Usaren Imbes ya Iyatol

Dakel a kongregasyon so akatipon na saray daan ya publikasyon. Agta maabig no mangala kayo na saray kopya parad personal a librarya yo? Siempre, nayarin dia la’d Watchtower Library yo nenengnengen so pigara ed sarayan daan ya publikasyon. Ingen, walaray gunggona’d pakawalaay mismon kopya na saratan. Kasin walay iyaaralan yon maabig so iyaaligwas to? Paseseg yon mangala’d sarayan daan ya publikasyon tan gapoan toy nawalaan na personal a librarya. Nepeg a seguroen na manangasikaso na Teokratikon Eskuelaan Parad Ministeryo a say libraryay Kingdom Hall et walaan na saray daan a publikasyon ya walad stock na kongregasyon. Sarayan publikasyon et siansia nin mausa-usar. Mas maabig ya usaren tayo iratan nen say isimpen labat ed literature counter na kongregasyon!