Pangaligan Iran Presentasyon

Pangigapoy Panangiyaral na Biblia ed Unonan Sabado na Oktubre

“Seguradon mipakna ka ya antiktikey so bilay. Parad sika, onsabi ni kasi panaon ya napaandi na too iray sakit tan naparukey so bilay tayo? [Abuloyan ya onebat.] Imanoen so ibabaga na saya.” Iderew ed householder so Oktubre 1 ya Panag-bantayan, tan pantongtongan so unonan tepet tan ebat ed pahina 16 tan anggan sakey ya teksto. Iyopresi iray magasin tan iyeskedyul so ipawil pian pantongtongan so ontumbok ya tepet.

Say Panag-Bantayan Oktubre 1

“Ombibisita kami lapud dakel so mapaga ed idarakel na kurapsion ed negosyo tan gobierno. Parad sika, wala ni kasi nagawaan ed sayan problema? [Abuloyan ya onebat.] Imanoen no antoy ibabaga na saya no antoy gawaen nen Jesus parad saray biktima na kurapsion. [Basaen so Salmo 72:12-14.] Ipapaliwawa na sayan magasin no panon ya mangangga so kurapsion.”

Awake! Oktubre

“Labay na maslak ya ateng ya nawalaan na maong ya edukasyon iray anak da. Parad sika, kasin saray kalangweran ya mangra-graduate ed eskuelaan natan et akaparaan lad saray subok ed bilay? [Abuloyan ya onebat.] Imanoen so ibabaga na Biblia nipaakar ed kaimportantian na pakawalaan na pikakabat tan kakabatan. [Basaen so Eclesiastes 7:12.] Sayan magasin et mangiiter na limaran praktikal iran suhestion pian natulongan iray anak ya ontalona ed eskuelaan.”