Kasin Nagunggonaan Ka ed Pinasimplin Edisyon?

Say panaralan ya edisyon na The Watchtower et wala lay pinasimplin edisyon to ed English. Satan et parad saray (1) manangipalapag ya English so lenguahe ra balet ta simplin English labat so uusaren da, nayarin lapud limitadon edukasyon; (2) manangipalapag ya aliwan English so manunan lenguahe ra; (3) ugugaw, pati saray walad elementary tan high school; tan (4) saray iyaaralan na Biblia ya labay day mas simple tan mas direktan panangibaga pian natalosan da ray espiritual ya katuaan.

Saray numero na parapo, tepet, tan subtitulo et miparad standard ya edisyon. Pareho labat iray artikulo, balet ta mas simpli iray salitan inusar. Anggaman standard ya edisyon so usaren na mangikonduktay Panagaral na Panag-bantayan tan say manbasa, likud labat no maslak ed onaatendi et pinasimplin edisyon so uusaren da, saramay manguusar na pinasimplin edisyon et pareho iran nisitan teksto tan litrato so nanengneng da, kanian nasubaybayan day pambasa na saray parapo tan makapankomento ra.

No isipen yon minabang kayo ed sayan pinasimplin edisyon, ipila yo iya ed binulan ya order yo.