No Anto so Ibaga Nipaakar ed Saray Magasin

Say Panag-bantayan Mar. 15

“Labay mi kayon imbitaan ya onatendi ed panselebra ed Pangdem na Katawan no Simba, Abril 4. [Ipaliwawa itan ya usaren so beneg ya apis na sayan magasin odino say inimprintan imbitasyon parad Memoryal. Insan basaen so Lucas 22:19.] Saray unonan artikulo na sayan paway na Say Panag-Bantayan so manisingbat ed kabaliksan na sayan ebento tan no panon itan a seselebraan.”

Awake! Mar. 22

Kayarin saglawien so makapasinagem ya ebento a walad kanonotan na totoo, oniay itepet: “Kasin naumameng yo la no akin ya aabuloyan na Dios a nagawa iratan a bengatla? [Abuloyan ya onebat. Insan basaen so Santiago 1:13.] Sayan artikulo, a nagkalalo lan nisulat a parad saray kalangweran, so mangipaliwawa no akin ya agni sinmalet so maaron Manamalsa pian panampoten so paniirap na too.”

Say Panag-bantayan Abr. 1

“Wala so pigaran teksto a mangisasagyat na dakel a panagpalbeng a singa say misteryoson impaneskribe na Biblia ed tanda na ayep. Kasin nadngel yo la itan? [Abuloyan ya onebat. Insan basaen so Apocalipsis 13:16-18.] Say Biblia a mismo so mangitatarya na saray pamatnagan pian naamtaan so kabaliksan na sayan misteryo. Ipaliwawa na sayan magasin no anto iratan.”

Awake! Abr. 8

“Kabkabat na maslak a totoo so istoryay bilay nen Moises. Balet amta yo ta a walay imbaga nen Moises a mangilalanor ed bilay tayo natan? [Abuloyan ya onebat. Insan basaen so Deuteronomio 18:15.] Sayan paway na Awake! so manisingbat ed no siopa itan a nipasakbay a propeta tan no antoy gawaen to a pakagunggonaan na katooan.”