No Anto so Ibaga Nipaakar ed Saray Magasin

Say Panag-bantayan Dis.15

“No asabi la rayan panaon na taon, momolimolien na dakel a totoo imay inyanunsio na saray anghel sanen inyanak si Jesus. [Basaen so Lucas 2:14.] Diad padesir yo, talaga kasin nagawa ed dalin so tuan kareenan? [Abuloyan ya onebat.] Ipapaliwawa na sayan magasin no panon a magano lan itarok nen Jesus ed dalin so tuan kareenan.”

Awake! Dis.

“Walaray mansusumlangan a relihyoson opinyon nipaakar ed panag-inum na saray de-alkohol. Anto so padesir yon panmoria na Dios ed usar na saraya? [Abuloyan ya onebat.] Anggaman diad samay sankaunaan a milagro nen Jesus et pinagmaliw ton alak so danum, wala met so onian ipapasakbay na Biblia. [Basaen so Uliran 20:1.] Ipapaliwawa na sayan artikulo so balansin panmoria na Biblia ed sayan pamaakaran.” Iparungtal so artikulon onggapo ed pahina 18.

Say Panag-bantayan Ene.1

“Diad padesir yo, nasukat kasi so inkatalona na sakey a too diad karakel na kayamanan to? [Abuloyan ya onebat. Insan basaen so 1 Timoteo 6:9, 10.] Anggaman ag-kokondenaen na Biblia so kuarta, malinlinew ya ipapabitar na satan a say tuan itatalona et ag-akadepende ed kayamanan. Ipapaliwawa itan na sayan magasin.”

Awake! Ene.

“Diad padesir yo, ontua ni kasi iya? [Basaen so Isaias 33:24. Insan abuloyan ya onebat.] Ipapaliwawa na sayan magasin no anto lay nagagawaan na medikal a siensia tan no panon a nasumpal so sipan na Biblia.”