ed saray totoon malabay a mamatey ed sikato.+

27 Diad gapo na uley nen Jehoiakim ya anak nen Josias, say ari na Juda, oniay mensahe nen Jehova ed si Jeremias: 2 “Oniay inkuan nen Jehova ed siak, ‘Manggawa ka na saray bedber tan saray pako, tan iyan mo iratan ed beklew mo. 3 Insan iter mo iratan ed ari na Edom,+ ari na Moab,+ ari na saray Ammonita,+ ari na Tiro,+ tan ed ari na Sidon,+ ya ipawit mod saray mensaheron sinmabi diad Jerusalem ed si Arin Zedekias na Juda. 4 Ipasabim ed sikara iyan ganggan parad saray kakatawan da:

“‘“Oniay inkuan nen Jehova na saray armada, say Dios na Israel; oniay ibaga yod saray kakatawan yo, 5 ‘Siak so nanggawa ed dalin, katooan, tan saray ayayep a walad dalin ed panamegley na baleg a pakayarik tan akaunat a taklay ko; tan inter ko iya ed siopaman a labay kon pangiteran.*+ 6 Tan amin irayan dalin et inyawat kod lima na lingkor ko, si Arin Nabucodonosor+ na Babilonia; pati saray atap ya ayayep et inter ko pian manserbi ira ed sikato. 7 Amin a nasyon et manserbi ed sikato tan ed anak to tan ed apo to anggad isabi na panaon a mangangga so panarian to,+ sano sikatoy aripenen na dakel a nasyon tan makapanyarin arari.’+

8 “‘“‘No walay nasyon odino panarian ya agmanserbi ed si Arin Nabucodonosor na Babilonia tan agto isilong so beklew to ed pako na ari na Babilonia, dusaen ko itan a nasyon diad panamegley na espada,+ eras, tan salot,’* so imbaga nen Jehova, ‘ya anggad naupot ko ran amin ed panamegley na lima to.’

9 “‘“‘Kanian agyo dedengelen iray propeta yo, saray managparles yo, saray managkugkugip yo, saray managmahiko yo, tan saray managsalamangka yo, a mangibabagay: “Agyo panserbian so ari na Babilonia.” 10 Ta katilaan so ipropropesiya ra ed sikayo, a lapud satan et niyarawi kayo ed dalin yo, tan itaytayak ta kayo, tan sigpot kayon naandi.

11 “‘“‘Balet say nasyon a mangisilong na beklew to ed pako na ari na Babilonia tan manserbi ed sikato, abuloyan ko ran mansiansia* ed dalin da,’ so imbaga nen Jehova, ‘tan taneman tan panayaman da itan.’”’”

12 Onia met so imbagak ed si Arin Zedekias+ na Juda: “Isilong yoy beklew yo ed pako na ari na Babilonia tan manserbi kayod sikato tan ed totoo to, tan manbilay kayo.+ 13 Akin et ompatey ka tan saray totoom ed panamegley na espada,+ eras,+ tan salot,+ unong ya imbaga nen Jehova ed nasyon ya agmanserbi ed ari na Babilonia? 14 Agyo dedengelen iray salita na saray propeta a mangibabaga ed sikayoy, ‘Agyo panserbian so ari na Babilonia,’+ ta katilaan so ipropropesiya ra ed sikayo.+

15 “‘Ta agko ra imbaki,’ so imbaga nen Jehova, ‘balet katilaan so ipropropesiya ra ed ngaran ko, a manresulta ed pangitayak kod sikayo tan sigpot kayon naandi, sikayo tan saray propeta a manpropropesiya ed sikayo.’”+

16 Tan oniay imbagak ed saray saserdote tan ed sarayan amin a totoo: “Oniay inkuan nen Jehova, ‘Agyo dedengelen iray salita na saray propeta yo a mangipropropesiya ed sikayoy: “Saray kagawaan ed abung nen Jehova et maganggano lan nipawil manlapud Babilonia!”+ ta katilaan so ipropropesiya ra ed sikayo.+ 17 Agyo ra dedengelen. Manserbi kayo ed ari na Babilonia tan manbilay kayo.+ Akin et kaukolan a naderal iyan syudad? 18 Balet no talagan propeta ira tan no walad sikara so salita nen Jehova, paulyan yo ran mikasi ed si Jehova na saray armada pian agnaawit ed Babilonia iray akeran kagawaan ed abung nen Jehova, ed abung* na ari na Juda, tan ed Jerusalem.’

19 “Ta oniay inkuan nen Jehova na saray armada nipaakar ed saray lusek,+ say Dayat,*+ saray kariton,+ saray akeran kagawaan ya atilak ed sayan syudad, 20 ya ag-inala nen Arin Nabucodonosor na Babilonia sanen inerel tod Jerusalem si Jeconias ya anak nen Jehoiakim, say ari na Juda, pian awiten tod Babilonia, a kaiba so amin a gagalangen a totoo ed Juda tan Jerusalem;+ 21 on, oniay inkuan nen Jehova na saray armada, say Dios na Israel, nipaakar ed saray kagawaan ya atilak ed abung nen Jehova, ed abung* na ari na Juda, tan ed Jerusalem: 22 ‘“Diad Babilonia so pangiyakaran ed saratan,+ tan mansiansia iratan diman anggad agew ya imanoen ko lamet iratan,” so imbaga nen Jehova. “Insan alaen ko tan ipawil ko iratan ed sayan pasen.”’”+

28 Diad saman met lanlamang a taon, diad gapo na uley nen Arin Zedekias+ na Juda, diad komapat a taon, ed komaliman bulan, oniay imbaga ed siak nen propeta Hananias ya anak nen Azur a taga Gibeon+ diad abung nen Jehova ed arapan na saray saserdote tan amin a totoo: 2 “Imbaga nen Jehova na saray armada, say Dios na Israel, ‘Puteren koy pako na ari na Babilonia.+ 3 Duay taon* manlapud natan, ipawil kod sayan pasen so amin a kagawaan ed abung nen Jehova ya inala nen Arin Nabucodonosor na Babilonia tan inawit tod Babilonia.’”+ 4 “‘Tan ipawil kod sayan pasen si Jeconias+ ya anak nen Jehoiakim,+ say ari na Juda, tan amin ya inerel ed Juda ya inawit ed Babilonia,’+ so imbaga nen Jehova, ‘ta puteren koy pako na ari na Babilonia.’”

5 Insan inmebat si propeta Jeremias ed si propeta Hananias diad arapan na saray saserdote tan amin a totoo ya akaalagey ed abung nen Jehova. 6 Oniay inkuan nen propeta Jeremias: “Amen!* Ontan komon so gawaen nen Jehova! Sumpalen komon nen Jehova iray salita ya impropesiyam, ya ipawil tod sayan pasen iray kagawaan ed abung nen Jehova ya inawit ed Babilonia tan amin a totoon nibantak diman! 7 Balet, ipangasim a dengelen iyan mensahe ya ibagak ed sika tan ed amin a totoo. 8 Nampropesiya nensaman iray propeta ya akadkauna nen say siak tan say sika, nipaakar ed dakel a dalin tan saray makapanyarin panarian, nipaakar ed guerra, kadederal, tan salot.* 9 No kareenan so ipropropesiya na propeta tan ontua so imbaga to, naamtaan a talagan imbaki nen Jehova itan a propeta.”

10 Diad saman et inala nen propeta Hananias so pako ed beklew nen propeta Jeremias tan pinuter to.+ 11 Insan oniay imbaga nen Hananias ed arapan na amin a totoo: “Oniay inkuan nen Jehova, ‘Singa oniay pamuter kod pako nen Arin Nabucodonosor na Babilonia ed beklew na amin a nasyon diad loob na duay taon.’”+ Insan inmalis lay propeta Jeremias.

12 Kayarin pinuter nen propeta Hananias so pako ed beklew nen propeta Jeremias, oniay mensahe nen Jehova a sinmabi ed si Jeremias: 13 “La ka tan ibagam ed si Hananias, ‘Oniay inkuan nen Jehova: “Saray kiew a pako so pinuter mo,+ balet saray balatyang a pako so onsalat ed saratan.” 14 Ta oniay inkuan nen Jehova na saray armada, say Dios na Israel: “Iyan kod beklew na sarayan amin a nasyon so balatyang a pako, pian manserbi ra ed si Arin Nabucodonosor na Babilonia, on, sikato so panserbian da.+ Anggan saray atap ya ayayep et iter kod sikato.”’”+

15 Insan oniay imbaga nen propeta Jeremias ed si propeta Hananias:+ “Ipangasim, dengel ka, Hananias! Agka imbaki nen Jehova, balet impanmatalek mo irayan totoo ed tila.+ 16 Kanian oniay inkuan nen Jehova, ‘Ekalen ta kad tapew na dalin. Ompatey kad sayan taon, ta inlagyat moy panagrebelde sumpad si Jehova.’”+

17 Kanian inatey si propeta Hananias ed saman a taon, diad komapiton bulan.

29 Saraya so salita a walad sulat ya impawit nen propeta Jeremias manlapud Jerusalem parad saray akeran mamatatken ed saray nibantak a totoo, saray saserdote, saray propeta, tan amin a totoo, ya inerel nen Nabucodonosor ed Jerusalem tan inyakar tod Babilonia, 2 kayarin apataynan ed Jerusalem si Arin Jeconias,+ say reyna ya ina to,+ saray opisyal ed palasyo, saray prinsipe na Juda tan Jerusalem, tan saray marunong a komikimey tan saray latero.*+ 3 Impawit to so sulat ed si Elasa ya anak nen Safan+ tan si Gemarias ya anak nen Hilkias, a sikara so imbaki nen Arin Zedekias+ na Juda ya onlad Babilonia ed si Arin Nabucodonosor na Babilonia. Oniay walad sulat:

4 “Oniay inkuan nen Jehova na saray armada, say Dios na Israel, ed amin a totoon nibantak ed arum a bansa, ya inabuloyan ton naerel ed Jerusalem pian niyakar ed Babilonia, 5 ‘Mangipaalagey kayo na kaabungan tan panayaman yo. Mantanem kayo na saray tanaman tan kanen yoy bunga ra. 6 Mangasawa kayo tan manilalak kayo na lalaki tan bibii; pangasawa yo iray ananak yon lalaki tan piasawa yo iray ananak yon bibii, pian mananak met ira na lalaki tan bibii. Manparakel kayo ditan, tan agkayo nepeg ya ondaiset. 7 Tan mikareenan kayo ed syudad ya angibantakan kod sikayo tan ipikasi yo itan ed si Jehova, ta nawalaan kayoy kareenan no walay kareenan ditan.+ 8 Ta oniay inkuan nen Jehova na saray armada, say Dios na Israel: “Agyo aabuloyan a natilaan kayo na saray propeta yo a walad limog yo tan saray managparles yo,+ tan agyo dedengelen iray kugkugip da. 9 Ta ‘katilaan so ipropropesiya rad sikayo diad ngaran ko. Agko ra imbaki,’+ so imbaga nen Jehova.”’”

10 “Ta oniay inkuan nen Jehova, ‘Kayari na 70 taon diad Babilonia, ipaarap koy imanok ed sikayo,+ tan tooren koy sipan ko ya ipawil ta kayo ed sayan pasen.’+

11 “‘Ta amtak iray bengatlan nononoten ko parad sikayo,’ so imbaga nen Jehova, ‘say kareenan, tan aliwan say kadederal,+ pian ikdan ta kayoy maong ya arapen tan ilalo.+ 12 Tan ontawag tan onasingger tan manpikasi kayod siak, tan dengelen ta kayo.’+

13 “‘Anapen yo ak tan naromog yo ak,+ ta anapen yo ak diad interon puso yo.+ 14 Tan abuloyan ko a naromog yo ak,’+ so imbaga nen Jehova. ‘Tan tiponen ko iray narel ed sikayo tan tiponen ta kayo manlapud amin a nasyon tan pasen ya angitayakan kod sikayo,’+ so imbaga nen Jehova. ‘Tan ipawil ta kayod pasen a ditan ta kayo pinataynan.’+

15 “Balet inkuan yo, ‘Wala ray propeta tayo ed Babilonia a tinuro nen Jehova.’

16 “Ta oniay inkuan nen Jehova ed ari ya akayurong ed trono nen David+ tan ed amin a totoon manaayam ed sayan syudad, saray agagi yon agyo kaiban nibantak ed arum a dalin, 17 ‘Oniay inkuan nen Jehova na saray armada: “Ibakik ed sikara so espada, eras, tan salot,*+ tan gawaen ko ran singa saray abulok* tan aliwliwan igos ya agnayarin kanen.”’+

18 “‘Tan usilan ko ra diad panamegley na espada,+ eras, tan salot, tan pagmaliwen ko ran sengegay pakataktakotan na amin a panarian ed dalin,+ sakey ya ayew, sakey a bengatlan pankelkelawan, balbalawen,*+ tan kabandayan ed amin a nasyon a pangitayakan kod sikara,+ 19 lapud agda dinengel iray salitak ya impasabik ed sikara ed panamegley na saray lingkor kon propeta ya aminpigapigan imbakik,’* so imbaga nen Jehova.+

“‘Balet agkayo dinmengel,’+ so imbaga nen Jehova.

20 “Kanian dengel yoy salita nen Jehova, amin yon totoo a nibantak ed arum a bansa, a pinataynan kod Jerusalem pian onlad Babilonia. 21 Oniay inkuan nen Jehova na saray armada, say Dios na Israel, nipaakar ed si Ahab ya anak nen Kolaias tan ed si Zedekias ya anak nen Maasias, a manpropropesiya ed sikayo na katilaan ed ngaran ko,+ ‘Iyawat ko ra ed lima nen Arin Nabucodonosor* na Babilonia, tan pateyen to rad pakanengneng yo. 22 Tan samay nagawa ed sikara et magmaliw a sakey ya ayew ya ibalikas na amin a narel ed Juda a walad Babilonia, ya ibaga ran: “Pagmaliwen kayo komon nen Jehova a singa si Zedekias tan Ahab, ya inkalot na ari na Babilonia!” 23 lapud nanggawa ray mabanday diad Israel,+ akikalugoran ira ed asawa na kapara ran too tan nansalita ray tila diad ngaran ko ya agko ingganggan ed sikara.+

“‘“Siak so makaamta, tan atasian ko,”+ so imbaga nen Jehova.’”

24 “Tan ibagam ed si Semaias+ a taga Nehelam, 25 ‘Oniay inkuan nen Jehova na saray armada, say Dios na Israel: “Lapud diad ngaran mo et nansulat kad amin a totoo na Jerusalem, ed si Sofonias+ ya anak nen Maasias, say saserdote, tan ed amin a saserdote, ya inkuan mon, 26 ‘Sika so ginawa nen Jehova bilang saserdote ya onsalat ed si Jehoiada a saserdote, pian magmaliw kan manangasikaso ed abung nen Jehova, pian erelen moy siopaman a natatapis tan onkikiwas a singa propeta, tan sikatoy iyan mo ed saray panangipangawan;+ 27 kanian akin et agmo dinusa si Jeremias a taga Anatot,+ ta sikatoy onkikiwas a propeta yo?+ 28 Ta sikatoy angipasabi ni ingen na mensahe ed sikami diad Babilonia, ya ibabaga ton: “Andukey nin panaon so onlabas! Manpaalagey kayo na kaabungan tan panayaman yo. Mantanem kayo na saray tanaman tan kanen yo iray bunga ra,+—”’”’”

29 Sanen binasa nen Sofonias+ a saserdote iyan sulat ed si propeta Jeremias, 30 oniay mensahe nen Jehova a sinmabi ed si Jeremias: 31 “Ipasabim ed amin a totoon nibantak ed arum a bansa, ‘Oniay inkuan nen Jehova nipaakar ed si Semaias a taga Nehelam: “Lapud nampropesiya ed sikayo si Semaias, anta sikatoy agko imbaki, tan impanmatalek to kayod tila,+ 32 kanian oniay inkuan nen Jehova, ‘Ipaarap koy imanok ed si Semaias a taga Nehelam tan saray ilalak to. Anggapoy anggan sakey a makaliktar ed saray ilalak to ed limog na sayan totoo, tan agto nanengneng so maabig a gawaen kod totook,’ so imbaga nen Jehova, ‘ta inlagyat toy panagrebelde ed si Jehova.’”’”

30 Oniay mensahe nen Jehova a sinmabi ed si Jeremias: 2 “Oniay inkuan nen Jehova a Dios na Israel, ‘Isulat mod libro so amin a salitan ibagak ed sika. 3 Ta “onsabi agew,” so imbaga nen Jehova, “a tiponen ko iray naaripen a totook, say Israel tan Juda,”+ so inkuan nen Jehova, “tan ipawil ko rad dalin ya inter kod saray inmuunan atateng da, tan nakayarian da lamet itan.”’”+

4 Saraya so imbaga nen Jehova ed Israel tan Juda.

 5 Oniay inkuan nen Jehova:

 6 Mantepet kayo, ipangasi yo, no kasin mananak so laki.

Akin et pinmusisaw so amin a lupa?

 7 Agayla! Makapataktakot* itan ya agew.+

Balet sikatoy niliktar lanlamang ed satan.”

8 “Tan diad satan ya agew,” so imbaga nen Jehova na saray armada, “puteren koy pako ed beklew mo, tan pultoten ko iray bedber,* tan sikatoy* agla aripenen na saray agkabat a totoo.* 9 Manlingkor iray totook ed si Jehova a Dios da tan ed si David ya ari ra, a turoen ko parad sikara.”+

11 “Ta wadia ak a mangiliktar ed sika,” so imbaga nen Jehova.

12 Ta oniay inkuan nen Jehova:

“Anggapoy tambal ed piley mo.+

Agla onabig so sugat mo.

Anggapo lay makatambal ed sika.

14 Nilingwanan ka la na amin a mangaarod sika.+

Agda ka la aanapen.

15 Akin et onaakis ka lapud piley mo?

Agla natambal so sakit a naliliknam!

‘Say Sion, ya anggapoy manaanap ed sikato.’”+

18 Oniay inkuan nen Jehova:

19 Tan misalamat ira tan oneyag irad liket.+

Dusaen ko so amin a mamapairap ed sikato.+

Sikatoy paasinggeren ko, tan onasingger ed siak.”

“Ta nilikud ed sikato, wala tay makpel* ya onasingger ed siak?” so imbaga nen Jehova.

22 “Tan magmaliw kayon totook,+ tan siak so magmaliw a Dios yo.”+

Natalosan yo iya diad kaunoran iran agew.+

31 “Diad satan a panaon,” so imbaga nen Jehova, “siak so magmaliw a Dios na amin a pamilya na Israel, tan magmaliw iran totook.”+

 2 Oniay inkuan nen Jehova:

 3 Nampanengneng si Jehova ed siak manlapud arawi tan oniay inkuan to:

“Agmangangga so panangarok ed sika.

Kanian inyasingger ta kad siak tekep na matoor a panangaro.*+

 4 Ipaalagey ta ka lamet, tan nipaalagey ka lamet.+

 6 Ta onsabi agew sano iyeyag na saray managbantay a walad kapalandeyan na Efraim:

‘Alagey kayo, ontatdang itayo ed Sion, diad si Jehova a Dios tayo.’”+

 7 Ta oniay inkuan nen Jehova:

“Magayaga kayon onkelyaw ed si Jacob.

Eyag kayod liket lapud sikayo so manunaan ed saray nasyon.+

 8 Alaen ko ra manlapud dalin ed amianen.+

Tiponen ko ra manlapud sankaarawian iran pasen na dalin.+

Ompawil ira dia bilang baleg a kongregasyon.+

 9 Onsabi ran manak-akis.+

Igiyak ira legan iran onkekerew na panangasi.

Itonton ko ra ed saray agus* na danum,+

Diad plastadon dalan ya ag-ira natumba.

Ta siak so Ama na Israel, tan say Efraim so panguloan ko.”+

“Samay angitayak ed Israel so manipon ed sikato.

Sikatoy asikasoen to a singa gagawaen na managpastol ed pulok to.+

Pagmaliwen kon liket so ermen da.+

Ligliwaen ko ra tan panliketen ko ra imbes a manermen ira.+

15 “Oniay inkuan nen Jehova:

‘Walay boses a nadngel ed Rama,+ tagleey tan ampait ya akis:

Aakisan nen Raquel iray anak ton lalaki.*+

16 Oniay inkuan nen Jehova:

‘Ompawil ira manlapud dalin na kabusol.’+

17 ‘Tan walay ilalom ed arapen,’+ so imbaga nen Jehova.

‘Ompawil iray anak mon lalaki diad mismon dalin da.’”+

20 “Agta say Efraim et pinabpablik ya anak, tan inad-aron ugaw?+

Ta anggan panon lay kabetbet na pansasalitak sumpad sikato, sankanonot ko nin siansia.

Kanian atenyeg so liknaan* ko lapud sikato.+

Tan seguradon kasian ko,” so imbaga nen Jehova.+

Imanom so manunan karsada, say dalan a nepeg mon laen.+

Pawil ka, O birhen na Israel, pawil ka ed sarayan syudad mo.

22 Anggad kapigan so panguman-uman mo, O sikan agmatoor ya anak a bii?

Ta si Jehova et amalsa na balon bengatla diad dalin:

Sakey a bii a labalabay toy onasingger ed sakey a laki.”

23 Oniay inkuan nen Jehova na saray armada, say Dios na Israel: “Ibaga ra lamet irayan salita ed dalin na Juda tan ed saray syudad to, sano tiponen ko iray naaripen ed sikara: ‘Komon ta bendisyonan ka nen Jehova, O matunong ya ayaman,+ O masanton palandey.’+ 24 Tan mankakasakey a manayam ditan so Juda tan say amin a syudad to, saray dumaralus tan saramay mangidadaulo ed saray pulok.+ 25 Ta peneken ko imay* naksawan tan peselen ko so balang sakey* ya onkakapuy.”+

26 Abangon ak lapud saya tan inlukas koy matak, tan makapaliket ed siak so ugip ko.

27 “Onsabi agew,” so imbaga nen Jehova, “a taneman ko na bini* na too tan bini na ayayep so sankaabungan na Israel tan sankaabungan na Juda.”+

28 “Tan no panon ya akaparaan ak nensaman a mamagot, mangitumba, mangigeba, maneral, tan mamasakit ed sikara,+ akaparaan ak met a mangipaalagey tan mangitanem ed sikara,”+ so imbaga nen Jehova. 29 “Diad saratan ya agew et agda la ibagan, ‘Saray kaamaan so angan ed anakseng ya ubas, balet say ngipen na saray ananak so akilem.’*+ 30 Ingen ta ompatey so balang sakey lapud dilin kasalanan to. Siopaman a toon mangan na anakseng ya ubas et nakilem so mismon ngipen to.”

31 “Onsabi agew,” so imbaga nen Jehova, “a misipanan ak ed sankaabungan na Israel tan ed sankaabungan na Juda na sakey a balon sipanan.+ 32 Aliwa itan a singa samay impisipanan kod inmuunan atateng da diad samay agew ya intabin ko ran papaway ed dalin na Ehipto,+ ‘samay impisipanan ko a dineral da,+ anggaman siak so tuan katawan da,’* so imbaga nen Jehova.”

33 “Ta saya so sipanan a pisipanan kod sankaabungan na Israel kayari na satan a panaon,” so imbaga nen Jehova. “Iyan koy ganggan ko ed kanonotan da,*+ tan isulat ko itan ed kapusoan da.+ Tan magmaliw ak a Dios da, tan magmaliw iran totook.”+

34 “Tan agla ibangat na balang sakey so kapara ton too tan say agi to, ya ibaga ton, ‘Kabaten mo si Jehova!’+ ta kabat da ak lan amin, manlapud sankaabebaan ya anggad sankatageyan ed sikara,”+ so imbaga nen Jehova. “Ta perdonaen koy lingo ra, tan lingwanan ko lay kasalanan da.”+

37 Oniay inkuan nen Jehova: “‘No nayari komon a sukaten so katawenan tan nayarin usisaen iray pundasyon na dalin, nayarian ko met komon ya ipulisay so amin ya ilalak na Israel lapud amin a ginawa ra,’ so imbaga nen Jehova.”+

38 “Onsabi agew,” so imbaga nen Jehova, “a nipaalagey so syudad+ parad si Jehova manlapud Tori nen Hananel+ ya anggad Suyok a Puerta.+ 39 Tan say lubir a panagsukat+ et onsabi anggad pukdol na Gareb, tan onarap ed Goa. 40 Tan say interon lawak* a kawalaan na saray bangkay tan saray dapol,* tan amin ya uma ya anggad Lawak na Kidron,+ anggad suyok na Puerta na Kabayo+ ya akaarap ed bukig, so magmaliw a masanto ed si Jehova.+ Aglan balot itan nabagot odino nigeba.”

32 Say mensahe nen Jehova ed si Jeremias diad koma-10 taon nen Arin Zedekias na Juda, salanti, diad koma-18 taon nen Nabucodonosor.*+ 2 Diad saman et kukubkoben na saray armada na ari na Babilonia so Jerusalem, tan si propeta Jeremias et akapriso ed Sular na Guardia+ diad abung* na ari na Juda. 3 Ta sikatoy impriso nen Arin Zedekias na Juda,+ ya imbaga ton, “Akin et oniay ipropropesiyam? Ibabagam ya, ‘Oniay inkuan nen Jehova: “Iyawat ko iyan syudad ed ari na Babilonia, tan sakopen to iya,+ 4 tan si Arin Zedekias na Juda et agmakaliktar ed saray Caldeo, ta sikatoy seguradon niyawat ed ari na Babilonia, tan sikatoy arap-arapan a mitongtong ed ari.”’+ 5 ‘Awiten tod Babilonia si Zedekias, tan sikatoy mansiansia diman anggad sikatoy imanoen ko,’ so imbaga nen Jehova. ‘Anggano mantultuloy kayon milaban ed saray Caldeo, agkayo manalo.’”+

6 Inkuan nen Jeremias: “Oniay imbaga nen Jehova ed siak, 7 ‘Onlad sika si Hanamel ya anak nen Salum a pangamaen* mo tan oniay ibaga to: “Saliw mo imay umak diad Anatot,+ lapud sika so manunan walaay kanepegan a manondon ed satan.”’”+

8 Linma ed siak si Hanamel ya anak na pangamaen ko, unong ya imbaga nen Jehova, diad Sular na Guardia, tan oniay inkuan to: “Ipangasim, saliw mo imay umak ed Anatot, a walad dalin na Benjamin, ta sika so makanepegan a mangayarian tan manondon ed satan. Saliw mo iman.” Diad saman et naamtaan ko ya agawa iya lapud salita nen Jehova.

9 Kanian sinaliw kod si Hanamel ya anak na pangamaen ko so uma diad Anatot. Sinimbang kod sikato so kuarta,+ pitoran siklo* tan samploran piraso na pilak. 10 Insan nanggawa ak na kasulatan,+ tinatakan ko itan, anawag ak na saray tasi,+ tan sinimbang ko so kuarta. 11 Inalak imay kasulatan na impangaliw, samay atatakan unong ed ganggan tan saray legal a kakaukolanen, tan samay ag-atatakan, 12 tan inter ko so kasulatan na impangaliw ed si Baruc+ ya anak nen Nerias,+ ya anak nen Masias, diad arapan nen Hanamel ya anak na pangamaen ko, ed arapan na saray tasi a nampirma ed kasulatan na impangaliw, tan ed arapan na amin a Judio ya akayurong diad Sular na Guardia.+

13 Diad arapan da et oniay ingganggan kod si Baruc: 14 “Oniay inkuan nen Jehova na saray armada, say Dios na Israel, ‘Alam irayan kasulatan, say kasulatan na impangaliw, samay atatakan tan samay agtinatakan, tan ikargam ed pananginan a gawad pitek, pian nisinop iraya ed andukey a panaon.’ 15 Ta oniay inkuan nen Jehova na saray armada, say Dios na Israel, ‘Saray kaabungan tan kaumaan tan kaubasan et nasaliw lamet ed sayan dalin.’”+

16 Insan kayarik ya inter ed si Baruc ya anak nen Nerias so kasulatan na impangaliw, nampikasi ak ed si Jehova, ya inkuan ko: 17 “O Soberanon Katawan a Jehova! Sika so nanggawa na katawenan tan say dalin diad panamegley na baleg a pakayarim+ tan akaunat a taklay mo. Anggapoy imposible ed sika, 18 sika a mangipapatnag na matoor a panangaro ed saray nilibolibo, balet say kasalanan na saray kaamaan et ibabales mo ed* saray ananak da ya onsublay ed sikara,+ sika so tuan Dios, say magloria tan makapanyarin Dios, a say ngaran mo et Jehova na saray armada. 19 Makapadinayew so simbawam* tan makapanyari iray gawam,+ nanenengneng na saray matam so amin a kabibilay na totoo,+ pian iter mod balang sakey so unong ed kabibilay to tan unong ed saray gagawaen to.+ 20 Nanggawa ka na saray tanda tan milagro ed dalin na Ehipto, a kabkabat ni anggad sayan agew, kanian nanggawa kay ngaran parad inkasika diad Israel tan diad limog na saray totoo,+ a singa natan. 21 Tan impaway mo so Israel a totoom ed dalin na Ehipto, diad panamegley na saray tanda, milagro, mabiskeg a lima, akaunat a taklay, tan makapataktakot a gawa.+

22 “Asabi panaon et inter mod sikara iyan dalin ya insipan mon iter ed saray inmuunan atateng da,+ say dalin a manag-agus so gatas tan dilo.+ 23 Tan akakar ira tan kinayarian da itan, balet ag-ira tinmulok ed boses mo tan ag-ira tinmumbok ed ganggan mo. Agda ginawa so amin ya ingganggan mod sikara, kanian indapom ed sikara iyan amin a kadederal.+ 24 Sinmabi iray lalaki tan nantambak ira na dalanen da pian kubkoben tan sakopen da so syudad,+ tan diad panamegley na espada,+ eras, tan salot*+ et niyawat so syudad ed saray Caldeo a milalaban ed sikara; agawan amin so imbagam, a singa nanenengneng mo natan. 25 Balet imbagam ed siak, O Soberanon Katawan a Jehova, ‘Saliw mo so uma tan manawag ka na saray tasi,’ anta say syudad et niiter lanlamang ed lima na saray Caldeo.”

26 Diad saman et oniay mensahe nen Jehova a sinmabi ed si Jeremias: 27 “Siak si Jehova, say Dios na amin a katooan.* Wala tay imposible ed siak? 28 Kanian inkuan nen Jehova, ‘Iyawat ko iyan syudad ed saray Caldeo tan ed Arin Nabucodonosor* na Babilonia, tan sakopen to iya.+ 29 Tan onsabi iray Caldeo a milaban ed sayan syudad tan palioben tan poolan da iyan syudad+ tan saray kaabungan a diad atep so pangiyaapayan na saray totoo ed saray bagat dad si Baal tan pangiyiibungan day apay ya iinumen parad arum a dirios pian pasanoken da ak.’+

30 “‘Ta puro mauges ed pakanengneng ko so gagawaen na saray totoo na Israel tan Juda, manlapud inkaugaw da ya anggad natan;+ naynay ak a pasasanoken na saray totoo na Israel lapud kimey na saray lima ra,’ so imbaga nen Jehova. 31 ‘Ta sayan syudad et nagmaliw a sengegan na pasnok tan sanok ko,+ manlapu lad agew ya inletneg da iya ya anggad natan, kanian nepeg a naekal iya ed arapan ko,+ 32 lapud amin a kaugsan a ginawa na saray totoo na Israel tan Juda pian pasanoken da ak—sikara, saray arari ra,+ saray prinsipe ra,+ saray saserdote ra, saray propeta ra,+ tan saray lalaki ed Juda tan saray manaayam ed Jerusalem. 33 Naynay da ak ya ibebeneg;+ anggano aminpigapigak iran imbangat,* anggapod sikara so dinmengel pian mangawat na disiplina.+ 34 Tan inyan da iray makapadimlan idolo ra diad abung a tinawag ed ngaran ko, pian dutakan da itan.+ 35 Sakey ni, impaalagey da iray atagey a pasen nen Baal diad Lawak na Anak nen Hinom,*+ pian iparalan dad apoy iray ananak dan lalaki tan bibii parad si Molec,+ a satan et agko ingganggan ed sikara+ tan agbalot linmad pusok* pian gawaen itan a makapadimlan bengatla, a sengegay impankasalanan na Juda.’

36 “Kanian oniay inkuan nen Jehova, say Dios na Israel, nipaakar ed sayan syudad ya ibabaga yon niyawat ed ari na Babilonia diad panamegley na espada, eras, tan salot, 37 ‘Tiponen ko ra manlapud amin a dalin ya angitayakan kod sikara lapud pasnok tan sanok ko tan lapud baleg a pambusol,+ tan ipawil ko rad sayan pasen tan panayamen ko ra ed kaligenan.+ 38 Tan magmaliw iran totook, tan magmaliw ak a Dios da.+ 39 Tan ikdan ko ray saksakey a puso+ tan saksakey a dalan na kabibilay pian naynay da ak a takotan, parad dilin pankaabigan da tan pankaabigan na saray ananak da ya onsublay ed sikara.+ 40 Tan manggawa ak na andi-anggaan a pisisipanan ed sikara,+ tan agak ontundan manggaway kamaongan ed sikara;+ tan iyan kod puso ra so takot ed siak, pian ag-ira onarawi ed siak.+ 41 Panliketan koy panggawa na kamaongan ed sikara,+ tan malet ko ran iletneg ed sayan dalin,+ diad interon pusok tan interon kamarerwak.’”*

42 “Ta oniay inkuan nen Jehova, ‘No panon ya inyakar kod sarayan totoo iyan amin a baleg a kadederal, iyakar ko met ed sikara so amin a kamaongan* ya insipan kod sikara.+ 43 Tan nasaliw lamet ed sayan dalin iray kaumaan,+ anggano ibabaga yon: “Ag-itan napanayaman na too tan ayayep, tan niyawat la itan ed saray Caldeo.”’

44 “‘Saliwen da iray kaumaan, manggawa ray kasulatan na impangaliw tan tatakan da itan, tan manawag ira na saray tasi diad dalin na Benjamin,+ diad kaliberliber na Jerusalem, diad saray syudad na Juda,+ diad saray syudad ed mapalandey a rehyon, diad saray syudad ed abeban pasen,+ tan diad saray syudad ed abalaten, lapud ipawil ko iray naaripen ed sikara,’+ so imbaga nen Jehova.”

33 Saya so mensahe nen Jehova a sinmabi ed si Jeremias diad komaduan pankanawnawa, legan a sikatoy nipriso ed Sular na Guardia:+ 2 “Oniay inkuan nen Jehova, say amalsa ed dalin, si Jehova ya amorma tan malet ya angiletneg ed satan; Jehova so ngaran to, 3 ‘Ontawag kad siak, tan ebatan ta ka tan tampol ya ibagak ed sika iray makapadinayew tan agnatalosan a bengatla ya agmo amta.’”+

4 “Ta oniay inkuan nen Jehova a Dios na Israel nipaakar ed saray kaabungan ed sayan syudad tan kaabungan na saray arari ed Juda a nigeba lapud saray tambak a dinalan ed impangubkob tan lapud espada,+ 5 tan nipaakar ed saramay onsabin milaban ed saray Caldeo, a panoen da irayan pasen na saray bangkay na pinapatey to lapud pasnok tan sanok to, saramay totoo a lapud inkauges da et pinaulyan to iyan syudad: 6 ‘Sikatoy paabigen ko tan pakasilen ko,+ tan tambalen ko ra tan iter kod sikara so daakan a kareenan tan katuaan.+ 7 Tan ipawil ko iramay narel a totoo na Juda tan saramay narel a totoo na Israel,+ tan ipaalagey ko ra a singa ginawak ed gapo.+ 8 Tan linisan ko ra ed amin a kasalanan dad siak,+ tan perdonaen koy amin a kasalanan tan lingo rad siak.+ 9 Tan magmaliw a makapaliket ed siak so ngaran to, sakey a dayew, tan karakpan ed pakanengneng na amin a nasyon ed dalin a makadngel ed amin a kamaongan a ginawak ed sikara.+ Tan ontakot tan onggiwgiw ira+ lapud amin a kamaongan tan kareenan ya inter ko ed sikato.’”+

10 “Oniay inkuan nen Jehova: ‘Diad sayan pasen ya ibaga yon dalin ya agnapanayaman, ya andian na too odino kokomponien ya ayep, diad saray syudad na Juda tan diad saray karsada na Jerusalem ya ataynanan, ya andian na too odino manaayam odino ayayep, narengel lamet ditan 11 so tanol na panliliket tan gayaga,+ say boses na nobyo tan nobya, say boses na saramay mangibabagan: “Misalamat kayo ed si Jehova na saray armada, ta si Jehova et maomaong;+ say matoor a panangaro to et mansiansia ya anggad angga!”’+

“‘Awiten dad abung nen Jehova iray apay parad pisasalamat,+ ta ipawil ko iramay naaripen a totoo ed sayan dalin, a singa diad gapo,’ so inkuan nen Jehova.”

12 “Oniay inkuan nen Jehova na saray armada: ‘Diad sayan dalin ya agnapanayaman, ya andian na too odino kokomponien ya ayep, tan diad amin a syudad ditan et niwala lamet iray pasen a pangipastolan na saray managpastol ed saray pulok da.’+

13 “‘Diad saray syudad ed mapalandey a rehyon, diad saray syudad ed abeban pasen, diad saray syudad ed abalaten, diad dalin na Benjamin, diad kaliberliber na Jerusalem,+ tan diad saray syudad na Juda,+ et manbilang lamet na karnero iray managpastol,’ so inkuan nen Jehova.”

14 “‘Onsabi agew,’ so imbaga nen Jehova, ‘a sumpalen ko so maabig a sipan ya imbagak nipaakar ed sankaabungan na Israel tan sankaabungan na Juda.+ 15 Diad saratan ya agew tan diad satan a panaon et patuboen ko so sakey a matunong a simit*+ parad si David, tan ipatnag toy inkahustisya tan inkatunong diad dalin.+ 16 Diad satan a panaon et niliktar so Juda+ tan manayam ed kaligenan so Jerusalem.+ Tan saya so panawag ed sikato: Si Jehova So Lapuan na Inkatunong Tayo.’”+

17 “Ta oniay inkuan nen Jehova: ‘Agbalot naandian so pamilya nen David na anak a laki ya onyurong ed trono na Israel,+ 18 tan agmet naandian iray saserdoten Levita na sakey a too ya onalagey ed arapan ko pian mangiyapay na interon apay a popoolan, mamool na saray apay a kakanen, tan mangibagat.’”

19 Tan oniay mensahe nen Jehova a sinmabi lamet ed si Jeremias: 20 “Oniay inkuan nen Jehova, ‘No sarag yon deralen so sipanan ko nipaakar ed agew tan say sipanan ko nipaakar ed labi, pian amperen so isabi na agew tan labi ed dugan panaon,+ 21 naderal met sirin so sipanan ko ed si David a lingkor ko,+ ta pian sikatoy agnawalaan na sakey ya anak a laki a manuley bilang ari ed trono to,+ tan ontan met ed impisipanan kod saray saserdoten Levita, saray lingkor ko.+ 22 Singa saray amin a bengatla ed tawen ya agnayarin bilangen, tan saray buer ed dayat ya agnayarin sukaten, ontan met so pamarakel kod ilalak* nen David a lingkor ko tan saray Levita a manlilingkor ed siak.’”

23 Tan oniay mensahe nen Jehova a sinmabi lamet ed si Jeremias: 24 “Agmo ta naimano so ibabaga na sarayan totoo, ‘Ipulisay nen Jehova so duaran pamilya a pinili to’? Tan agda rerespetoen iray totook, tan agda la ra ipapasen bilang sakey a nasyon.

25 “Oniay inkuan nen Jehova: ‘Singa impangiletneg kod sipanan ko nipaakar ed agew tan labi,+ saray ganggan* ed tawen tan dalin,+ 26 agkon balot met ipulisay so ilalak* nen Jacob tan si David a lingkor ko, tan mantultuloy a diad ilalak* to so pangalaan ko na saray manuley ed kapolian* nen Abraham, Isaac, tan Jacob. Ta tiponen ko iray narel ed sikara+ tan kasian ko ra.’”+

34 Saya so mensahe nen Jehova a sinmabi ed si Jeremias, sanen si Arin Nabucodonosor* na Babilonia tan say interon armada to tan say amin a panarian ed dalin a walad silong na pakauley to tan amin a totoo et milalaban ed Jerusalem tan ed amin a syudad to:+

2 “Oniay inkuan nen Jehova a Dios na Israel, ‘La ka, mitongtong kad si Arin Zedekias+ na Juda tan ibagam ed sikato: “Inkuan nen Jehova, ‘Iyawat ko iyan syudad ed ari na Babilonia, tan poolan to iya.+ 3 Tan agka makaliktar, lapud seguradon naerel ka tan niyawat kad sikato.+ Tan onarap kan mismo ed ari na Babilonia, tan sikatoy mitongtong ed sika ya arap-arapan, tan onla kad Babilonia.’+ 4 Balet dengel moy salita nen Jehova, O Arin Zedekias na Juda, ‘Oniay inkuan nen Jehova nipaakar ed sika: “Agka ompatey ed espada. 5 Ompatey kan mareen,+ tan manggawa ra na panagpool a seremonya parad sika a singa ginawa ra ed saray kaamaan mo, saray ararin akadkauna nen say sika, tan ibaga ray, ‘O katawan!’ lapud manermen ira parad sika, ta ‘siak a mismo so angibaga ed sayan salita,’ so imbaga nen Jehova.”’”’”

6 Kanian linmay propeta Jeremias ed Jerusalem pian ibaga to iyan amin a salita ed si Arin Zedekias na Juda, 7 sanen saray armada na ari na Babilonia et milalaban ed Jerusalem tan ed amin a nakekeraan a syudad na Juda,+ salanti, say Lakis+ tan Azeca;+ ta saratan labat so apadiran a syudad ya akeraan ed saray syudad na Juda.

8 Saya so mensahe nen Jehova a sinmabi ed si Jeremias kayari na impisipanan nen Arin Zedekias ed amin a totoo a walad Jerusalem pian iyabawag ed sikara so kibulos,+ 9 pian ibulos na balang sakey iray Hebreon aripen to, laki tan bii, tan anggapoy siopaman a pansiansiaen ton aripen so kapara ton Judio. 10 Kanian tinmulok so amin a prinsipe tan amin a totoo. Akisipanan ira ya ibulos na balang sakey ed sikara iray aripen dan lalaki tan bibii, tan agda la ra aripenen. Tinmulok ira tan imbulos da ra. 11 Balet agnambayag et inala ra lamet iray aripen dan lalaki tan bibii ya imbulos da la, tan pinuersa da ran magmaliw ya aripen lamet. 12 Kanian oniay mensahe nen Jehova a sinmabi ed si Jeremias a nanlapud si Jehova:

13 “Oniay inkuan nen Jehova a Dios na Israel, ‘Akisipanan ak ed saray inmuunan atateng yo+ diad samay agew ya impaway ko ra ed dalin na Ehipto, diad abung ya akaaripenan da,+ ya inkuan ko: 14 “Diad panampot na pitoran taon et nepeg ya ibulos na balang sakey ed sikayo so Hebreon agi to, a nilako ed sikayo tan nanlingkor ed sikayo na anem taon; sikatoy nepeg yon ibulos.”+ Balet agdinmengel odino tinmalineng ed siak iray inmuunan atateng yo. 15 Diad agano ni* et pinmawil kayo tan ginawa yoy maptek ed pakanengneng ko diad impangiyabawag yoy kibulos na kapara yon totoo, tan akisipanan kayod siak diad abung ya atawag ed ngaran ko. 16 Balet tampol kayon anguman tan pinabanday yoy ngaran ko+ tan inala yo lamet iray aripen yon lalaki tan bibii, ya imbulos yo la unong ed panlabayan* da, tan pinuersa yo ran magmaliw ya aripen lamet.’

17 “Kanian oniay inkuan nen Jehova: ‘Agyo ak tinulok diad pangiyabawag yo komon na kibulos, ed agi yo tan kapara yon too.+ Kanian sayan kibulos so iyabawag kod sikayo natan,’ so imbaga nen Jehova, ‘ompatey kayo ed espada, salot,* tan eras,+ tan pagmaliwen ta kayon sengegay pakataktakotan na amin a panarian ed dalin.+ 18 Tan oniay nagawad saray totoon anumlang ed impisipanan ko lapud agda tinoor iray salita na impisipanan dad siak sanen pinaldua ra so kilaw a baka tan dinmalan irad pegley na satan,+ 19 salanti, saray prinsipe na Juda, saray prinsipe na Jerusalem, saray opisyal na palasyo, saray saserdote, tan amin a totoo ed sayan dalin a dinmalan ed pegley na apalduan kilaw a baka: 20 Iyawat ko rad saray kakabusol da tan ed saramay malabay a mamatey ed sikara,* tan saray bangkay da et kanen na saray manok tan saray ayayep.+ 21 Tan iyawat koy Arin Zedekias na Juda tan saray prinsipe to ed saray kalaban da tan ed saramay malabay a mamatey ed sikara* tan ed saray armada na ari na Babilonia+ ya onaatras lad pilalaban dad sikayo.’+

22 “‘Siak so mangiganggan,’ so imbaga nen Jehova, ‘tan papawilen ko ra ed sayan syudad, tan milaban ira tan sakopen da iya tan poolan da;+ tan saray syudad na Juda et pagmaliwen kon dalin ya agnapanayaman.’”+

35 Saya so mensahe nen Jehova a sinmabi ed si Jeremias diad panaon nen Jehoiakim+ ya anak nen Josias, say ari na Juda: 2 “La kad abung na saray Recabita+ tan mitongtong kad sikara tan awit mo rad abung nen Jehova, diad sakey ed saray kuarton pananganan;* insan ikdan mo ray alak ya inumen.”

3 Kanian intagar koy Jaazanias ya anak nen Jeremias ya anak nen Habazinias, saray agagi to, amin ya ananak ton lalaki, tan say interon sankaabungan na saray Recabita, 4 tan inawit ko rad abung nen Jehova. Inyakar ko ra diad kuarton pananganan na saray ananak nen Hanan ya anak nen Igdalias, sakey a too na tuan Dios, a satan et walad abay na kuarton pananganan na saray prinsipe a walad tagey na kuarton pananganan nen Maasias ya anak nen Salum a bantay na puerta. 5 Insan inyan kod arapan na saray lalaki ed sankaabungan na saray Recabita iray kopa a napno na alak tan inkuan kod sikara: “Inum kayo.”

6 Balet inkuan da: “Agkami oninum na alak, ta ingganggan ed sikami na inmunan ateng mi a si Jehonadab*+ ya anak nen Recab, ‘Agkayo oniinum na alak anggan kapigan, sikayo odino saray ananak yo. 7 Agkayo met nepeg a mangipaalagey na abung, mangitanem na bini, odino mantanem tan nawalaan na kaubasan. Balet mansiansia kayon manayam ed saray tolda, pian andukey so pambilay yo diad tapew na dalin a panaayaman yo bilang dayo.’ 8 Kanian uunoren mi so amin a salitan ingganggan ed sikami na inmunan ateng mi a si Jehonadab ya anak nen Recab, diad agmin balot iyinum na alak—sikami, saray kaasawaan mi, tan saray ananak min lalaki tan bibii. 9 Agkami met manpapaalagey na kaabungan a panayaman mi, tan anggapoy kayarian min kaubasan, uma, odino bini. 10 Diad saray tolda so panaayaman mi tan uunoren min amin so ingganggan ed sikami nen Jehonadab* ya inmunan ateng mi. 11 Balet sanen tinmatdang si Arin Nabucodonosor* na Babilonia sumpad sayan dalin,+ inkuan mi, ‘Gali, ta onloob itayo ed Jerusalem pian naliktaran tayo so armada na saray Caldeo tan saray Siryano,’ kanian manaayam kami natan ed Jerusalem.”

12 Tan saya so mensahe nen Jehova a sinmabi ed si Jeremias: 13 “Oniay inkuan nen Jehova na saray armada, say Dios na Israel, ‘La ka, tan ibagam ed saray totoo na Juda tan saray manaayam ed Jerusalem: “Agta aminpigapiga kayon abilin a mangunor ed saray salitak?”+ so imbaga nen Jehova. 14 “Ingganggan nen Jehonadab ya anak nen Recab iray kailalakan to ya ag-ira oninum na alak, tan sinumpal day salita to diad agda inyinum na alak anggad sayan agew, kanian inunor day ganggan na inmunan ateng da.+ Balet siak, nansalita ak ed sikayo ya aminpigapiga,* balet agyo ak inunor.+ 15 Tan ibabakik ed sikayo so amin a lingkor kon propeta, ya aminpigapigak iran imbaki,*+ tan ibabaga ran, ‘Ipangasi yo, ibeneg komon na balang sakey ed sikayo iray mauges a kagagawa to,+ tan gawa yo no antoy duga! Agkayo ontutumbok ed saray arum a dirios pian panlingkoran iratan. No gawaen yo itan, mansiansia kayon manayam ed dalin ya inter kod sikayo tan ed saray inmuunan atateng yo.’+ Balet agkayo dinmengel odino tinmalineng ed siak. 16 Sinumpal na saray ilalak nen Jehonadab ya anak nen Recab so ganggan ed sikara na inmunan ateng da,+ balet agdinmengel ed siak irayan totoo.”’”

17 “Kanian oniay imbaga nen Jehova a Dios na saray armada, say Dios na Israel: ‘Idapok ed Juda tan ed amin a manaayam ed Jerusalem so amin a kadederal ya impasakbay kod sikara,+ lapud nansalita ak ed sikara balet ag-ira dinmengel, tan agak tinmundan tinmawag ed sikara balet ag-ira inmebat.’”+

18 Tan oniay inkuan nen Jeremias ed sankaabungan na saray Recabita: “Inkuan nen Jehova na saray armada, say Dios na Israel, ‘Lapud inunor yoy ganggan nen Jehonadab ya inmunan ateng yo tan tutuloken yo so amin a ganggan to tan gagawaen yo so unong ed ingganggan tod sikayo, 19 oniay inkuan nen Jehova na saray armada, say Dios na Israel: “Walan walay ilalak nen Jehonadab* ya anak nen Recab a manlingkor ed arapan ko.”’”

36 Diad komapat a taon nen Jehoiakim+ ya anak nen Josias, say ari na Juda, oniay mensahe nen Jehova a sinmabi ed si Jeremias: 2 “Mangala kay sakey a lukot,* tan isulat mo ditan so amin ya imbagak ed sika sumpad Israel tan Juda+ tan amin a nasyon,+ manlapud samay unonan agew ya akitongtong ak ed sika diad panaon nen Josias ya anggad sayan agew.+ 3 Agla pigan no narengel na saramay walad sankaabungan na Juda so amin a kadederal a ninonot kon gawaen ed sikara et magbabawi ra manlapud mauges iran kabibilay da, pian perdonaen ko rad lingo tan kasalanan da.”+

4 Insan tinawag nen Jeremias si Baruc+ ya anak nen Nerias, tan indikta nen Jeremias so amin ya imbaga nen Jehova ed sikato, tan insulat iratan nen Baruc ed samay lukot.*+ 5 Tan ingganggan nen Jeremias si Baruc: “Asebelan ak ya onloob ed abung nen Jehova. 6 Kanian sika la so onloob tan mangibasan maksil ed saray salita nen Jehova a walad lukot ya angisulatan mod saray indiktak. Basam iratan pian narengel na saray totoo ed abung nen Jehova diad agew na panag-ayunal; diad ontan et nibasam iratan ed amin a totoo na Juda ya onloloob manlapud saray syudad da. 7 Agla pigan onsabid si Jehova so ikekerew day panangasi, tan ibeneg na balang sakey so mauges a kabibilay to, ta baleg so pasnok tan sanok ya imbaga nen Jehova ed sarayan totoo.”

8 Kanian ginawa nen Baruc ya anak nen Nerias so amin ya ingganggan ed sikato nen propeta Jeremias; binasa ton maksil ed lukot* iray salita nen Jehova diad abung nen Jehova.+

9 Diad komaliman taon nen Jehoiakim+ ya anak nen Josias, say ari na Juda, diad komasiam a bulan, inyabawag na amin a totoo ed Jerusalem tan amin a totoo ya onloloob ed Jerusalem manlapud saray syudad na Juda so sakey a panag-ayunal ed arapan nen Jehova.+ 10 Diad saman et maksil a binasa nen Baruc ed lukot* iray salita nen Jeremias diad abung nen Jehova, diad kuarto* nen Gemarias+ ya anak nen Safan,+ say managkopya,* diad bandad tagey a sular, diad lolooban na balon puerta na abung nen Jehova,+ pian narengel na amin a totoo.

11 Sanen nadngel nen Micaias ya anak nen Gemarias ya anak nen Safan so amin a salita nen Jehova ya akasulat ed lukot,* 12 sikatoy linmad abung* na ari, diad kuarto na sekretaryo. Manyudyurong diman so amin a prinsipe:* si Elisama+ a sekretaryo, si Delaias ya anak nen Semaias, si Elnatan+ ya anak nen Acbor,+ si Gemarias ya anak nen Safan, si Zedekias ya anak nen Hananias, tan saray arum nin prinsipe. 13 Imbaga nen Micaias ed sikara so amin a nadngel to sanen imbasa nen Baruc so lukot* ed saray totoo.

14 Diad saman et imbaki na amin a prinsipe si Jehudi ya anak nen Netanias ya anak nen Selemias ya anak nen Cusi pian ibaga tod si Baruc: “Gala tan awit mo imay lukot ya imbasam ed saray totoo.” Inala nen Baruc ya anak nen Nerias so lukot tan sikatoy akila ed sikara. 15 Inkuan dad sikato: “Yurong ka, ipangasim, tan basam itan a maksil ed sikami.” Kanian binasa nen Baruc ed sikara.

16 Sanen nadngel day amin a salita, nannenengnengan irad takot, tan inkuan dad si Baruc: “Nepeg min ibaga ed ari irayan amin a salita.” 17 Tan intepet dad si Baruc: “Ipangasim, ibagam ed sikami no panon mon nisulat irayan amin. Indikta to iya ed sika?” 18 Oniay inyebat nen Baruc ed sikara: “Indikta tod siak irayan amin, tan insulat kod sayan lukot* diad panamegley na tinta.” 19 Inkuan na saray prinsipe ed si Baruc: “La ka la tan amot kayon dua nen Jeremias, tan agyo aabuloyan a naamtaan na anggan siopa no iner so kawalaan yo.”+

20 Insan linma rad ari, diad sular, tan insinop da so lukot diad kuarto nen Elisama a sekretaryo, tan imbaga rad ari so amin a nadngel da.

21 Kanian impaala na ari ed si Jehudi+ so lukot, tan inala to itan ed kuarto nen Elisama a sekretaryo. Binasa itan a maksil nen Jehudi pian narengel na ari tan amin a prinsipe ya akaalagey ed abay na ari. 22 Akayurong so ari diad loob na abung a panaayaman to no ambetel a panaon, diad komasiam a bulan,* tan walay apoy diad dangdangan a walad arapan to. 23 Kayarin nabasa nen Jehudi so talora odino apatiran dasig, pilaten na ari itan a parte diad panamegley na kutsilyo na sekretaryo, insan ibuntok tod apoy ed dangdangan, anggad say interon lukot et apoolan ed dangdangan. 24 Tan ag-ira tinmakot; anggan say ari tan amin a lingkor to ya akadngel ed saratan ya amin et agda pinilat iray kawes da. 25 Anggano akikasi ed ari si Elnatan,+ Delaias,+ tan Gemarias+ pian agto ipool so lukot, agto ra dinengel. 26 Ingganggan ni ingen na ari si Jerameel ya anak na ari, tan si Seraias ya anak nen Azriel, tan si Selemias ya anak nen Abdeel, pian erelen day Baruc a sekretaryo tan si propeta Jeremias, balet inyamot ira nen Jehova.+

27 Tan oniay mensahe nen Jehova a sinmabi lamet ed si Jeremias kayarin pinoolan na ari so lukot ya angisulatan nen Baruc ed saray indikta nen Jeremias:+ 28 “Mangala kay sananey a lukot, tan isulat mo ditan so amin a salita a mipadpara ed samay akaunan lukot a pinoolan nen Arin Jehoiakim na Juda.+ 29 Tan oniay ibagam ed si Arin Jehoiakim na Juda, ‘Oniay inkuan nen Jehova: “Pinoolan mo iyan lukot, tan imbagam ya, ‘Akin et insulat mon: “Onsabi so ari na Babilonia tan deralen to iyan dalin tan paandien to dia so too tan ayep”?’+ 30 Kanian inkuan nen Jehova sumpad si Arin Jehoiakim na Juda, ‘Anggapoy ilalak to ya onyurong ed trono nen David,+ tan say bangkay to et napaulyan ya akapataktak ed petang na agew tan ed betel na labi.+ 31 Mikuentaan ak ed sikato tan ed saray ilalak* to tan saray lingkor to lapud kasalanan da, tan idapok ed sikara tan ed saray manaayam ed Jerusalem tan ed saray totoo na Juda so amin a kadederal a sinalitak sumpad sikara,+ balet agda dinengel.’”’”+

32 Diad saman et angalay Jeremias na sananey a lukot tan inter tod si Baruc ya anak nen Nerias, say sekretaryo,+ tan insulat tod satan so amin a salitan indikta nen Jeremias a walad samay lukot* a pinoolan nen Arin Jehoiakim na Juda.+ Tan dakel ni ran mipadparan salita so niarum.

37 Tan ginmapon manuley si Arin Zedekias+ ya anak nen Josias bilang kasalat nen Conias*+ ya anak nen Jehoiakim, ta sikatoy tinuro nen Arin Nabucodonosor* na Babilonia bilang ari ed dalin na Juda.+ 2 Balet sikato tan saray lingkor to tan saray totoo ed dalin et agdinmengel ed saray salita nen Jehova ya imbaga tod panamegley nen propeta Jeremias.

3 Tan imbaki nen Arin Zedekias si Jehucal+ ya anak nen Selemias tan si Sofonias+ ya anak nen Maasias a saserdote ya onlad si propeta Jeremias, pian ibaga ra: “Ipangasim, ipikasi mo kami ed si Jehova a Dios tayo.” 4 Si Jeremias et bulos nin mililimog ed saray totoo, ta sikatoy agda ni impriso.+ 5 Natan et pinmaway ed Ehipto so armada na Faraon,+ tan nadngelan iya na saray Caldeo a mangukubkob ed Jerusalem. Kanian inmatras ira manlapud Jerusalem.+ 6 Insan oniay mensahe nen Jehova a sinmabi ed si propeta Jeremias: 7 “Inkuan nen Jehova a Dios na Israel, ‘Oniay ibaga yod ari na Juda ya angibaki ed sikayo pian mantepet ed siak: “Say armada na Faraon ya onlan ontulong ed sikayo et ompawil lanlamang ed dalin da ya Ehipto.+ 8 Tan ompawil dia iray Caldeo tan milaban irad sayan syudad tan sakopen tan poolan da.”+ 9 Oniay inkuan nen Jehova, “Agyo titilaay sarili* yo diad pangibabaga yoy, ‘Agla ompawil iray Caldeo,’ lapud seguradon ompawil ira. 10 Anggano natalo yo so interon armada na saray Caldeo a milalaban ed sikayo tan saray asugatan labat so akera ed sikara, ombangon ni ran siansia ed tolda ra tan poolan da iyan syudad.”’”+

11 Sanen inmatras manlapud Jerusalem so armada na saray Caldeo lapud armada na Faraon,+ 12 pinmaway ed Jerusalem si Jeremias pian onlad dalin na Benjamin+ tan alaen to diman so apag to ed saray kabaleyan to. 13 Balet kasabi nen propeta Jeremias ed Puerta na Benjamin, sikatoy inerel na opisyal na saray guardia a si Irias ya anak nen Selemias ya anak nen Hananias, tan inkuan to: “Diad saray Caldeo so laen mo!” 14 Balet inkuan nen Jeremias: “Aliwan tua itan! Agak onlad saray Caldeo.” Balet sikatoy agto dinengel. Kanian inerel nen Irias si Jeremias tan inyakar tod saray prinsipe. 15 Sinmanok iray prinsipe ed si Jeremias,+ tan sikatoy pinepekpek da tan impriso ra*+ ed abung nen Jehonatan a sekretaryo, ta ginawa ra itan a prisoan. 16 Inyan day Jeremias ed prisoan diad dalem na dalin,* ed saray tinarangkaan a kuarto, tan sikatoy nansiansia ditan ed dakel ya agew.

17 Insan sikatoy impaala nen Arin Zedekias, tan masekreto ton tinepetan diad abung* to.+ Intepet to, “Wala tay imbaga nen Jehova?” Inkuan nen Jeremias, “Wala!” tan intuloy to, “Niyawat kad ari na Babilonia!”+

18 Oniay inkuan ni nen Jeremias ed si Arin Zedekias: “Antoy kasalanan kod sika tan ed saray lingkor mo tan ed sarayan totoo, pian ipriso yo ak? 19 Kawalaan natan na saray propeta yo a nampropesiya ed sikayo, ya ibabaga ran, ‘Say ari na Babilonia et ag-onsabi pian milaban ed sikayo tan ed sayan dalin’?+ 20 Ipangasim, dengel mo ak natan, O katawan kon ari. Iter mo komon so kerew ko. Agmo ak ipapawil ed abung nen Jehonatan+ a sekretaryo, pian agak ompatey diman.”+ 21 Kanian ingganggan nen Arin Zedekias ya ipriso ray Jeremias ed Sular na Guardia,+ tan sikatoy inagew-agew ya iikdan day tinapay manlapud karsada na saray panadero,+ anggad naupot so amin a tinapay ed syudad.+ Tan nansiansiay Jeremias diad Sular na Guardia.

38 Nadngel natan nen Sefatias ya anak nen Matan, si Gedalias ya anak nen Pasur, si Jucal+ ya anak nen Selemias, tan si Pasur+ ya anak nen Malkias irayan ibabaga nen Jeremias ed amin a totoo: 2 “Oniay inkuan nen Jehova, ‘Ompatey ed espada, eras, tan salot* imay mansiansia ed sayan syudad.+ Balet mantultuloy a manbilay imay onsuko* ed saray Caldeo, tan nakayarian to so bilay* to bilang samsam* tan manbilay.’+ 3 Oniay inkuan nen Jehova, ‘Niyawat iyan syudad ed armada na ari na Babilonia, tan sakopen to iya.’”+

4 Oniay imbaga na saray prinsipe ed ari: “Ipangasim, ipapatey mo iyan too,+ ta papakapuyen to so talek* na saray sundalo ya akera ed sayan syudad, tan amin a totoo, diad pangibabaga tod sarayan salita. Ta sayan too et aliwan kareenan so labay to parad sarayan totoo noagta kadederal.” 5 Inmebat si Arin Zedekias: “Akauley ki lad sikato, ta anggapoy nagawaan na ari pian amperen kayo.”

6 Kanian inala ray Jeremias tan imbantak dad bobon nen Malkias ya anak na ari, a satan et walad Sular na Guardia.+ Sikatoy inleksab dad panamegley na lubir. Anggapoy danum na bobon, noagta pitek labat, tan onlelereg lay Jeremias ed pitek.

7 Abalitaan nen Ebed-melec+ ya Etiope, sakey ya eunoko* a walad abung* na ari, ya inyan dad bobon si Jeremias. Diad saman et manyudyurong so ari diad Puerta na Benjamin,+ 8 kanian pinmaway si Ebed-melec ed abung* na ari tan oniay imbaga tod ari: 9 “O katawan kon ari, mauges so ginawa na sarayan lalaki ed si propeta Jeremias! Sikatoy impelag dad bobon pian ompatey ed eras, ta anggapo lay akeran tinapay ed sayan syudad.”+

10 Insan oniay ingganggan na ari ed si Ebed-melec ya Etiope: “Mangitagar kay 30 lalaki a wadia tan agwat yod bobon si propeta Jeremias antis ya ompatey.” 11 Kanian intagar nen Ebed-melec iray lalaki tan linma rad abung* na ari, diad silong na pangiinay kayamanan,+ tan angala ra ditan na pigaran daan a lupot tan daan ya abel, insan impelag da iratan ed panamegley na lubir ed si Jeremias diad bobon. 12 Insan imbaga nen Ebed-melec ya Etiope ed si Jeremias: “Ipangasim, iyan mod saray kilikilim iray lupot tan abel tan lubir.” Ontan so ginawa nen Jeremias, 13 tan inagwat day Jeremias ed panamegley na lubir tan impaway dad bobon. Tan nansiansia si Jeremias diad Sular na Guardia.+

14 Impatawag nen Arin Zedekias si propeta Jeremias pian onlad sikato diad komatlon lolooban, a walad abung nen Jehova, insan imbaga na ari ed si Jeremias: “Walay tepeten kod sika. Anggapo komoy iyaamot mod siak.” 15 Oniay inkuan nen Jeremias ed si Zedekias: “No ibagak ed sika, seguradon papatey mo ak. Tan no simbawaen ta ka, agmo ak lanlamang dengelen.” 16 Kanian masekreton nansamba si Arin Zedekias ed si Jeremias, ya inkuan to: “Unong a mabilay si Jehova, ya angiter ed sikatayo na sayan bilay,* agta ka papatey, tan agta ka iyawat ed lima na sarayan lalaki a malabay a mamatey ed sika.”*

17 Insan imbaga nen Jeremias ed si Zedekias: “Oniay inkuan nen Jehova, say Dios na saray armada, say Dios na Israel, ‘No onsuko* ka ed saray prinsipe na ari na Babilonia, niliktar so bilay mo* tan agnapoolan iyan syudad, tan niliktar ka tan say sankaabungan mo.+ 18 Balet no agka onsuko* ed saray prinsipe na ari na Babilonia, niyawat iyan syudad ed saray Caldeo, tan poolan da iya,+ tan agka makaliktar.’”+

Pinalereg da ed pitek iray salim.

Natan et binmeneg tan inmatras ira.’

23 Tan aawiten da ed saray Caldeo so amin ya asawam tan ananak mo, tan agka makaliktar ed sikara, noagta erelen ka na ari na Babilonia,+ tan napoolan iyan syudad lapud sika.”+

24 Insan imbaga nen Zedekias ed si Jeremias: “Agmo aabuloyan a naamtaan na anggan siopa irayan bengatla, pian agka ompatey. 25 Tan no naamtaan na saray prinsipe ya akitongtong ak ed sika tan onla rad sika tan ibaga ran, ‘Ipangasim, ibagam ed sikami no antoy imbagam ed ari. Anggapo komoy iyaamot mod sikami, pian agmi ka papatey.+ Tan antoy imbaga na ari ed sika?’ 26 ibagam ed sikara, ‘Kekerewen kod ari ya agto ak la ipawil ed abung nen Jehonatan pian agak ompatey diman.’”+

27 Agnambayag et linmad si Jeremias so amin a prinsipe tan sikatoy tinepetan da. Imbaga tod sikara so amin a papaibaga na ari. Kanian tinmunda la ran nansalita, ta agda nadngel imay tongtongan na ari tan si Jeremias. 28 Nansiansiay Jeremias diad Sular na Guardia anggad agew ya asakop so Jerusalem;+ sikatoy wadman ni sanen asakop so Jerusalem.+

39 Diad komasiam a taon na uley nen Arin Zedekias na Juda, diad komasamplon bulan, linmad Jerusalem si Arin Nabucodonosor* na Babilonia tan say interon armada to, tan kinubkob da itan.+

2 Diad koma-11 a taon na uley nen Zedekias, diad komasiam ya agew na komapat a bulan, abungaw day padir na syudad.+ 3 Tan linmoob tan yinmurong ed Pegley a Puerta so amin a prinsipe na ari na Babilonia,+ salanti, sikara di Nergal-sarezer a Samgar, Nebo-sarsekim a Rabsaris,* Nergal-sarezer a Rabmag* tan amin ni ran prinsipe na ari na Babilonia.

4 Sanen anengneng ira nen Arin Zedekias na Juda tan saray amin a sundalo, binmatik ira+ a papaway ed syudad diad labi, tan dinmalan irad hardin na ari, diad puerta ed nanleetan na duaran padir, tan nantultuloy iran amaarap ed Araba.+ 5 Balet inusilan ira na armada na saray Caldeo, tan nabotan day Zedekias diad saray patar a desierto na Jerico.+ Sikatoy inerel da tan inyakar da ed si Arin Nabucodonosor* na Babilonia, diad Ribla+ ed dalin na Hamat,+ pian sikatoy sentensiaan to diman. 6 Impapatey na ari na Babilonia diad Ribla iray lalakin ananak nen Zedekias legan a sankanengneng to ra, tan impapatey na ari na Babilonia so amin a gagalangen a totoo ed Juda.+ 7 Tan binulag toy Zedekias, insan to binalor na saray gansan gulonggulong pian awiten tod Babilonia.+

8 Tan pinoolan na saray Caldeo so abung* na ari tan saray kaabungan na totoo,+ tan inggeba da ray padir na Jerusalem.+ 9 Tan si Nebuzaradan+ a pangulo na saray guardia et inawit to ray totoon atilak ed syudad, saray dinmapag la ed sikato, tan siopaman ya atilak, tan inyakar to rad Babilonia.

10 Balet intilak nen Nebuzaradan a pangulo na saray guardia so arum a sankapobrian a totoo ed dalin na Juda, salanti, saramay andian a balot. Diad saman ya agew et inikdan to met ira na kaubasan tan saray uma a kimeyan da.*+

11 Natan et oniay ingganggan nen Arin Nabucodonosor* na Babilonia ed si Nebuzaradan a pangulo na saray guardia nipaakar ed si Jeremias: 12 “Alam si Jeremias tan bantayan mo; agmo sasakitan, tan iter mod sikato so antokaman a kerewen to.”+

13 Kanian nambaki si Nebuzaradan a pangulo na saray guardia, si Nebusazban a Rabsaris,* tan si Nergal-sarezer a Rabmag,* tan amin a manunaan a lalaki na ari na Babilonia 14 tan impaipaway day Jeremias ed Sular na Guardia+ tan inyawat dad si Gedalias+ ya anak nen Ahikam+ ya anak nen Safan,+ pian awiten tod abung to. Kanian sikatoy nanayam a kaiba iray totoo.

15 Sanen akapriso si Jeremias ed Sular na Guardia,+ oniay mensahe nen Jehova a sinmabi ed sikato: 16 “La ka, tan ibagam ed si Ebed-melec+ ya Etiope, ‘Oniay inkuan nen Jehova na saray armada, say Dios na Israel: “Sumpalen ko iray salitak ed sayan syudad diad pangiyakar koy kadederal, aliwan kamaongan, tan diad satan ya agew et nanengneng mo itan a nagawa.”’

17 “‘Balet isalba ta kad satan ya agew,’ so imbaga nen Jehova, ‘tan agka niyawat ed saray totoon tatakotan mo.’

18 “‘Ta iliktar ta ka, tan agka ompatey ed espada. Nakayarian moy bilay mo* bilang samsam,*+ lapud nanmatalek kad siak,’+ so imbaga nen Jehova.”

40 Say mensahe nen Jehova a sinmabi ed si Jeremias kayarin sikatoy imbulos nen Nebuzaradan+ a pangulo na saray guardia. Sikatoy akaposas ya inala tod Rama,+ tan kaiba ed saramay amin ya inerel ed Jerusalem tan ed Juda a paonlad Babilonia. 2 Insan inala na pangulo na saray guardia si Jeremias tan inkuan tod sikato: “Impasakbay nen Jehova a Dios mo iyan kadederal ed sayan pasen, 3 tan ginawa nen Jehova so unong ed imbaga to, lapud nankasalanan kayod si Jehova tan agyo inunor so boses to. Kanian agawa iya ed sikayo.+ 4 Ibulos ta ka la natan ed saray posas a walad limam. No labay moy milad siak diad Babilonia, gala, tan akauley ak ed sika. Balet no agmo labay so mila ed siak diad Babilonia, mansiansia ka dia. Nengneng mo! Walad arapan mo so interon dalin. La ka ed inerman a labay mon laen.”+

5 Sakbay a makapandesisyon si Jeremias no kasin ompawil odino andi, oniay inkuan nen Nebuzaradan: “Pawil ka sirin ed si Gedalias+ ya anak nen Ahikam+ ya anak nen Safan,+ a tinuro na ari na Babilonia a manuley ed saray syudad na Juda, tan miayam kad sikato a kaiba iray totoo; odino la kad inerman a labay mon laen.”

Insan inter ed sikato na pangulo na saray guardia so abasto ton kakanen tan sakey a regalo, insan pinasipot to. 6 Kanian linmay Jeremias ed si Gedalias ya anak nen Ahikam diad Mizpa+ tan akiayam ed sikato a kaiba iray totoo ya atilak ed sayan dalin.

7 Agnambayag, naamtaan na amin a pangulo na armada a walad uma a kaiba iray sundalo ra, a tinuro na ari na Babilonia si Gedalias ya anak nen Ahikam bilang manuley ed sayan dalin tan manuley ed saray lalaki, bibii, tan ugugaw a kabiangan ed saray pobrin totoo diad sayan dalin ya agniyakar diad Babilonia.+ 8 Kanian linma rad si Gedalias diad Mizpa.+ Saraya et si Ismael+ ya anak nen Netanias, si Johanan+ tan si Jonatan ya ananak nen Karea, si Seraias ya anak nen Tanhumet, saray ananak nen Efai a Netofatita, tan si Jezanias+ ya anak na sakey a Maacatita, a kaiba iray sundalo ra. 9 Oniay insamba nen Gedalias ya anak nen Ahikam ya anak nen Safan ed sikara tan ed saray sundalo ra: “Agkayo natatakot a manlingkor ed saray Caldeo. Manayam kayo ed sayan dalin tan lingkoran yo so ari na Babilonia, tan maabig so pansumpalan yo.+ 10 Tan siak, manayam ak ed Mizpa pian irepresenta ta kayo ed* saray Caldeo ya onla dia. Balet mantipon kayoy alak, saray prutas ed panaoy tiagew, tan larak, tan iyan yo iratan ed saray pananginan yo tan manayam kayo ed saray syudad ya inala yo.”+

11 Tan naamtaan met na amin a Judio a walad Moab, Ammon, tan Edom, pati saramay walad arum a dalin, ya inabuloyan na ari na Babilonia a walay natilak ed Juda tan tinuro ton manuley ed sikara si Gedalias ya anak nen Ahikam ya anak nen Safan. 12 Kanian pinmawil so amin a Judio manlapud amin a pasen a nitaytayakan da, tan linma ra ed dalin na Juda, ed si Gedalias diad Mizpa. Tan nantipon ira na dakdakel ya alak tan saray prutas ed panaoy tiagew.

13 Linmad si Gedalias diad Mizpa si Johanan ya anak nen Karea tan amin a pangulo na armada a walad uma. 14 Imbaga rad sikato: “Agmo ta amta ya imbaki nen Baalis ya ari na saray Ammonita+ si Ismael ya anak nen Netanias pian pateyen to ka?”*+ Balet ag-ira anisiaan nen Gedalias ya anak nen Ahikam.

15 Insan masekreton imbaga nen Johanan ya anak nen Karea ed si Gedalias diad Mizpa: “Labay kon pateyen si Ismael ya anak nen Netanias, tan anggapoy makaamta ed nagawa. Akin et paulyan mo labat a napatey to ka,* tan akin et paulyan mon nitaytayak so amin a walad Juda ya atiptipon ed sika tan naandi iray atilak ed Juda?” 16 Balet inkuan nen Gedalias+ ya anak nen Ahikam ed si Johanan ya anak nen Karea: “Agmo itan gagawaen, ta aliwan tua so ibabagam nipaakar ed si Ismael.”

41 Diad komapiton bulan, si Ismael+ ya anak nen Netanias ya anak nen Elisama, a nanlapu ed poli na ari* tan sakey ed saray opisyal na ari, tan kaiba toy samplora nin lalaki, et linma rad si Gedalias ya anak nen Ahikam diad Mizpa.+ Legan iran mandurungo diad Mizpa, 2 inmalagey si Ismael ya anak nen Netanias tan saray samploran lalaki a kaiba to tan pinatey dad espada si Gedalias ya anak nen Ahikam ya anak nen Safan. Pinatey to imay tinuro na ari na Babilonia a manuley ed saman a dalin. 3 Pinatey met nen Ismael so amin a Judion kaiba nen Gedalias diad Mizpa, pati saray sundalon Caldeo a wadman.

4 Diad komaduan agew kayarin inatey si Gedalias, sanen anggapo ni makaamta, 5 wala ray sinmabin 80 lalaki a nanlapud Siquem,+ Silo,+ tan Samaria.+ Akiskisan iray balbas da, apilat iray kawes da, sinugatan day inkasikara,+ tan wala ray awit dan apay a kakanen tan olibano+ ya iyakar dad abung nen Jehova. 6 Kanian pinmaway ed Mizpa si Ismael ya anak nen Netanias pian abeten to ra, tan sikatoy onaakis legan a manaakar. Sanen nabet to la ra, inkuan tod sikara: “Onla tayo ed si Gedalias ya anak nen Ahikam.” 7 Balet sanen akasabi la rad syudad, pinapatey ira nen Ismael ya anak nen Netanias tan saray totoo to, tan imbabantak da rad bobon.

8 Balet walay samploran lalaki a kaiba na saraya ya angibagad si Ismael: “Agmo kami papateyen, ta wala ray inyamot min trigo, sebada, larak, tan dilo diad uma.” Kanian agto ra pinatey a kaiba na saray agagi ra. 9 Diad sakey a baleg a bobon so angibantakan nen Ismael ed amin a bangkay na lalakin pinapatey to, a satan imay ginawa nen Arin Asa lapud si Arin Baasa na Israel.+ Sayan bobon so anginan nen Ismael ya anak nen Netanias ed saray bangkay na pinapatey to.

10 Inerel nen Ismael so arum nin totoo diad Mizpa,+ pati saray bibiin anak na ari tan amin a totoon atilak ed Mizpa, ya inmatalek nen Nebuzaradan a pangulo na saray guardia ed si Gedalias+ ya anak nen Ahikam. Sikaray inerel nen Ismael ya anak nen Netanias, tan sikatoy linmad saray Ammonita.+

11 Sanen naamtaan nen Johanan+ ya anak nen Karea tan say amin a pangulo na armadan kaiba to so amin a mauges a ginawa nen Ismael ya anak nen Netanias, 12 tinipon dan amin so lalaki tan linma ran milaban ed si Ismael ya anak nen Netanias, tan sikatoy nalmo dad abay na baleg a danum* a walad Gibeon.

13 Aliketan so amin a totoon walad si Ismael sanen anengneng day Johanan ya anak nen Karea tan say amin a pangulo na armada a kaiba to. 14 Insan pinmuliktar so amin a totoon inerel nen Ismael ed Mizpa+ tan pinmawil ira a kaibay Johanan ya anak nen Karea. 15 Balet atakasan nen Ismael ya anak nen Netanias tan waloran totoo to si Johanan, tan linma rad saray Ammonita.

16 Inala nen Johanan ya anak nen Karea tan say amin a pangulo na armada a kaiba to so arum nin totoo ed Mizpa, saramay inliktar dad si Ismael ya anak nen Netanias, kayari ton pinatey si Gedalias+ ya anak nen Ahikam. Manlapud Gibeon et impawil da ray lalaki, saray sundalo, bibii, ugugaw, tan saray opisyal ed palasyo. 17 Kanian binmuat ira tan nanayam iran agano diad pundoan a ginawa nen Kimham a walad abay na Betlehem,+ a say gagala ra et onlad Ehipto+ 18 lapud saray Caldeo. Ta natatakot la rad sikara, lapud pinatey nen Ismael ya anak nen Netanias si Gedalias ya anak nen Ahikam, say tinuro na ari na Babilonia a manuley ed sayan dalin.+

42 Insan inmasingger so amin a pangulo na saray armada, pati si Johanan+ ya anak nen Karea, si Jezanias* ya anak nen Osaias, tan say amin a totoo, manlapud sankaabebaan ya anggad sankatageyan 2 tan oniay imbaga rad si propeta Jeremias: “Dengel mo komon so kerew mi, tan ipikasi mo kami ed si Jehova a Dios mo, parad sayan amin ya atilak, ta dagdaiset so akera ed samay datin dakdakel,+ a singa nanenengneng mo. 3 Ibaga komon ed sikami nen Jehova a Dios mo so dalan a nepeg min panakaran tan no antoy nepeg min gawaen.”

4 Oniay inyebat nen propeta Jeremias ed sikara: “Manpikasi ak sirin ed si Jehova a Dios yo unong ed kerew yo; tan ibagak ed sikayo so amin ya ibaga nen Jehova bilang ebat tod sikayo. Anggapoy iyamot kod sikayo.”

5 Oniay inkuan dad si Jeremias: “Komon ta si Jehova et magmaliw a matua tan matoor a tasi sumpad sikami no agmi gawaen so amin ya iganggan ed sikami nen Jehova a Dios mo ya ipasabi tod sika. 6 Balanglan maong odino mauges so ibaga to, tuloken mi so boses nen Jehova a Dios mi ya angibakian mid sika, pian maabig so pansumpalan mi lapud tinulok mi so boses nen Jehova a Dios mi.”

7 Kayari na samploran agew et sinmabi so mensahe nen Jehova ed si Jeremias. 8 Kanian impatawag toy Johanan ya anak nen Karea tan say amin a pangulo na armada a kaiba to tan say amin a totoo, manlapud sankaabebaan ya anggad sankatageyan.+ 9 Imbaga tod sikara: “Oniay inkuan nen Jehova a Dios na Israel, ya angibakian yod siak pian mangipasabi na kerew yod sikato: 10 ‘No mansiansia kayod sayan dalin, ipaalagey ta kayo tan agta kayo igeba, tan itanem ta kayo tan agta kayo bagoten, ta pagbabawian* ko so kadederal ya indapok ed sikayo.+ 11 Agkayo ontatakot lapud ari na Babilonia, a tatakotan yo natan.’+

“‘Agkayo ontatakot lapud sikato,’ so imbaga nen Jehova, ‘ta wadia ak a mangiliktar tan mangilaban ed sikayo manlapud lima to. 12 Tan ipatnag koy panangasi ed sikayo,+ tan kasian to kayo tan ipawil to kayo ed dilin dalin yo.

13 “‘Balet no ibaga yon, “Andi, agmi labay so mansiansia ed sayan dalin!” tan agyo tuloken so boses nen Jehova a Dios yo 14 ya ibaga yon, “Andi, onla kami ed dalin na Ehipto,+ ta diman et anggapoy nanengneng min guerra tan anggapoy narengel min tanol na tambuyog tan agkami naerasan ed tinapay; diman so panayaman mi,” 15 dengel yo sirin so salita nen Jehova, O sikayo ran atilak ed Juda. Oniay inkuan nen Jehova na saray armada, say Dios na Israel: “No talagan ipilit yoy onlad Ehipto tan onla kayon manayam* diman, 16 say mismon espada a tatakotan yo et naabotan to kayo diad dalin na Ehipto, tan say mismon eras a tatakotan yo et tumboken to kayo ed Ehipto, tan diman kayo ompatey.+ 17 Tan say amin a mangipilit ya onlad Ehipto pian manayam diman et ompatey ed espada, eras, tan salot.* Anggapoy makaliktar odino makatakas ed kadederal ya idapok ed sikara.”’

18 “Ta oniay inkuan nen Jehova na saray armada, say Dios na Israel: ‘No panon a say pasnok ko tan sanok ko et inyibung kod saray manaayam ed Jerusalem,+ iyibung ko met ed sikayo so sanok ko no onla kayod Ehipto, tan magmaliw kayon sakey ya ayew, sakey a bengatlan pakataktakotan, kabandayan, tan kabalawan,+ tan agyo lan balot nanengneng iyan pasen.’

19 “Nansalita la si Jehova sumpad sikayo, O sikayo ran atilak ed Juda. Agkayo oonlad Ehipto. Tandaan yo a pinasakbayan ta kayo la natan 20 a nabalang yoy bilay* yo no agkayo ontulok. Ta imbaki yo ak ed si Jehova a Dios yo, ya inkuan yon, ‘Ipikasi mo kami ed si Jehova a Dios mi, tan ibagam ed sikami so amin a bengatlan ibaga nen Jehova a Dios mi, tan gawaen mi itan.’+ 21 Tan imbagak ed sikayo natan, balet agyo tuloken so boses nen Jehova a Dios yo tan agyo gawaen so antokaman a papaibaga tod siak ed sikayo.+ 22 Kanian tandaan yo ya ompatey kayo ed espada, eras, tan salot diad pasen a pipirawaten yon laen tan panayaman.”+

43 Kayarin imbaga nen Jeremias ed amin a totoo so amin a salita nen Jehova a Dios da, salanti, kada salita a papaibaga ed sikato nen Jehova a Dios da, 2 oniay inkuan nen Azarias ya anak nen Osaias, si Johanan+ ya anak nen Karea, tan say amin a mapaatagey a totoo, ed si Jeremias: “Aliwan tua tay ibabagam! Agka imbaki nen Jehova a Dios mi pian mangibagay, ‘Agkayo oonlad Ehipto pian manayam diman.’ 3 Susugsogan ka labat nen Baruc+ ya anak nen Nerias ya onsumpad sikami, pian niyawat kami ed saray Caldeo tan ompatey kami odino nibantak kami ed Babilonia.”+

4 Kanian agtinulok nen Johanan ya anak nen Karea tan amin a pangulo na armada tan amin a totoo so imbaga nen Jehova a mansiansia rad dalin na Juda. 5 Imbes, impila nen Johanan ya anak nen Karea tan say amin a pangulo na armada so amin ya atilak ed Juda, salanti, saramay pinmawil manlapud amin a nasyon a nitaytayakan da pian manayam ira ed dalin na Juda.+ 6 Impila da iray lalaki, bibii, ugugaw, saray bibiin anak na ari, tan amin* ya intilak nen Nebuzaradan+ a pangulo na saray guardia ed si Gedalias+ ya anak nen Ahikam+ ya anak nen Safan,+ pati si propeta Jeremias tan si Baruc ya anak nen Nerias. 7 Tan linma rad dalin na Ehipto, ta agda tinulok so boses nen Jehova, tan akasabi ra anggad Tapanes.+

8 Insan oniay mensahe nen Jehova a sinmabi ed si Jeremias diad Tapanes: 9 “Mangala kay angkakabaleg a bato tan iyamot mo iratan ed halo diad nibalbalitang a laryo a walad lolooban na abung na Faraon diad Tapanes, legan a sankanengneng na saray Judion lalaki. 10 Insan ibagam ed sikara, ‘Oniay inkuan nen Jehova na saray armada, say Dios na Israel: “Patawag koy Nabucodonosor* ya ari na Babilonia, say lingkor ko,+ tan ipasen koy trono to ed tapew na sarayan bato ya inyamot ko, tan inatnat toy maglorian tolda to ed saratan.+ 11 Tan sikatoy onsabi tan kabilen toy dalin na Ehipto.+ Siopaman a nigana ed makapatey a salot et ompatey ed makapatey a salot, tan siopaman a nigana ed pakaaripen et onlad pakaaripen, tan siopaman a nigana ed espada et ompatey ed espada.+ 12 Tan poolan ko ray abung* na dirios na Ehipto,+ tan poolan iratan na ari tan awiten to ra. No panon kainomay ya isulong na managpastol so kawes to, ontan met kainomay so panakop na ari ed dalin na Ehipto, tan sikatoy ontaynan a mareen.* 13 Tan mekmeken to ray lusek* ed Bet-semes* a walad dalin na Ehipto, tan poolan to ray abung* na dirios na Ehipto.”’”

44 Oniay mensahen sinmabi ed si Jeremias parad amin a Judio a manaayam ed dalin na Ehipto,+ saramay manaayam ed Migdol,+ Tapanes,+ Nof,*+ tan ed dalin na Patros:+ 2 “Oniay inkuan nen Jehova na saray armada, say Dios na Israel, ‘Anengneng yoy amin ya impaneral kod Jerusalem+ tan ed amin a syudad na Juda, tan natan et aderal la iratan, tan anggapo lay manaayam.+ 3 Makasengeg iya ed saray kaugsan a ginawa ra pian pasanoken da ak diad iyaakar dan manbagat+ tan manlingkor ed arum a dirios ya agda kabat, anggan sikayo tan saray inmuunan atateng yo.+ 4 Ibabakik a naynay ed sikayo so amin a lingkor kon propeta, tan aminpigapigak iran imbaki,* ya ibabaga ran: “Ipangasi yo, agyo gagawaen iyan makapadimlan bengatla a kabkabusol ko.”+ 5 Balet ag-ira dinmengel odino tinmalineng, pian ibeneg da komon so kaugsan da diad agda pambagat ed arum a dirios.+ 6 Diad saman et inyibung koy sanok tan pasnok ko tan dinmalang ed saray syudad na Juda tan ed saray karsada na Jerusalem, kanian aderal iratan a dalin tan agla napanayaman, a singa natan.’+

7 “Tan natan et oniay inkuan nen Jehova, say Dios na saray armada, say Dios na Israel, ‘Akin et manggagawa kayoy baleg a kadederal ed sarili* yo, pian naandi ed Juda so amin a lalaki tan bibii, ugugaw tan kapangiyanak, tan anggapoy natilak ed sikayo? 8 Akin et pasanoken yo ak ed panamegley na saray kimey na lima yo diad pambabagat yod arum a dirios diad dalin na Ehipto a nila yon panayaman? Naandi kayo tan isamba tan balawen kayo na amin a nasyon ed dalin.+ 9 Alingwanan yo ta la iray mauges a ginawa na inmuunan atateng yo tan saray mauges a ginawa na arari na Juda+ tan saray mauges a ginawa na kaasawaan da,+ pati saray mismon mauges a ginawa yo tan saray mauges a ginawa na kaasawaan yo,+ a ginawa ra diad dalin na Juda tan ed saray karsada na Jerusalem? 10 Anggad sayan agew et ag-ira nampaabeba,* ag-ira tinmakot,+ tan agda tinumbok so ganggan ko tan saray totontonen ya inter kod sikayo tan ed saray inmuunan atateng yo.’+

11 “Kanian oniay inkuan nen Jehova na saray armada, say Dios na Israel, ‘Desidido ak lan mangidapoy kadederal ed sikayo, pian naderal so interon Juda. 12 Tan alaen ko iramay atilak ed Juda a mapilit ya onlad dalin na Ehipto pian manayam ira diman, tan naupot iran amin ed dalin na Ehipto.+ Ompatey ira ed espada, tan naupot ira lapud eras; manlapud sankaabebaan ya anggad sankatageyan, ompatey irad espada tan eras. Tan magmaliw iran sakey ya ayew, pakataktakotan, kabandayan, tan kabalawan.+ 13 Dusaen ko iramay manaayam ed dalin na Ehipto, a singa impanusak ed Jerusalem, diad panamegley na espada, eras, tan salot.*+ 14 Tan anggapoy makatakas odino makaliktar ed saray atilak ed Juda a linmad dalin na Ehipto, tan ag-ira makapawil ed dalin na Juda. Labalabay day* makapawil tan manayam diman, balet ag-ira makapawil, likud labat ed saramay pigaran makaliktar.’”

15 Inmebat ed si Jeremias so amin a lalakin makaamta a manbabagat ed arum a dirios iray kaasawaan da tan amin a kaasawaan a bibii a wadman a manugyop na sakey a baleg a grupo, tan amin a totoon manaayam ed dalin na Ehipto,+ diad Patros:+ 16 “Agmi gawaen so imbagam ed sikami diad ngaran nen Jehova. 17 Imbes, gawaen mi so amin ya imbaga mi, salanti, manbagat kami ed Reyna na Tawen* tan mangiyibung kami na apay ya iinumen parad sikato,+ a singa ginawa mi, saray inmuunan atateng mi, saray arari mi, tan saray prinsipe mi diad saray syudad na Juda tan diad saray karsada na Jerusalem, sanen napepesel kami ed tinapay tan maaligwas kami ni, tan anggapon balot so anengneng min kadederal. 18 Manlapu la nen agkami la manbabagat ed Reyna na Tawen* tan agkami la mangiyiibung na apay ya iinumen parad sikato, naandi lad sikami so amin a bengatla, tan naupot kami ed panamegley na espada tan eras.”

19 Inkuan met na saray bibii: “Tan sano manbabagat kami ed Reyna na Tawen* tan mangiyiibung kami na apay ya iinumen parad sikato, agta inyabuloy na kaasawaan mi a manggawa kami na saray bagat a bibingka a pinorma unong ed imahen to, tan mangiyibung kami na apay ya iinumen parad sikato?”

20 Oniay inyebat nen Jeremias ed amin a totoo, ed saray lalaki tan kaasawaan da, tan ed amin a totoon katongtong to: 21 “Saray bagat a ginawa yo diad saray syudad na Juda tan diad saray karsada na Jerusalem, sikayo tan saray inmuunan atateng yo, saray arari yo, saray prinsipe yo, tan saray totoo ed sayan dalin+—anonotan iratan nen Jehova! 22 Diad kaunoran et agla naanosan nen Jehova so mauges a kagagawa yo tan saray makapadimlan bengatla a ginawa yo, kanian aderal so dalin yo, nagmaliw a bengatlan pakataktakotan tan isamba, tan anggapoy manaayam, a singa natan.+ 23 Saya et lapud saray ginawa yon panagbagat tan lapud nankasalanan kayo ed si Jehova diad agyo intulok ed boses nen Jehova tan agyo intumbok ed ganggan to, ed saray totontonen ya inter to, tan ed saray panonot to, kanian agawa ed sikayo iyan kadederal, a singa natan.”+

24 Oniay inkuan ni nen Jeremias ed amin a totoo tan ed amin a bibii: “Dengel yoy salita nen Jehova, amin yon taga Juda a walad dalin na Ehipto. 25 Oniay inkuan nen Jehova na saray armada, say Dios na Israel, ‘Sinumpal yo no antoy imbaga yo tan saray kaasawaan yo, ta inkuan yon: “Gawaen mi iray insipan mi a pambagat ed Reyna na Tawen* tan pangiyibung na apay ya iinumen parad sikato.”+ Seguradon sikayo ran bibii et gawaen tan sumpalen yo ray sipan yo.’

26 “Kanian dengel yoy salita nen Jehova, amin yon taga Juda a manaayam ed dalin na Ehipto: ‘“Isambak ed maglorian ngaran ko,” so inkuan nen Jehova, “a say ngaran ko et agla bitlaen ed pansamba na siopaman a too ed Juda+ a walad interon dalin na Ehipto a mangibabagay, ‘Unong a mabilay so Soberanon Katawan a Jehova!’+ 27 Akaparaan ak natan a mangiyakar ed sikara na kadederal tan aliwan kamaongan;+ ompatey ed espada tan eras so amin a totoo na Juda a walad dalin na Ehipto, anggad naupot ira.+ 28 Daiset labat so makaliktar ed espada tan makapawil ed dalin na Juda manlapud dalin na Ehipto.+ Insan amin ya atilak ed Juda a linman manayam ed dalin na Ehipto et naamtaan da no dinan a salita so tinmua, say salitak odino salita ra!”’”

29 “‘Tan saya so tanda parad sikayo a dusaen ta kayod sayan pasen,’ so imbaga nen Jehova, ‘pian naamtaan yon seguradon ontua iray salitak nipaakar ed insambak a paneral ed sikayo: 30 Oniay inkuan nen Jehova: “Iyawat koy Faraon Hofra, say ari na Ehipto, ed saray kalaban to tan ed saramay malabay a mamatey ed sikato,* a singa impangiyawat kod si Arin Zedekias na Juda ed kalaban ton si Arin Nabucodonosor* na Babilonia, a malabay a mamatey ed sikato.”’”*+

45 Saya so imbaga nen propeta Jeremias ed si Baruc+ ya anak nen Nerias sanen insulat tod libro iray salitan indikta nen Jeremias+ diad komapat a taon nen Jehoiakim+ ya anak nen Josias, say ari na Juda:

2 “Oniay inkuan nen Jehova a Dios na Israel nipaakar ed sika, Baruc, 3 ‘Inkuan mo: “Pakaskasi ak la, ta say sakit a naliliknak et inaruman nen Jehova na ermen! Naksawan ak lan onaakis, tan anggapoy naromog kon pakainawaan.”’

4 “Ibagam ed sikato, ‘Oniay inkuan nen Jehova: “Igebak imay impaalagey ko, tan bagoten ko imay intanem ko—say interon nasyon.+ 5 Balet manaanap* kay angkakabaleg a bengatla parad sarilim. Agmo la iratan aanapen.”’

“‘Ta ngalngalik la idapoy kadederal ed amin a laman,’*+ so imbaga nen Jehova, ‘tan iter kod sika so bilay mo* bilang samsam* ed inerman a laen mo.’”+

46 Oniay inkuan nen Jehova ed si propeta Jeremias nipaakar ed saray nasyon:+ 2 Parad Ehipto,+ nipaakar ed armada nen Faraon Neco+ ya ari na Ehipto, a tinalo nen Arin Nabucodonosor* na Babilonia diad abay na Ilog Eufrates ed Carkemis, diad komapat a taon nen Jehoiakim+ ya anak nen Josias, say ari na Juda:

 4 Sikayo ran managkabayo, iparaan yo ray kabayo tan lugan kayo.

Ompuesto kayo tan isulong yo ray hilmit yo.

Iyubol yo ray gayang tan isulong yo ray samben ed pagew.

 5 ‘Akin et anengneng ko ran ataktakot?

Onaatras ira, tan abuybuyak iray sundalo ra.

Batik ira lapud ataranta ra, tan agla linmingaw iray sundalo ra.

Anggan iner et walay takot,’ so imbaga nen Jehova.

 6 ‘Agmakabatik iray maples ya ombatik, tan agmakatakas iray sundalo.

Deralen ko so syudad tan saramay manaayam ditan.’

 9 Tatdang kayo, sikayo ran kabayo!

Pelesan yo, sikayo ran karwahe!

10 “Satan ya agew et kien na Soberanon Katawan a Jehova na saray armada, say agew na ibales tod saray kalaban to. Tan mangakmon so espada tan napesel tan napenek ed dala ra, ta say Soberanon Katawan a Jehova na saray armada et manggawa na bagat* diad dalin ed amianen a walad abay na Ilog Eufrates.+

13 Oniay inkuan nen Jehova ed si propeta Jeremias nipaakar ed isabi nen Arin Nabucodonosor* na Babilonia pian kabilen to so dalin na Ehipto:+

14 “Iyabawag yo itan ed Ehipto, iyabawag yo ed Migdol.+

Iyabawag yo itan ed Nof* tan ed Tapanes.+

15 Akin et naupot iramay mabibiskeg a sundalom?

16 Dakerakel so atiror tan atumtumba.

Inkuan dad balang sakey:

23 Batangen da iray kiew ed katakelan to,’ so imbaga nen Jehova, ‘anggano singa ag-itan nalooban.

Ta mas dakdakel ira nen saray duron, tan ag-ira nabilang.

24 Nabaingan so anak a bii na Ehipto.

Sikatoy niyawat ed saray totoo ed amianen.’+

25 “Oniay inkuan nen Jehova na saray armada, say Dios na Israel: ‘Ipaarap ko natan so imanok ed si Amon+ ed syudad na No,*+ ed Faraon, Ehipto, saray dirios to,+ tan saray arari to—on, ed Faraon tan amin a manmamatalek ed sikato.’+

26 “‘Tan iyawat ko rad saramay malabay a mamatey ed sikara,* ed si Arin Nabucodonosor* na Babilonia+ tan saray lingkor to. Balet kayari na satan et sikatoy panayaman lamet a singa nensaman,’ so imbaga nen Jehova.+

28 Kanian agka ontatakot, lingkor kon Jacob,’ so imbaga nen Jehova, ‘ta wala ak ed sika.

47 Saya so mensahe nen Jehova ed si propeta Jeremias nipaakar ed saray Filisteo,+ antis a sakopen na Faraon so Gaza. 2 Oniay inkuan nen Jehova:

“Onsasabi so danum manlapud amianen.

Magmaliw itan a delap a mapmaples ya onaagus.

 5 Nayangyangan* so Gaza.

Aderal lay Askelon.+

 6 O espada nen Jehova!+

Panoy kabayag na agmo pandeen?

Pawil ka ed kaluban mo.

Manpainawa ka tan mandeen ka.

48 Parad Moab+ et oniay inkuan nen Jehova na saray armada, say Dios na Israel:

“Pakaskasi so Nebo,+ ta aderal la!

Abaingan so Kiriataim+ tan asakop la.

Abaingan tan abuybuyak so maligen a salimbengan.*+

 2 Agda la irayew so Moab.

Implano ra ed Hesbon+ so pakaderal to:

‘Gali, sikatoy deralen tayo bilang sakey a nasyon.’

 4 Aderal lay Moab.

Onaakis iray angkelag nin ananak to.

 5 Manak-akis ira legan iran ontatatdang diad dalan a paarap ed Luhit.

Tan narerengel day panakis lapud gonigon diad dalan a palasur manlapud Horonaim nisengeg ed agawan kadederal.+

 6 Batik kayo, iliktar yoy bilay* yo!

Magmaliw kayon singa sakey a kiew ya enebro ed kalawakan.

Tan nibantak ed arum a dalin si Kemos,+

Pati saray saserdote to tan saray prinsipe to.

10 Nisamba so siopaman a paspasaray so panusumpal tod ganggan nen Jehova!

Nisamba so siopaman a pupugeran toy espada to ed pamaagus na dala!

12 “‘Kanian onsabi agew a mangibaki ak na lalaki a mangibalintuag ed sikara,’ so imbaga nen Jehova. ‘Ibalintuag da ra tan ipaikik da ray anginan ed sikara, tan mekmeken da ray angkakabaleg a buyog da. 13 Tan ibaing na saray Moabita si Kemos, a singa nen imbaing na sankaabungan na Israel so Bethel, a nanmatalekan da.+

14 Akin et agaylay tepel yon mangibaga: “Mabibiskeg kamin sundalo ya akaparaan lan miguerra”?’+

So imbaga na Ari, a say ngaran to et Jehova na saray armada.+

Ibaga yod sikara: ‘Aputer lay mabiskeg a lewet, say marakdakep a baston!’

19 Alagey kad dalan tan manbantay ka, sikan manaayam ed Aroer.+

Tepetan mo so lakin ontataynan tan biin ontatakas, ‘Antoy agawa?’

20 Abaingan tan ataktakot so Moab.

Ugaog tan akis kayo.

Ipakabat yod Arnon+ ya aderal lay Moab.

21 “Sinmabi lay panangukom ed plastadon dalin,*+ sumpad Holon, Jahaz,+ tan Mefaat;+ 22 sumpad Dibon,+ Nebo,+ tan Bet-diblataim; 23 sumpad Kiriataim,+ Bet-gamul, tan Bet-meon;+ 24 sumpad Keriot+ tan Bozra; tan sumpad amin a syudad ed dalin na Moab, saramay walad arawi tan walad asingger.

26 ‘Painum yo anggad nabuek,+ ta sikatoy nampaatagey sumpad si Jehova.+

27 Agta inelek-elekan moy Israel?+

Anggapoy nagawaan na saratan.

Binmaliw ed dayat iray mabunan simit mo.

Akasabi ra ed dayat, diad Jazer.

33 Naandi so panliliket tan gayaga ed tanemay manbubungan kiew

Anggapo lay mangigatin tan oneyag ed liket.

Walay paneyag balet aliwan lapud liket.’”+

34 “‘Walay pannangis ed Hesbon+ ya anggad Eleale.+

Naekatan iray danum na Nimrim.+

Ta naandi so atipon ton kayamanan.

39 ‘Agaylay inkataktakot to! Ugaog kayo!

Batik so Moab lapud kababaingan!

40 “Ta oniay inkuan nen Jehova:

‘Singa sakey ya agila a manisibar,+

Ibuskag to ray payak to pian sibaren so Moab.+

‘Ta iyakar kod Moab so taon a nadusa ra,’ so imbaga nen Jehova.

45 ‘Diad anino na Hesbon, anggapoy nagawaan na saramay ombabatik.

46 ‘Pakaskasi ka la, O Moab!

Naandi la ray totoo nen Kemos.+

47 Balet diad kaunoran iran agew et tiponen ko ray inerel a totoo na Moab,’ so imbaga nen Jehova.

‘Dia anampot so mensahe na panangukom parad Moab.’”+

49 Oniay inkuan nen Jehova parad saray Ammonita:+

“Anggapo tay lakin anak na Israel?

Anggapo tay mananawir to?

Akin et sinamsam nen Malcam+ so Gad?+

Tan akin et manaayam iray totoo to ed saray syudad na Israel?”

‘Tan alaen na Israel so dalin na saramay anamsam ed dalin to,’+ so inkuan nen Jehova.

 3 ‘Ugaog ka, O Hesbon, ta aderal lay Ai!

Akis kayo, O sikayo ran angkekelag a baley na Raba.

Mansulong kayo na sakon abel.

 6 “‘Balet kayari na satan et tiponen ko iramay naaripen ya Ammonita,’ so imbaga nen Jehova.”

7 Parad Edom et oniay inkuan nen Jehova na saray armada:

“Anggapo ta lay karunongan ed Teman?+

Naandi ta lay maabig a simbawa na saramay walaay pakatalos?

Kasin abulok lay karunongan da?

 8 Batik kayo, takas kayo!

Amot kayo ed saray aralem a pasen, O sikayo ran manaayam ed Dedan!+

10 Balet paandien ko so amin a walad si Esau.

12 Ta oniay inkuan nen Jehova: “No saramay ag-asentensiaan ya oninum ed kopa et oninum ira, kasin iilaloan mo ya agka nadusa? Seguradon nadusa ka, ta oninum ka.”+

13 “Ta nansamba ak ed ngaran ko,” so imbaga nen Jehova, “a say Bozra et magmaliw a pakataktakotan,+ sakey a kabandayan, kageba, tan nisamba; tan magmaliw ya andi-anggaan a geray so amin a syudad to.”+

17 “Tan say Edom et magmaliw a pakataktakotan.+ Nataktakot so siopaman ya ondalan a makanengneng ed sikato, tan manngisiw lapud amin a salot a dinmapo ed sikato. 18 Singa ed inkaderal na Sodoma tan Gomorra tan saray kaabay dan baley,”+ so inkuan nen Jehova, “anggapoy manayam ditan, tan anggapoy toon mansiansia ditan.+

19 “Walay singa sakey a leon ya ompaway ed makapal a kakiewan a walad abay na Jordan pian atakien to ray maligen a panagpastolan,+ balet sikatoy biglan pataynanen ko ed dalin to. Tan samay apili so turoen kon manuley ed sikato. Ta siopay mipara ed siak, tan siopay makaamper ed siak? Siopan managpastol so makatalindeg ed arapan ko?+ 20 Kanian dengel yoy desisyon* nen Jehova sumpad Edom, tan say ninonot to sumpad saray manaayam ed Teman:+

Nigayugoy iray angkekelag a karnero ed pulok.

Lapud sikara et pagmaliwen ton agnapanayaman so ayaman da.+

21 Yinmegyeg so dalin lapud ungol na inkaplag da.

Walay pannangis!

Nadngel itan a tanol anggad Ambalangan Dayat.+

23 Parad Damasco:+

Kinmapuy so liknaan da.

Agonigon so dayat tan ag-itan napareen.

24 Tinmalaw so Damasco.

Sikatoy batik la, balet sikatoy ataranta.

28 Oniay inkuan nen Jehova parad Kedar+ tan saray panarian na Hazor, a saratan et dineral nen Arin Nabucodonosor* na Babilonia:

30 “Batik kayo, la kayod arawi!

Amot kayo ed saray aralem a pasen, O sikayo ran manaayam ed Hazor,” so imbaga nen Jehova.

“Anggapoy kapot tan balewet na satan; manaayam ira a biig ed arum.

34 Oniay mensahe nen Jehova a sinmabi ed si propeta Jeremias nipaakar ed Elam,+ diad gapo na uley nen Arin Zedekias+ na Juda: 35 “Oniay inkuan nen Jehova na saray armada, ‘Puteren ko so pana na Elam,+ say lapuan* na biskeg da. 36 Iyakar kod Elam so apatiran dagem manlapud apatiran suyok na tawen, tan itayak ko ra ed sarayan amin a dagem. Anggapoy nasyon ya agnasabi na saramay nitaytayak a totoo na Elam.’”

37 “Buybuyaken ko ray Elamita ed arapan na saray kalaban da tan ed arapan na saramay malabay a mamatey ed sikara;* tan iyakar kod sikara so kadederal, say mandarlang a sanok ko,” so imbaga nen Jehova. “Tan ibakik so espada a mangusil ed sikara anggad naupot ko ra.”

38 “Tan iletneg kod Elam+ so tronok, tan deralen ko ditan so ari tan saray prinsipe,” so imbaga nen Jehova.

39 “Balet diad kaunoran iran agew et tiponen ko iramay naaripen a totoo na Elam,” so imbaga nen Jehova.

50 Oniay imbaga nen Jehova nipaakar ed Babilonia,+ nipaakar ed dalin na saray Caldeo, diad panamegley nen propeta Jeremias:

 2 “Ibaga yod saray nasyon tan ipakabat yo.

Mangitagey kayo na sakey a tanda* tan ipakabat yo.

Anggapoy iyaamot yo!

Ibaga yo, ‘Asakop lay Babilonia.+

Abaingan si Bel.+

Tinmakot si Merodac.

Abaingan iray imahen to.

Tinmakot iray makapadimlan idolo* to.’

 3 Ta sikatoy nilusob na sakey a nasyon a nanlapud amianen.+

4 “Diad saratan ya agew tan diad satan a panaon,” so imbaga nen Jehova, “sankakaiban onsabi iray totoo na Israel tan totoo na Juda.+ Manak-akis ira legan iran manaakar,+ tan sankakaiba iran mananap ed si Jehova a Dios da.+ 5 Tepeten day dalan a paarap ed Sion, tan legan ya akaarap ira ed satan a direksion+ et ibaga ran, ‘Gali, ta mikasakey tayod si Jehova ed panamegley na sakey ya andi-anggaan a pisisipanan ya agnalingwanan.’+ 6 Nagmaliw a sakey a pulok na nababalang a karnero iray totook.+ Imbalang ira na saray managpastol da.+ Impanteyengteyeng da rad kapalandeyan, tan nanakar-akar ira ed palandey ya anggad pukdol. Alingwanan day pasen a panagpainawaan da. 7 Inakmon ira na amin ya akaromog ed sikara,+ tan inkuan na saray kakabusol da, ‘Anggapoy kasalanan mi ta nankasalanan irad si Jehova, say ayaman na inkatunong tan say ilalo na saray inmuunan atateng da, si Jehova.’”

10 Magmaliw a samsam so Caldea.+

Napenek a maong so amin a mangalay samsam ed sikato,”+ so imbaga nen Jehova.

11 “Ta nantultuloy kayon nanliket+ tan nanggayaga

Sanen sasamsamen yo so tawir ko.+

Ta onggagatin kayon singa malangwer a baka a walad dika,

Tan manungol kayo a singa saray kalakian a kabayo.

12 Abaingan so ina yo.+

Adismaya imay angiyanak ed sikayo.

15 Ikelyaw yod kaliberliber to so eyag na piguerra.

Sikatoy sinmuko la.*

Bales kayo ed sikato.

Gawa yod sikato so singa ginawa to.+

17 “Singa nitaytayak a karnero iray totoo na Israel.+ Inablog ira na saray leon.+ Unona, sikaray inakmon na ari na Asirya;+ insan nginatngat nen Arin Nabucodonosor* na Babilonia iray pukel da.+ 18 Kanian oniay inkuan nen Jehova na saray armada, say Dios na Israel: ‘Dusaen ko so ari na Babilonia tan say dalin to a singa impanusak ed ari na Asirya.+ 19 Tan ipawil koy Israel ed pasen a pangipapastolan ed sikato,+ tan sikatoy mankabkab diad Carmel tan Basan,+ tan sikatoy* napesel diad kapalandeyan na Efraim+ tan Gilead.’”+

21 “Tatdang ka sumpad dalin na Merataim tan sumpad saray manaayam ed Pekod.+

Paulyan mo ran napatey ya amin tan sigpot a naderal,”* so imbaga nen Jehova.

“Gawam so amin ya ingganggan kod sika.

23 Agaylay inkaputer tan inkaderal na samay maso a manetemek ed interon dalin!+

Agaylay impagmaliw na Babilonia a pakataktakotan na saray nasyon!+

26 Sikatoy lusob yo manlapud arawin pasen.+

Lukasan yo ray kamalir to.+

Sikatoy pagmaliwen yon bunton, a singa saray bunton na ilik.

Sikatoy sigpot yon deralen.+

Anggapo komoy ikera yod sikato.

Mankampo kayo ed kaliberliber to; agyo aabuloyan a walay makatakas.

Ibales yod sikato iray ginawa to.+

Gawa yod sikato so singa ginawa to.+

33 Oniay inkuan nen Jehova na saray armada:

Agda ra labay ya ibulos.+

34 Balet mabiskeg so Mananondon da.+

Say ngaran to et Jehova na saray armada.+

36 Walay espada sumpad saray mansasalitay andi-kakanaan,* kanian onkiwas iran makulangkulang.

Walay espada sumpad saray sundalo to, kanian nataktakot ira.+

Walay espada sumpad saray kayamanan to, kanian nasamsam iratan.+

38 Naderal iray danum to, tan onekat iratan.+

40 “Singa say impaneral na Dios ed Sodoma tan Gomorra+ tan ed saray kaabay dan baley ya asingger ed sikara sanen dineral iratan na Dios,”+ so imbaga nen Jehova, “anggapoy manayam ditan, tan anggapoy toon mansiansia ditan.+

42 Akaawit ira na pana tan jabelin.+

Maruksa ra tan anggapoy panangasi ra.+

Nankakasakey iran nandarasig a miguerra ed sika, O anak a bii na Babilonia.+

44 “Walay singa sakey a leon ya ompaway ed makapal a kakiewan a walad abay na Jordan pian atakien iray maligen a panagpastolan, balet sikaray biglan pataynanen ko ed dalin to. Tan samay apili so turoen kon manuley ed sikato.+ Ta siopay mipara ed siak, tan siopay makaamper ed siak? Siopan managpastol so makatalindeg ed arapan ko?+ 45 Kanian dengel yoy desisyon* nen Jehova sumpad Babilonia,+ tan say ninonot to sumpad dalin na saray Caldeo.

Nigayugoy iray angkekelag a karnero ed pulok.

Lapud sikara et pagmaliwen ton agnapanayaman so ayaman da.+

51 Oniay inkuan nen Jehova:

 3 Agla pinaten* na managpana so pana to.

Tan anggapoy onalagey ya akasulong na samben ed pagew.

Agyo kakasian iray kalangweran a lalaki ditan.+

Deral yoy interon armada to.

 5 Agtinaynan nen Jehova na saray armada so Israel tan Juda, kanian ag-ira nagmaliw a singa saray abalon bibii.+

Balet napno na kasalanan so dalin da* diad pakanengneng na Masanton Dios na Israel.

Agyo abuloyan ya ompatey kayo lapud kasalanan to.

Ta saya so panaon na panangibales nen Jehova.

Ibales tod sikato so ginawa to.+

 8 Biglan naplag so Babilonia, kanian aderal.+

Ugaog kayo lapud sikato!+

Mangala kayoy tambal a balsamo parad panotot to; agla pigan sikatoy onabig ni.”

 9 “Sinali min paabigen so Babilonia, balet agla onabig.

Taynan yo la tan onla tayo lan amin ed dilin dalin tayo.+

10 Inikdan itayo nen Jehova na hustisya.+

Gali, ta isalaysay tayo ed Sion so ginawa nen Jehova a Dios tayo.”+

11 “Iyubol yo ray pana;+ iparaan yo ray panagsamper.*

Ta saya so panangibales nen Jehova, say panangibales parad templo to.

12 Mangitagey kayo na tanda*+ sumpad saray padir na Babilonia.

Eletan yoy panagbantay, mangipuesto kayo na saray managbantay.

Iparaan yo la iramay mantambang.

17 Kada too et kinmiwas ya agmakatunongan tan andiay kakabatan.

18 Saratan et ilusyon,*+ sakey a kimey a naludlurey.

Naandi iratan sano onsabi so agew na pikuentaan ed sikara.

Say ngaran to et Jehova na saray armada.”+

Tan deralen ko ray panarian.

21 Diad panamegley mo et mekmeken ko so kabayo tan samay akalugan.

Diad panamegley mo et mekmeken ko so karwahen pan-guerra tan samay akalugan.

22 Diad panamegley mo et mekmeken ko so laki tan bii,

Say masiken tan ugaw,

Tan say balolaki tan marikit.

23 Tan diad panamegley mo et mekmeken ko so managpastol tan say pulok to,

Say dumaralus tan saray ayayep a pambabaka to,

Tan saray gobernador tan saray kasandin manuley.

27 “Mangitagey kayoy tanda* diad dalin.+

Paknol yoy tambuyog ed limog na saray nasyon.

Manuro* kayo na saray nasyon a miguerra ed sikato.

Patawag yo ray panarian na Ararat,+ Mini, tan Askenaz+ a milaban ed sikato.

Mamili kayo na opisyal na armada a milaban ed sikato.

Patatdang yo ray kabayo a singa saray mabagon duron.

30 Tinmunda lan milaban iray sundalo na Babilonia.

Yinmurong la rad saray pasen a pansasalimbengan da.

Anggapo lay biskeg da.+

Nagmaliw iran singa bibii.+

Apoolan iray ayaman to.

Aderal iray balewet to.+

33 Ta oniay inkuan nen Jehova na saray armada, say Dios na Israel:

“Say anak a bii na Babilonia et singa panag-ilikan.

Panaon la pian sikatoy gatin-gatinan.

Maganggano lan onsabid sikato so panaon na panag-ani.”

Inggaton to ak a singa pananginan ya anggapoy karga.

Imbantak to ak.

35 ‘Nagawa met komon ed Babilonia so inkaruksan agawa ed siak tan ed inkatook!’ so inkuan na biin manaayam ed Sion.+

‘Tan nasingil komon iray manaayam ed Caldea lapud dalak!’ so inkuan na Jerusalem.”

36 Kanian oniay inkuan nen Jehova:

Paekaten koy dayat to tan saray bobon to.+

38 Onaglem iran amin a singa saray malangwer a leon.*

Onngernger ira a singa saray kilaw a leon.”

Agaylay impagmaliw na Babilonia a sakey a pakataktakotan na saray nasyon!

42 Sinmapat so dayat ed Babilonia.

Sikatoy asakbongan na saray daluyon.

43 Saray syudad to et nagmaliw a pakataktakotan, dalin ya andiay danum tan sakey a desierto.

Dalin ya agpanayaman na too, tan anggapoy ondalan ditan.+

45 Paway kayo ed pegley to, O totook!+

Iliktar yoy bilay* yo+ manlapud mandarlang a sanok nen Jehova!+

46 Agkayo ontatalaw odino ontatakot ed balita a narengelan ed dalin.

Tan nonot yo met komon so Jerusalem.”+

Ta sinmabi ray dayo* ya onsumpad saray masanton pasen ed abung nen Jehova.”+

Narengel so tanol na boses da.

Seguradon sikatoy ombales.+

58 Oniay inkuan nen Jehova na saray armada:

59 Saya so ingganggan nen propeta Jeremias ed si Seraias ya anak nen Nerias+ ya anak nen Masias, sanen sikatoy akila ed si Arin Zedekias na Juda diad Babilonia, diad komapat a taon na panuuley to; si Seraias so manangasikaso ed saray pankaukolan na ari. 60 Insulat nen Jeremias ed sakey a libro so amin a kadederal ya onsabi ed Babilonia, salanti, amin irayan salita a nisulat sumpad Babilonia. 61 Ontan met, oniay inkuan nen Jeremias ed si Seraias: “Kasabim ed Babilonia tan sano nanengneng moy syudad, ibasam a maksil irayan amin a salita. 62 Tan ibagam, ‘O Jehova, inkuan mon naderal iyan pasen tan anggapoy nakeran too odino ayep, tan agla napanayaman ed andi-anggaan.’+ 63 Kayarim a basaen iyan libro, isinger mod sakey a bato tan ibantak mod pegley na Eufrates. 64 Insan ibagam, ‘Oniay ilereg na Babilonia, tan sikatoy aglan balot makaimwas+ lapud kadederal ya idapok ed sikato; tan onkapuy ira.’”+

Dia anampot iray salita nen Jeremias.

52 Si Zedekias+ et mantaon na 21 sanen nagmaliw ya ari, tan 11 taon a nanuley ed Jerusalem. Say ngaran na ina to et Hamutal+ ya anak nen Jeremias a taga Libna. 2 Sikatoy nantultuloy a nanggaway mauges ed pakanengneng nen Jehova, unong ed amin a ginawa nen Jehoiakim.+ 3 Lapud sanok nen Jehova kanian agawa iraya ed Jerusalem tan Juda, anggad pinataynan to rad arapan to.+ Tan nanrebelde si Zedekias ed ari na Babilonia.+ 4 Diad komasiam a taon na uley nen Zedekias, diad komasamplon agew na komasamplon bulan, nilusob nen Arin Nabucodonosor* na Babilonia tan say interon armada to so Jerusalem. Nankampo ra tan nanggawa ray padir ed kaliberliber to.+ 5 Tan kinubkob da so syudad anggad koma-11 a taon na uley nen Arin Zedekias.

6 Diad komasiam ya agew na komapat a bulan,+ pinasyay eras ed syudad, tan anggapoy naakan na saray totoo ed dalin da.+ 7 Diad kaunoran et abungaw day padir na syudad, tan diad labi et batik so amin a sundalo, a dinmalan irad puerta ed nanleetan na duaran padir diad abay na hardin na ari, legan ya akapaliber ed syudad iray Caldeo; tan nantultuloy iran amaarap ed Araba.+ 8 Balet inusilan na armada na saray Caldeo so ari, tan nabotan day Zedekias+ ed saray patar a desierto na Jerico, tan amin a sundalo to et nitaytayak tan nisian ed sikato. 9 Insan inerel da so ari tan inawit dad ari na Babilonia diad Ribla a walad dalin na Hamat, tan sikatoy senentensiaan to. 10 Tan impapatey na ari na Babilonia iray lalakin ananak nen Zedekias diad arapan to, tan impapatey to met diad Ribla so amin a prinsipe na Juda. 11 Insan binulag na ari na Babilonia si Zedekias,+ binalor to na gansan gulonggulong, inawit tod Babilonia, tan impaipriso to ya anggad agew na impatey to.

12 Diad komasamplon agew na komaliman bulan, salanti, diad koma-19 a taon na uley nen Arin Nabucodonosor* ya ari na Babilonia, sinmabi ed Jerusalem si Nebuzaradan a pangulo na saray guardia, a lingkor na ari na Babilonia.+ 13 Pinoolan toy abung nen Jehova,+ abung* na ari, tan amin a kaabungan ed Jerusalem; pinoolan to met so amin ya angkakabaleg ya abung. 14 Tan saray padir ya akapaliber ed Jerusalem et inggeba na interon armada na saray Caldeo a kaiba na pangulo na saray guardia.+

15 Tan si Nebuzaradan a pangulo na saray guardia et inawit tod dalin da so arum ed saray pobrin totoo tan saray totoon atilak ed syudad. Inawit to met iramay dinmapag la ed ari na Babilonia pati arum ed saray marunong a komikimey.+ 16 Balet intilak nen Nebuzaradan a pangulo na saray guardia so arum a sankapobrian a totoo ed dalin da pian mangasikaso na kaubasan tan obligaen a mantrabaho.+

17 Tan dinederal na saray Caldeo iray gansan lusek+ na abung nen Jehova tan saray kariton+ tan say gansan Dayat+ a walad abung nen Jehova, tan inawit dad Babilonia so amin a gansa.+ 18 Inaala da met iray latan kargaan na dapol, saray pala, saray panag-erep, saray yaong,+ saray kopa,+ tan amin a gansan kagawaan ya uusaren ed panaglingkor ed templo. 19 Inaala na pangulo na saray guardia iray palanggana,+ saray kargaan na ngalab, saray yaong, saray latan kargaan na dapol, saray kandelero,+ saray kopa, tan saray yaong a puron balitok tan pilak.+ 20 Tan agnasimbang ed karakel so gansan inusar ed duaran lusek, say Dayat, say 12 gansa a baka+ a walad silong na samay Dayat, tan saray kariton a ginawa nen Arin Solomon parad abung nen Jehova.

21 Kada sakey ed saray lusek et 18 kasiko* so katagey to, tan makaliber ed satan so sakey a lubir a panagsukat a 12 kasiko ed karukey;+ say kakapal na satan et apatiran gamet,* tan lungogan itan. 22 Tan gawad gansa so ulo na lusek; tan limaran kasiko so katagey na sakey ya ulo;+ tan gawad gansa so amin ya iket tan prutas a granada ya akapaliber ed ulo na lusek. Ontan met so inkagawa na komaduan lusek, pati saray granada. 23 Walay 96 ya akapaliber a prutas a granada; ami-amin et walay 100 a granada ya akapaliber ed iket.+

24 Inawit met na pangulo na saray guardia si Seraias+ a manunan saserdote, si Sofonias+ ya onkokomaduan saserdote, tan say taloran bantay na puerta.+ 25 Tan inala tod syudad so sakey ya opisyal ed palasyo a manangiganggan ed saray sundalo, pitoran maapit a kaulop na ari a wadman ed syudad, pati say sekretaryo na pangulo na armada, samay manitipon ed saray totoo ed dalin da, tan 60 lalaki manlapud karaklan a totoo ed dalin a wadman nid syudad. 26 Inala ira nen Nebuzaradan a pangulo na saray guardia tan inyakar to rad ari na Babilonia diad Ribla. 27 Pinapatey ira na ari na Babilonia diad Ribla+ ed dalin na Hamat. Kanian pinataynan so Juda ed dalin to.+

28 Saraya so totoon inawit nen Nabucodonosor* ed dalin to: diad komapiton taon, 3,023 Judio.+

29 Diad koma-18 taon nen Nabucodonosor,*+ 832 totoo* so inala ed Jerusalem.

30 Diad koma-23 taon nen Nabucodonosor,* inawit nen Nebuzaradan a pangulo na saray guardia iray Judio, 745 totoo.*+

Ami-amin et 4,600 a totoo* so inawit.

31 Insan diad koma-37 taon na inkibantak nen Arin Jehoiakin+ na Juda, diad koma-25 agew na koma-12 bulan, si Arin Evil-merodac na Babilonia, diad taon a sikatoy nagmaliw ya ari, et imbulos toy* Arin Jehoiakin na Juda tan impaway tod prisoan.+ 32 Maabig so impitongtong tod sikato tan impasen toy trono to a mas atagey nen saray trono na arum ya ararin kaiba to diad Babilonia. 33 Kanian nilakseb nen Jehoiakin iray sulong ton kawes na priso, tan sikatoy midudungo ed ari diad amin ya agew na bilay to. 34 Sikatoy inagew-agew a susuplayan na naakan manlapud ari na Babilonia, diad amin ya agew na bilay to, anggad impatey to.