Tepet

◼ Nepeg tayo kasin iyan so personal ya e-mail address tayo diad saray ipapaliman publikasyon tayo?

Walaray manangipalapag a mangisusulat odino mangipepeket ed personal ya e-mail address da diad saray ipapalima dan magasin odino tract. Diad ontan et sikaray nakontak na saramay akapangawat na literatura parad kaaruman nin impormasyon. Say ontan iran sagpot diad gagalan tulongan iray interesado so maabig. Anggaman ontan, say opisyal a Web site na organisasyon et wala la’d beneg ya apis na saray magasin tan saray tract. Kanian, marakep no agtayo la iiyan so personal ya e-mail address tayo diad saray publikasyon.

Personal lan desisyon na manangipalapag no iter toy napankontakan ed sikato diad melag a papel, nagkalalo la sano manggagaway panagpawil. Balet, nepeg a sikatayoy manbulon ya ompawil imbes a paulyan tayon saray interesado so onkontak ed sikatayo. Ta say masimoon a personal ya interes so lalon nipanengneng no mitongtong tayo a lupa-lupaan.