No Anto so Ibaga Nipaakar ed Saray Magasin

Say Panag-bantayan Dis. 15

“Legan na holiday, dakel so manggugunaet a mangipatnag na kaabigan tan panangabagey. Diad padesir yo, ondakep kasi so kipapasen na mundo no diad interon taon et ipatnag na totoo so panangabagey? [Abuloyan ya onebat. Insan basaen so 1 Pedro 3:8.] Ipapaliwawa na sayan magasin so kakanaan na panangabagey tan sinalambit toray pigaran praktikal a paraan a nipanengneng tayo itan.”

Awake! Dis.

“Kasin nabilay lamet iray inatey ya inad-aro tayo, antoy padesir yo ey? [Abuloyan ya onebat.] Ibabaga na Biblia a walay ilalo na saray inaatey. [Basaen so Salmo 68:20.] Ipapanengneng na sayan magasin no akin ya agtayo nepeg a takotan so ipapatey, ta aliwa itan a permanentin sampot na bilay.”

Say Panag-bantayan Ene. 1

“Ipipikasi na dakel a totoo so isabi na Panarian na Dios. Alimbawa, imanoen iyan bantog a pikakasi ya imbangat nen Jesus ed saray papatumbok to. [Basaen so Mateo 6:9, 10.] Kasin inisip yo met la no anto so Panarian na Dios tan kapigan itan onsabi? [Abuloyan ya onebat.] Ipapanengneng na sayan magasin no antoy ibabaga na Biblia ed satan.”

Awake! Ene.

“Nanlapu la’d nensaman et manasagmak la iray bibii na panagmelmelag tan karawalan. Akin kasi? [Abuloyan ya onebat.] Imanoen no panon so pangibabangat na Biblia ed saray kaasawaan a lalaki a mantrato ed kaasawaan da. [Basaen so 1 Pedro 3:7.] Ipapanengneng na sayan magasin so ibabaga na Biblia a panmoria na Dios tan si Kristo ed saray bibii.”