No Anto so Ibaga Nipaakar ed Saray Magasin

Say Panag-Bantayan Dis. 15

“Diad sayan tiempo na taon, dakel so totoon mannononot ed inkianak nen Jesus. Kasin naumameng yo la no anton klase na pamilya so binalegan to? [Abuloyan ya onebat. Insan basaen so Lucas 2:51, 52.] Sayan isyu na Say Panag-Bantayan so manisingbat ed saray praktikal a leksion a naaral tayo manlapud rekord na Biblia nipaakar ed impamabaleg ed si Jesus.”

Awake! Dis. 22

“Amin tayo so manpipilalek a makanengneng ed ananak tayo a manbilay a maliket tan maaligwas. Diad padesir yo, anto so manunan nakaukolan na saray ugugaw pian makapansungdo ira ed magonigon a mundo natan? [Abuloyan ya onebat. Insan basaen so Uliran 22:6.] Sisingbaten na sayan isyu na Awake! no antoray nakaukolan na ugugaw tan no panon a nitarya na atateng irayan pankaukolan.”

Say Panag-Bantayan Ene. 1

“Dakel a totoo so manpirawat a niwala so kareenan diad dalin. Diad padesir yo, kasin nanengneng tayo ni so kasumpalan na sarayan salita? [Basaen so Salmo 46:9. Abuloyan ya onebat.] Sayan isyu na Say Panag-Bantayan so manisingbat ed no panon iyan nasumpal tan no akin a makapanmatalek itayo ed isisipan na Dios a mundon anggapo lay pambabakal.”

Awake! Ene. 8

“Diad sankamundoan et minilyon a totoo so walaay problema ed emosyon, a singa say depresyon. Say Manamalsa tayo so pirmin mangiyaansakit ed saratan a sinansakey. [Basaen so Salmo 34:18.] Sisingbaten na sayan magasin no panon a natulongan iramay manasagmak na ontan. Ipapabitar met na saya so sipan na Biblia ya agmanbayag et naandi la so amin a sakit.”