Repaso ed Sirkiton Asamblea

Sayan materyal so usaren bilang paunan impormasyon tan repaso na programa ed sirkiton asamblea parad 2005. Say artikulo a “Balon Uksoyan ed Panrepaso ed Saray Programa ed Asamblea,” a walad pahina 4 na sayan insert, so mangipapaliwawa no panon iyan gawaen. Legan na repaso, apagen so oras ta pian nasingbat so amin a tepet. Say repaso so nepeg a niyapasakey ed no panon tayon niyaplika so impormasyon a niparungtal.

SESYON ED KABUASAN NA UNONAN AGEW

1. Anto so ontulong ed sikatayo pian nagamoran so maridios a kakabatan?

2. Anto so panggugunaetan na saramay kabiangan na sirkito pian nipasabi so maong a balita ed dakel a totoo?

SESYON ED NGAREM NA UNONAN AGEW

3. Akin ya importante parad saray Kristiano so pansiansian ag-atilolan ed mental odino espiritual a paraan? Anto so kakaukolanen na saya a gawaen tayo?

4. Panon tayon nipatnag so inkasikatayo a mikakareenan ed saray agagi tayo?

5. Anto so inkamakatunongan, tan panon tayon nipatnag itan ed panguusar tayoy panaon tayo?

6. Anto so naaralan tayo ed alimbawa nen Saul tan Noe? Diad antoran dalan a nipatnag tayo ya “akaparaan [itayo] ya ontulok”?

7. Panon a makapanalwar iray Kristiano sumpad pambilay a walaan na doblin estandarte?

8. Panon tayon aligen so ehemplo nen Pablo diad pansalita na kakabatan na Dios?

SESYON ED KABUASAN NA KOMADUAN AGEW

9. Akin a nepeg itayon manalwar ed pampili na saray aktibidad a gemtanen tayo, tan anto so ontulong ed sikatayo ed panggawa ed satan?

10. Anto so panggugunaetan na saramay kabiangan na sirkito pian regular a makaatendi ed saray pantitipon, tan panon iran nagugunggonaan ed panggagawa na ontan?

11. Panon a napabiskeg na saray ulo na pamilya iray sankaabungan da?

12. Antoran pankaukolan na sirkito so nipaimano ed sikatayo?

SESYON ED NGAREM NA KOMADUAN AGEW

13. Singa niparungtal ed publikon paliwawa, antoran matunong a gawa so apawala lapud kakabatan manlapud tagey?

14. Akin a kakulangkulangan so panmatalek ed inkasikatayo odino ed saramay ag-igigiya na maridios a kakabatan? Diad antoran pamaakaran a kaukolan tayoy manbantay?

15. Antoran patit so panasalimbengan ed sikatayo na maridios a kakabatan?

16. Akin ya importantin iyaplika tayo so simbawa a nitarya ed programa ed sirkiton asamblea?