Repaso ed Agew Na Espisyal Ya Asamblea

Sayan materyal et usaren ed Pantitipon Parad Panagserbi sakbay tan kayarin tuloy na iyatendi na kongregasyon ed agew na espisyal ya asamblea ed 2006. Iyuksoy na mangidadaulon manangasikaso so kiparungtal na sayan pagpaunan impormasyon tan repaso, unong ed nidatak ed Disyembre 2004 a Ministeryo Tayo ed Panarian, pahina 4. Legan na repaso, amin a tepet so kaukolan ya itepet, ya iteen so imano ed no panon tayon niyaplika so impormasyon a nipresenta.

KABUASAN A SESYON

1. Anto so kabaliksan na pamasiansia ed mata tayo a simpli, tan akin a mairap itan natan? (“Akin a Pansiansiaen a Simpli so Mata Yo?”)

2. Panon itayon nagugunggonaan ed pamasiansia tayo ed mata a simpli? (“Gamoran Iray Bendisyon Diad Pamasiansia ed Mata a Simpli”)

3. Anto so kapeligroan na saray nibabagan normal labat ya aktibidad? (“Pamasiansia ed Mata a Simpli Diad Marelmeng a Mundo”)

NGAREM A SESYON

4. Panon a napaseseg na atateng tan saray arum iray kalangweran a mandampot ed saray espiritual a kalat? (“Atateng a Duga so Pangikekenaan Da ed Saray Pana Ra” tan “Saray Tobonbalo a Manadampot ed Espiritual Iran Kalat”)

5. Panon itayon makapibansag ed organisasyon nen Jehova (a) bilang indibidual? (b) bilang pamilya? (c) bilang kongregasyon? (“Iyapasakey so Imano ed Pibansag ed Organisasyon nen Jehova”)