No Panon so Pangiter na Donasyon Parad Panagpulong a Kimey
◻ KONTRIBUSYON PARAD SANKAMUNDOAN A KIMEY: Dakel so mangibibiig odino mangigegetar na sakey a kantidad ya iiyan da ed saray “contribution box” ya amarkaan na: “Contributions for the Society Worldwide Work—Mateo 24:14.” Kada bulan et ipapawit na saray kongregasyon irayan kantidad balangla diad sankamundoan a hedkuarter ed Brooklyn, New York, odino diad sankaasinggeran a sangan opisina.
◻ SARAY LANGKAP: Saray boluntaryon donasyon a kuarta so nayarin direktan nipawit ed Watch Tower Bible and Tract Society of the Philippines, Inc., P.O. Box 2044, 1099 Manila, odino diad opisina na Sosyedad a manlilingkor ed bansam. Saray alahas odino arum niran ankablin bengatla so nayari met ya iter bilang donasyon. Sakey ya antikey a sulat a mangibabagan satan so sakey a direktan langkap so nepeg a nitekep ed sarayan kontribusyon.
◻ OKSUYAN NA KONDISYONAL A DONASYON: Nayarin mangiter na kuarta ed Watch Tower Society pian saya so mamenben anggad ipatey na say angidona, tekep na probisyon a no bilang ta walay personal a pankaukolan, saya so ipawil ed angidona.
◻ SEGURO: Say Watch Tower Society so nayarin ingaran bilang benepisyari na sakey a policy na seguro-ed-bilay (life-insurance) odino sakey a plano ed panretiro/pensyon. Nepeg ya ipakabat ed Sosyedad so antokaman ya ontan iran oksuyan.
◻ DEPOSITO ED BANGKO: Saray deposito ed bangko, sertipiko na deposito, odino idibidual a deposito ed panretiro so nayarin imatalek odino ibayar ed oras na ipapatey ed Watch Tower Society, unong ed saray kakaukolanen na lokal a bangko. Say Sosyedad so nepeg a pakabatan ed antokaman ya ontan iran oksuyan.
◻ SARAY STOCK TAN BOND: Saray stock tan bond so nayarin iter bilang donasyon ed Watch Tower Society bilang direktan langkap odino diad silong na sakey ya oksuyan a diad panamegley na say almo to et mantultuloy ya ibabayar ed angidona.
◻ LOTE TAN ABUNG: Say panlakoan ed lote tan abung so nayarin iter bilang donasyon ed Watch Tower Society diad panamegley na direktan langkap odino pangireserba na sakey a kabiangan na satan bilang panayaman na angidona, a makapantultuloy a manayam legay bilay to. Nepeg a minengnengan nin unona ed Sosyedad sakbay ya iyalis ed ngaran na Sosyedad so antokaman a kaykayarian.
◻ TESTAMENTO TAN IMAMATALEK: Saray kayamanan odino kuarta so nayarin ipatawir ed Watch Tower Bible and Tract Society of Pennsylvania, diad panamegley na sakey a testamento ya inuksoy unong ed legal a paraan, odino say Sosyedad so nayarin gawaen a benepisyari na sakey a paknaan na panangimatalek. Say sakey a nimatalek a pakagunggunaan na sakey a relihyoson organisasyon so nayarin mangitarok na pigaran bentaha ed panag-buis. Say sakey a kopya na testamento odino paknaan ed panangimatalek so nepeg ya ipawit ed Sosyedad.
◻ IMPLANON PANANGITER: Say Sosyedad so anugyop na impormasyon nipaakar ed “Implanon Panangiter.” Sayan impormasyon so makatulong ed saray manplaplanon mangiter natan na nikadkaduman langkap ed Sosyedad odino mangitilak na tawir diad ipatey da. Satan so nagkalautlan tua no kaliktan dan nadampot so pigaran kalat parad pamilya odino panangiplano ed kaykayarian legan ya uusaren iray probisyon nipaakar ed panag-buis pian nabawasan so bayaran a buis a kaukolan a bayaran nipaakar ed langkap odino tawir. Nayarian makagamor na sayan impormasyon diad panamegley na pansulat ed Sosyedad ed address a nipanengneng ed leksab.
Parad nagkalalon impormasyon ed saratan a pamaakaran, mansulat ed Treasurer’s Office, Watch Tower Bible and Tract Society of the Philippines, P.O. Box 2044, 1099 Manila, odino diad opisina na Sosyedad a Manlilingkor ed bansam.