Eskedyul ed Pantitipon Parad Panagserbi

Simba na Mayo 12

Kanta 134

10 min: Lokal iran pakabat. Saray Pakabat a pinili ed Ministeryo Tayo ed Panarian. Idemostra no panon ya iyopresi so Mayo 1 a Watchtower tan Mayo ya Awake! ya usaren iray suhestion a walad pahina 4 odino arum niran presentasyon a matukoy ed teritorya yo.

15 min: Natalonaan Tayo so Antokaman a Subok! Paliwawa a nibase ed Hunyo 15, 2005, a Panag-Bantayan, pahina 30-1. Kerewen ed saray pinilin manangipalapag a mankomento ed no panon iran tinulongan nen Jehova a natalonaan so subok.

20 min: Kasin Makapan-auxiliary Payunir Kayo ed Onsublay Iran Bulan? Singbaten a mibiang iray dumerengel. Repasoen iray pahina 112-13 na libron Organisado, ya ibinsabinsa iray kakaukolanen parad panag-auxiliary payunir. Onia so nabasa ed parapo 1 ed pahina 113: “Nayarin naturo iray auxiliary payunir a sakey bulan, pigaran bulan, odino tuloy-tuloy, unong ed saray sirkumstansya ra.” Pankomentoen iramay nan-auxiliary payunir nen Marso tan Abril tan mantutultuloy ed Mayo nipaakar ed saray bendisyon ya agamoran da. Panon ya akatulong ed sikara so panag-auxiliary payunir ya onaligwas ed espiritual? Antoray makapaliket ya eksperiensya ra? Kasin plano ran itultuloy itan ed onsublay iran bulan? Kasin plano ran gawaen itan a “tuloy-tuloy” odino manregular payunir ni ingen? No ontan, pankomentoen ira no akin tan panon dan iplaplanon gawaen itan. Bilang konklusyon, pasesegen so amin a kualipikado tan makasarag a mibiang ed onsublay iran bulan, kaiba na saraman so nanggayaga la ed sayan pribilehyo.

Kanta 187

Simba na Mayo 19

Kanta 47

10 min: Lokal iran pakabat. Repasoen so “Tepet” ed pahina 3.

15 min: Lokal iran pankaukolan.

20 min: “Akatarya ed Sikayo Iray Kayamanan!”a Komentoan so nipaakar ed saray kualipikasyon parad regular payunir, a naromog ed pahina 113-14 na libron Organisado. Saramay malabay ya onggapon manpayunir no Setyembre 1 so kaukolan a masakbay lan mangiter ed saray aplikasyon da.

Kanta 206

Simba na Mayo 26

Kanta 103

10 min: Lokal iran pakabat. Basaen so report na kuenta tan sulat nipaakar ed naawat a donasyon. Panonotan iray manangipalapag ya iter da la iray report da ed lawak na serbisyo parad Mayo. Idemostra no panon ya iyopresi so Hunyo 1 a Watchtower tan Hunyo ya Awake! ya usaren iray suhestion a walad pahina 4 odino arum niran presentasyon a matukoy ed teritorya yo.

15 min: “Ala yoy pakok.”b No wala ni oras, pakomentoan ed saray dumerengel iray nisitas a teksto.

20 min: Iyopresi so libron Ibabangat na Biblia legan na Hunyo. Paliwawa tan saray demostrasyon. Repasoen so pigaran pangaligan a presentasyon manlapud insert na Enero 2006 a Ministeryo Tayo ed Panarian. Ilaktip so nankaduan demostrasyon. Ipanengneng no panon ya iyopresi so libro tan no panon so panggawa na panagpawil tekep na gagalan nigapo so panangiyaral na Biblia.

Kanta 169

Simba na Hunyo 2

Kanta 221

10 min: Lokal iran pakabat.

20 min: Saray Walaan na Matoor a Kimey so Makakaawat na Dakel a Bendisyon. (Uli. 28:20) Paliwawa tan singbaten na sekretaryo a mibiang iray dumerengel. Mangiter na sumaryo no panon a binendisyonan nen Jehova iray sagpot na kongregasyon a napadaak so kimey legan na Marso, Abril, tan Mayo, tan mangiter na komendasyon. Iyanunsio so bilang na nan-auxiliary payunir, kaunongan karakel a panangiyaral na Biblia so nigapo, tan arum niran maabig ya agawaan ed ministeryo. Imbitaan iray dumerengel a mangisalaysay na saray eksperiensya ra nipaakar ed Memoryal tan say kampanya a pangibunog ed saray imbitasyon. Nayarin iyakto iray alay abig ya eksperiensya ed lawak na serbisyo. Interbioen a magano so duara odino taloran manangipalapag nipaakar ed saray bendisyon ya agamoran da bilang auxiliary payunir.

15 min: “Manparaan Parad Balang Maabig a Kimey.”c Paisalaysay ed saray dumerengel no panon tan kapigan so pampaparaan da parad kabkaabungan a ministeryo.

Kanta 44

[Saray paimano ed leksab]