No Anto so Ibaga Nipaakar ed Saray Magasin

Say Panag-bantayan Dis. 15

“Diad sayan tiempo na taon et dakel so mannononot ed inkianak nen Jesus. Kasin amta yo a walaray makanan leksion a naaralan tayo ed salaysay na Biblia nipaakar ed inkianak to? [Abuloyan ya onebat. Insan ipaimano so pahina 5, tan basaen so 2 Timoteo 3:16.] Sayan isyu na Say Panag-Bantayan so mangonsidera ed arum ed saratan a leksion.”

Awake! Dis. 22

“Diad padesir yo, kasin walaan na rason iray atateng pian manpaga nipaakar ed no panon a naapektaan so ananak da ed marawal a panligliwaan natan? [Abuloyan ya onebat.] Dakel ya atateng so manguusar ed sayan teksto na Biblia bilang giya. [Basaen so Salmo 11:5.] Sayan isyu na Awake! so ontulong ed saray pamilya pian nausisa iray kapeligroan a misiglaotan ed saray galaw ed kompyuter.”

Say Panag-bantayan Ene. 1

“Sano saray totoo so inateyan na inad-aro odino maniirap lapud sakit, mabetbet dan umamengen, ‘Akin ya aabuloyan na Dios iya?’ Nayarin ontan met so itetepet yo. Ipapanengneng na Biblia a mililikna so Dios ed saramay maniirap. [Basaen so Isaias 63:9a.] Ipapaliwawa na sayan magasin no akin a makaseguro itayon panganggaen na Dios so paniirap.”

Awake! Ene. 8

“Diad padesir yo, kasin kaukolan a mibali so gobierno diad kawayangan ed panagsalita? [Abuloyan ya onebat.] Panon to no say sasalitaen et mangilalanor ed pitongtong ed arum nipaakar ed relihyon, a singa nabasa tayo dia? [Basaen so Gawa 28:30, 31.] Agano ni, sayan tepet so inyarap diad Korte Suprema ed E.U. Maliket min ipabasa ed sikayo so nipaakar ed satan diad sayan isyu na Awake!”