Say Ikakayat na Pundamentalismo
PUNDAMENTALISMO—diad pigaran dekadan aganggano ed inlalabas to, melmelag lambengat iyan pakurang ed loob na Protestantismo. Agaylay impanguman na saray bengatla! Insulat nen Bruce B. Lawrence, sakey a komentarista ed relihyon, a 30 taon lay apalabas et daiset so akaamta lan unona a diad pansamposampot na koma-20 siglo, say pundamentalismoa so magmaliw ya importanti tan piugagep ni ingen a tema na mass media tan panagsukimat ed unibersidad.
Ingen, ontan a talaga so nagagawa. Saray ibabalita na peryodiko iran marawal a demostrasyon ed lansangan, panagpatey, sumpad-panagpaekal iran pakurang, panangimaneobra ed politika na saray relihyoson managdesdes a grupo, tan saray panagpool ed ipapasen a mabanday a liblibro ed publiko so mabetbet a mangipapanonot ed aksion na saray pundamentalista. Imbaga na sinimban Italyanon pinansyal a Mondo Economico ya anggad iner et say pundamentalismo so “onlulubak diad ngaran na Dios.”
Mabetbet a nililitrato iray pundamentalista bilang alablabas tan panatiko, a mamapawala na saray pannononong tan panagterorista. Nakikigtot iray totoo ed idarakel na ontan iran grupo a singa say Comunione e Liberazione ed Romanon Katolisismo, Gush Emunim ed Judaismo, tan say Christian Coalition ed Protestantismo diad Amianen ya Amerika. Akin ya onkakayat so pundamentalismo? Anto so manadagdag ed satan? Agkasi “panangibales na Dios” iya, a singa papapawayen na sosiolohistan Pranses a si Gilles Kepel?
[Paimano ed leksab]
a Say sakey a pundamentalista so malet a mamebenben ed tradisyonal, konserbatibo iran relihyoson totontonen. Say kabaliksan na “pundamentalismo” so sigpot a lalon nasingbat ed ontumbok ya artikulo.
[Picture Credit Line ed pahina 3]
Nina Berman/Sipa Press