Pangaligan Iran Presentasyon

Pangigapoy Panangiyaral na Biblia ed Unonan Sabado na Nobyembre

“Mitotongtong kamin magano ed saray totoo natan. Say kuan na dakel ed saray nakakatongtong mi, sakey ed saray sankairapan ya situasyon et say ipatey na inad-aro. Mairap ‘tan ya talaga anto? [Abuloyan ya onebat.] Balibali balet yay abasak dia ay.” Ipanengneng so beneg na Nobyembre-Disyembre ya Panag-bantayan, tan pantongtongan so unonan tepet tan anggan sakey a teksto. Iyopresi iray magasin tan iyeskedyul so ipawil pian pantongtongan so onsublay ya tepet.

Say Panag-bantayan Nobyembre-Disyembre

“Ibabaga mid saray totoo ya balibali manbasay Biblia. Wala ray totoon interesadod Biblia; say arum balet, agda labay. Sikayo ey? [Abuloyan ya onebat.] Pinengneng yo pa yay mismon ibabaga na Biblia. [Basaen so 1 Tesalonica 2:13.] No talagan nanlapud Dios so Biblia, di nepeg labat itan ya basaen awa? Wadiad sayan magasin no anto ray nabasa ed Biblia tan no akin a nepeg ya interesado tayod satan.”

Onliing! Nobyembre

“Dakel natan so naaaburido ta abebbeba lay moral na totoo. Parad sika, talaga ta’n abebbeba lay moralidad natan? [Abuloyan ya onebat.] Abayag lan imbaga na Biblia ya onsabi panaon et manguman so ugali tan kagagawa na totoo. [Basaen so 2 Timoteo 3:1-5.] Nabasad sayan magasin no akin ya napanmatalkan tayo ray prinsipyo na Biblia ed moralidad.”