No Anto so Ibaga Nipaakar ed Saray Magasin

Say Panag-Bantayan Hunyo 15

“Kasin naiimano yo a dakel natan so manutumbok ed dili ran estandarte ed no anto so duga tan aliwa? [Abuloyan ya onebat.] Nia so sakey ya alimbawa na naynay a praktikal a panangiwanwan a naromog ed Biblia. [Basaen so sakey a teksto ed kahon ed pahina 6-7.] Ipapaliwawa na sayan magasin no panon itayon nagugunggonaan ed pangiyaaplika ed saray estandarte na Biblia ed moral.”

Awake! Hunyo

“Kaukolan tayon amin so kuarta pian manbilay. Kasin diad padesir yo et posiblin pakaaburidoan a maong so panag-anap na kuarta? [Abuloyan ya onebat.] Imanoen so ibabaga na saya nipaakar ed saray pansumpalan na pangusil ed saray kayamanan. [Basaen so 1 Timoteo 6:10.] Sayan magasin so mangiiter na pigaran praktikal a suhestion no panon a napasimpli na sakey so bilay to pian napasarag so daiset a kuarta.”

Say Panag-Bantayan Hulyo 1

“Kasin naumameng yo la no akin a namamaltrato iray totoo lapud duma so rasa odino nasyonalidad da odino lapud duma so lenguahe ra? [Abuloyan ya onebat.] Imanoen so rason a nibaga dia. [Basaen so 1 Juan 4:20.] Eebatan na sayan magasin so tepet a, Kasin posible so pakapantunosan na etniko?”

Awake! Hulyo

“Aliwan singa saray ayayep a nisipor so kakikiwas da, saray totoo so walaan na abilidad a manpili na saray estandarte a labay dan tumboken. Diad padesir yo, iner so pakaromogan tayo na napanmatalkan a panangiwanwan? [Abuloyan ya onebat. Insan basaen so Salmo 119:105.] Ipapaliwawa na sayan magasin so sankaabigan a panangiwanwan a naromog ed Biblia.”