Kaaruman ed Mananguley ya Ulop

DIAD gagalan naaruman so personahe na Mananguley ya Ulop na Tastasi nen Jehova, a ginmapo la nen Hulyo 1, 1994, sakey a membro so inyarum ed 11 a mamatatken a manlilingkor natan. Say balon membro et si Gerrit Lösch.

Si Brother Lösch so linmoob ed sigpot-panaon a serbisyo nen Nobyembre 1, 1961, tan nangraduar ed koma-41 a klase na Watchtower Bible School of Gilead. Sikato so nanlingkor ed kimey na pansirkito tan pandistrito diad Austria nanlapulad 1963 ya anggad 1976. Nankasal nen 1967, tan sikato tan say asawa to, si Merete, diad saginonor so nanlingkor ed loob na 14 taon bilang membro na pamilya na Bethel ed Austria diad Vienna. Apat taon la so apalabas et sikaray niyalis ed hedkuarter na Sosyedad diad Brooklyn, New York, a ditan et si Brother Lösch so nanlingkor diad Executive Offices tan bilang sakey a katulong ed Service Committee. Lapud walaan na nanduruman eksperiensia diad lawak na Europa tan lapud pikakabat to ed lenguahen Aleman, Ingles, Romania, tan Italya, sikato so magmaliw a sakey a makanan tulong ed kimey na Mananguley ya Ulop.