Repaso ed Sirkiton Asamblea

Sayan materyal et usaren ed Pantitipon Parad Panagserbi sakbay tan kayarin tuloy na iyatendi na kongregasyon ed 2006 a sirkiton asamblea. Say mangidadaulon manangasikaso so mangiyuksoy ed sayan pagpaunan impormasyon tan repaso, unong ed nidatak diad Disyembre 2004 a Ministeryo Tayo ed Panarian, pahina 4. Legan na repaso, nepeg ya itepet iyan amin a tepet, ya iteen so imano ed no panon so pangiyaplika ed impormasyon a nipresenta.

UNONAN AGEW

1. Panon tayon isusulong so balon personalidad, tan akin a nepeg tayon pansiansiaen itan?

2. Panon a pinadaak na arum so pibibiang da ed panagpulong a kimey?

3. Akin a nepeg tayon paliisan so pangikompara ed inkasikatayo ed arum?

4. Panon a nipatnag na saray membro na pamilya so balon personalidad dia ed loob na pamilya?

5. Panon tayon nipatnag so matoor a pananuporta dia ed loob na kongregasyon?

6. Akin a kaukolan tayon ipatnag so balon personalidad dia ed lawak na ministeryo?

7. Anto so nalalanor ed dugan panagdalepdep, tan panon itayon nagunggonaan ed ontan a panagdalepdep?

8. Antoran kalidad so manggawa ed sikatayon mainomay a manpamoldi ed si Jehova?

KOMADUAN AGEW

9. Panon kaimportante so suston panangusar ed dila tayo?

10. Antoray nagunggona ed maabig a panagsalita ed saray katrabahoan, kaeskuelaan, tan ed arum ni?

11. Panon tayon niyaplika so simbawa nen Pablo ed Efeso 4:25-32 dia ed pidedeneng tayo ed saray kapara tayon mananisia?

12. Anto so sankamapagalangan a pakausaran na dila tayo?

13. Anto so nepeg tayon gawaen pian nadaeg tayo so marelmeng a sakey?

14. Diad antoran aspekto a nepeg tayon panggunaetan so pansiansian agnamatikan na mundo?

15. Akin a nepeg tayon inagew-agew a pasimbaloen so inkatoo tayo, tan panon tayon nagawaan itan?

16. Anton simbawa ed programa na sirkiton asamblea ed sayan taon so plaplanoen yon iyaplika?