Eskedyul ed Pantitipon Parad Panagserbi

Simba na Hulyo 10

Kanta 4

10 min: Lokal iran pakabat. Diad pangusar ed saray suhestion ed pahina 4 odino ed arum niran presentasyon a matukoy ed teritorya yo, idemostra no panon ya iyopresi so Hulyo 15 a Panag-bantayan tan say Hulyo ya Awake!

15 min: No Panon a Naoorganisa tan Uuleyan so Kongregasyon. Paliwawa a pibiangan na dumerengel a base ed kapitulo 4 na Organisadon Manggawa na Linawa nen Jehova.

20 min: “Pabulaslasen so Apresasyon Da ed Agnaparaan Iran Kalidad nen Jehova.”a Ilaktip so sakey a demostrasyon a mangiparungtal ed no panon ya usaren iray tepet pian natulongan so iyaaralan na Biblia a manmotektek ed saray punto ed kahon parad repaso diad sampot na kapitulo 1 na libron Ibabangat na Biblia.

Kanta 88 tan pansaran pikakasi.

Simba na Hulyo 17

Kanta 99

10 min: Lokal iran pakabat. Pinili iran Pakabat ed Ministeryo Tayo ed Panarian. Ipaliwawan antikey so Agosto 15, 2000 a Panag-Bantayan, pahina 32. Ipabitar iray nagunggona ed pamasiansia na inagew-agew a panagbasa na Biblia, anggan legan na bakasyon odino ed arum niran panaon ya agtayo nagawaan so normal a rotina tayo.

15 min: Aro tan Kapaabebaan​—Importante Iran Kalidad Diad Ministeryo Tayo. Paliwawa a nibase ed Agosto 15, 2002 a Panag-Bantayan, pahina 18-20, parapo 13-20.

20 min: “Aligen so ‘Maliket a Dios’ Tayon si Jehova.”b Pankomentoen so dumerengel no anto so akatulong ed sikara pian napansiansia ra so maliket ya awawey tan positibon ugali sano manpupulong ira ed teritorya.

Kanta 189 tan pansaran pikakasi.

Simba na Hulyo 24

Kanta 218

15 min: Lokal iran pakabat. Basaen so report na kuenta tan saray naawat a donasyon. Diad pangusar ed saray suhestion ed pahina 4 odino arum niran presentasyon a matukoy ed teritorya yo, idemostra no panon ya iyopresi so Agosto 1 a Panag-Bantayan tan say Agosto ya Awake!

10 min: “Ipapatnag Da so Alimbawa na Katooran.” Sakey a paliwawa a mangilaktip ed pigaran nipalapag ya eksperiensya na saray espisyal payunir odino panginterbio ed siopaman ed saray espisyal payunir a manlilingkor ed kongregasyon yo.​—Nengnengen so Watch Tower Publications Index diad silong na teman “Special Pioneers.”

20 min: Agnagiing, Agnatenyeg. (1 Cor. 15:58) Interbioen so duara odino taloran manangipalapag odino payunir a matoor a manlilingkor ed loob na dakel lan taon. Panon dan naaralan so katuaan? Anto so paraan na panagpulong sanen ginmapo iran nampulong? Antoran mairap a kipapasen so naeksperiensya ra? Antoran bendisyon so agamoran da bilang resulta na impansiansia ran agnagiing ed tuan panagdayew?

Kanta 12 tan pansaran pikakasi.

Simba na Hulyo 31

Kanta 28

10 min: Lokal iran pakabat. Panonotan iray manangipalapag ya iter da laray report da ed lawak na kimeyan parad Hulyo. Salambiten so opresin literatura parad Agosto.

15 min: Lokal iran pankaukolan.

20 min: “Pansiansiaen Iray Maabig a Rotina Pian Nagamoran so Daakan a Bendisyon.”c Pakomentoan ed saray dumerengel no antoray impansagpot da pian niletneg tan napansiansia ra so maabig a rotina ed espiritual tan saray bendisyon ya agamoran da.

Kanta 130 tan pansaran pikakasi.

Simba na Agosto 7

Kanta 209

10 min: Lokal iran pakabat. Repasoen ed antikey iray pangaligan a presentasyon a walad Ministeryo Tayo ed Panarian no panon a nitukoy iratan ed saray pankaukolan ed teritorya yo.​—Nengnengen so Enero 2005 a Ministeryo Tayo ed Panarian, pahina 8.

15 min: Saray Pantitipon a Mangisasagyat na Aro tan Maabig Iran Gawa. Sakey a paliwawa a nibase ed Marso 15, 2002 a Panag-Bantayan, pahina 24-5. Ilaktip so antikey ya interbio a mangipapabitar ed no anton sagpot so gagawaen na sakey a manangipalapag pian regular ton naatendian iray pantitipon tan no panon a sikatoy nagugunggonaan ed panggagawa to ed satan.

20 min: Magmaliw a Progresibo tan Mabulos ya Onadapta ed Ministeryo Tayo. Paliwawa a pibiangan na dumerengel a nibase ed Disyembre 1, 2005 a Panag-Bantayan, pahina 28-30. Diad paliwawa a nibase ed parapo 6-11, ipabitar no panon a si Pablo et maimano, mabulos ya onadapta, tan maabilidad ed panagpulong tan panagbangat. Insan pakomentoan ed dumerengel iray tepet ed parapo 12-14, ya iyaplika iratan ed lokal a kipapasen. Ilaktip so sakey a demostrasyon a mangipapabitar ed no panon ya iyadapta na saray manangipalapag so paraan da ed ministeryo, a nononoten da iray pankaukolan, kipapasen, tan kultura na totoo ed teritorya yo.

Kanta 83 tan pansaran pikakasi.

[Saray paimano ed leksab]