Isusuheri Iran Presentasyon Parad

Onapit ed si Jehova

◼ Bangta sankaegnaan so Biblia, ibaga: “Dakel a totoo a manisia ed Dios so malabay ya onapit ed sikato. Kasin amta yo ya iimbitaan itayo na Dios ya onapit ed Sikato? [Basaen so Santiago 4:8.] Sayan publikasyon so adesinyo pian ontulong ed totoo a mangusar ed dilin Biblia ra pian onapit ed Dios.” Basaen so parapo 1 ed pahina 16.

◼ Bangta sankaegnaan so Biblia, ibaga: “Lapud sesga na terorismo, panumamengan na dakel no kasin nalikna da ni so kaligenan. Imanoen pa iyan makapaseseg a punto. [Basaen so Salmo 46:1, 2.] Sayan publikasyon so adesinyo pian ontulong ed totoo a napaelet day talek da ed Dios.” Basaen so parapo 4 ed pahina 68 tan say unonan estansa ed parapo 5.

◼ Bangta sankaegnaan so Biblia, ibaga: “Onkakasmak natan so ag-inkahustisya. Unong ya adeskribe dia. [Basaen so Eclesiastes 8:9b.] Panumamengan na dakel no kasin mangiyaansakit so Dios. [Basaen so unonan duaran estansa diad parapo 4 ed pahina 119.] Ipapaliwawa na sayan kapitulo no akin ya iyaabuloy ni na Dios so ag-inkahustisya.”