Eskedyul ed Pantitipon ed Panagserbi

Simba na Marso 11

Kanta 2

13 min: Lokal iran pakabat. Pinili ed Saray Pakabat manlapud Ministeryo Tayo ed Panarian. Usaren iray suhestion ed pahina 8, nawalaan na duaran demostrasyon no panon ya iparungtal so Marso 15 a Panag-Bantayan tan say Marso 22 ya Awake! Diad balang kipapasen, ipanengneng so nandumaan a paraan na pangarap ed manamatunday tongtongan, “I’m not interested.”​—Nengnengen so libron Reasoning, pahina 16.

12 min: Panmantini ed Kristianon Neutralidad Tayo. Paliwawa na makayarin matatken. Say panangipatnag na nasyonalismo so kaslakan la diad eskuelaan tan diad pantratrabahoan. Dakel a mangiyaalibansa ed saya so manggagawa ed satan bilang paraan da ed panalona na kapagaan tan ermen ed nasyonal iran trahedya. Anggaman sikatayo met so nagogonigon a maong lapud naiimano tayo ed mundo, natatalosan tayo balet so baleg ya isyu na sankatalbaan ya inkasoberano tan naliligliwa itayo ed mensahe na Panarian. Sano mataktikan ipaliwawa ed arum no akin ya ag-itayo mibibiang ed nasyonalistikon aktibidades, kaukolan ya inabang tayo met so ligliwa tan ilalo ya aromog tayo ed Salitay Dios. Ipapaliwawa na brosyur a Jehovah’s Witnesses and Education, pahina 20-4, ed silong na subtitulon “The Flag Salute,” so rason no akin ya ag-itayo mibibiang ed nasyonalismo iran seremonya. Singbaten iray manunan punto, tan pasesegen so atateng a repasoen iyan impormasyon a maalwar a kaibay ananak da. Isalaysay iray eksperiensya a walad pahina 20 ed brosyur tan ed pahina 31 ed Enero 8, 1996, ya Awake!

20 min: “Onyaman ed Maabig Iran Kimey.”a Betang na manangasikaso na serbisyo. Singbaten no panon a saray niimprintan imbitasyon so nayarin usaren ed sankaabigan a paraan. Paisalaysay ed saray manangipalapag no panon dan nitagar iray kakanayon, kakaabay, iyaaralan na Biblia, tan arum niran interesadon totoo ed Memoryal nen imbeneg a taon. Pasesegen so amin a makayarin man-auxiliary payunir ed Abril.

Kanta 82 tan pansaran pikakasi.

Simba na Marso 18

Kanta 7

10 min: Lokal iran pakabat. Report na kuenta. Singbaten so “Saray Panonot ed Memoryal.” Pasesegen so amin a manumbok ed eskedyul a babasaen ed Biblia parad Memoryal no Marso 23-28.

15 min: “Magayagan Makapikasakey ed si Jehova tan ed Anak To.” Makasulatan a manamakiwas a paliwawa na sakey a matatken. Pasesegen so amin a mangisekar na kaaruman a sagpot manlapud natan anggad Marso 28 pian imbitaan so dakel a totoo anggad posibli ya onatendi ed Memoryal a kaiba tayo.

20 min: Panon Kan Nagugunggonaan na Yearbook? Paliwawa tan singbaten a kaibay dumerengel. Unona, ipabitar iray manunan punto ed “A Letter From the Governing Body,” ed pahina 3-5. Insan, kerewen ed saray dumerengel a mangisalaysay na saray report tan eksperiensya ed Yearbook a naimano ran nagkalalo lan makapaseseg tan makapabiskeg-pananisia. (No anggapo ni peles a Yearbook, nayarin usaren iray punton manlapud 2001 Yearbook parad sayan betang.)

Kanta 45 tan pansaran pikakasi.

Simba na Marso 25

Kanta 12

15 min: Lokal iran pakabat. Ipaliwawa ya agni atrasado so pangisumite na aplikasyon parad pan-auxiliary payunir ed Abril. Usaren iray suhestion ed pahina 8, ipademostra ed sakey a matakken no panon ya iparungtal so Abril 1 a Panag-Bantayan tan sakey a kalangweran so mangipanengneng no panon ya iparungtal so Abril 8 ya Awake!

10 min: “Bawasan Iray Subskripsion.” Paliwawa na manangasikaso na serbisyo, a pakabatan so amin a mililimog ed kongregasyon ya alaen da iray magasin da manlapud kongregasyon imbes a diad subskripsion. Ipaseseg so pangiletneg na saray rota na magasin parad saraman so nasasakopan na teritorya tayo a malabay a makaawat na saray magasin a regular.

20 min: Usaren so Libron Reasoning ed Pamaseseg. Singbaten kaibay dumerengel. Amin so mankaukolan na maaron panamaseseg a panapanaon. Sirin, nepeg tayon liknaen ya amin so pankaukolan na “mansalita a makatambayo” ed arum. (1 Tes. 5:14, NW) Usaren so libron Reasoning, imbitaan iray dumerengel a manalambit no anton Makasulatan a panamaseseg so nayarin inabang da ed sakey a makakaeksperiensya na saray subok a nidatak ed pahina 117-21 (p. 311-15 ed Tagalog). Isuheri a balang sakey so manggunaet a mamaseseg ed siopaman sano onlesa so pankaukolan.​—Gal. 6:10.

Kanta 131 tan pansaran pikakasi.

Simba na Abril 1

Kanta 27

7 min: Lokal iran pakabat. Panonotan iray manangipalapag a mangiter ed saray report da ed lawak na serbisyo parad Marso.

18 min: “Maseseg a Papastolan na ‘Langkap a Lalaki’ so Pulok na Dios.” Paliwawa na sakey a matatken. Singbaten iray nisitan teksto. Ipanengneng no panon a saray positibon bengatla so walaan na resulta manlapud panagpastol ed inaktibo tan ed pananulong ed agmakayari a gawaen day anggaan na nayarian da.

20 min: “Padaak Yoy Gayaga Yo ed Panagpulong.”b Sano sisingbaten so parapo 5, mangidemostra na sakey odino duaran alimbawa no panon itayon unona lan onkiwas pian asinggeran so siopaman pian pulongan a magano.

Kanta 15 tan pansaran pikakasi.

[Saray paimano ed leksab]