No Anto so Ibaga Nipaakar ed Saray Magasin

Say Panag-bantayan Dis. 15

“Diad sayan tiempo na taon, nononoten na saray totoo ed interon mundo so inkianak nen Jesus ed nanduruman paraan. Kasin amta yo ya isisiglaot na propesiya na Biblia so inkianak nen Jesus ed magnayon a kareenan? [Abuloyan ya onebat. Insan basaen so Isaias 9:6, 7.] Ipapaliwawa na sayan magasin no panon a nagawa itan a kareenan.”

Awake! Dis. 22

“Agyo ta naiimano a say pinonot lawas na katooan et say itsura? [Abuloyan ya onebat.] Sisingbaten na sayan magasin iray kapeligroan na sobsobran panag-isip ed itsura. Ipapabitar met na saya so kablian na klase na itsura a makabkabaliksan.” Basaen so 1 Pedro 3:3, 4.

Say Panag-bantayan Ene. 1

“Ibabangat na maslak a relihyon a nepeg ya aroen na totoo so kapara ran too. [Basaen so Mateo 22:39.] Diad padesir yo, akin balet a dakerakel so guerra tan gotgotan ed mundo a nalalanor so relihyon? [Abuloyan ya onebat.] Uusisaen na sayan isyu na Say Panag-Bantayan so tepet a, Kasin napankasakey na relihyon so katooan?”

Awake! Ene. 8

“Panon yon ebatan iyan tepet? [Basaen so tepet ed apis. Insan abuloyan ya onebat.] Saray kayamanan na dalin so napepeligro lan naupot. Ingen, imanoen pa iyan manamaseguron sipan. [Basaen so Salmo 104:5.] Ipapaliwawa na sayan isyu na Awake! no panon a say planeta tayo so magano lan nipawil ed dati.”