No Anto so Ibaga Nipaakar ed Saray Magasin

Say Panag-bantayan Mar. 15

“Kasin onabobon kayo a say matunong a pananguley so manggawa ed sayan dalin a magmaong a pasen a panayaman? [Abuloyan ya onebat.] Ipangasin imanoen so isisipan na Biblia. [Basaen so Salmo 37:11.] Napanggayagaan tayo so ontan a kareenan, a nagamoran diad silong na ayadyarin Lider ya imparungtal ed sarayan artikulo.”

Awake! Mar. 22

“Saray yegyeg so nayarin pansengegan na dakerakel a katitigway na bilay tan kadederal. Saray akaliktar so mabetbet a naandian na ayaman, ya anggapoy pakayarin makabawi. Ipapanengneng na sayan paway na Awake! no panon a saray biktima so akatalona ed epekto na yegyeg. Ipapaliwawa met na satan no panon a saray yegyeg so kabiangan na importantin maong a propesiya na Biblia.”

Say Panag-bantayan Abr. 1

“Inabang ko pa’d sikayo so makapaligsay-puson punton manlalapud Biblia. [Basaen so Mateo 22:37.] Anto so padesir yon kabaliksan na satan? [Abuloyan ya onebat.] Imanoen pa iyan artikulo, ‘Anapen so Dios Panamegley na Puso tan Nonot Mo.’ Kasin say tuan pananisia et pamaakaran labat na puso, odino nepeg met a mangilanor ed nonot? Say ebat so makaibangat.”

Awake! Abr. 8

“Singa amta yo la, say pangasikaso ed pamilya et makapaangat ed sarayan agew, tan say pagmaliw ya ina et mankaukolan na baleg a trabaho. Sayan paway na Awake! so walaan na makapainteres ya impaningbat ed teman ‘Motherhood​—Does It Take a Superwoman?’ Labay kon itilak ed sikayo iyan kopya.”