Watchtower ONLINE YA LIBRARYA
Watchtower
ONLINE YA LIBRARYA
Pangasinan
  • BIBLIA
  • PUBLIKASYON
  • ARAL
  • km 4/05 p. 1
  • Manggaway Maabig tan Manginabang ed Arum

Anggapoy available ya video ed pinilim.

Pasensya la, walay error na video.

  • Manggaway Maabig tan Manginabang ed Arum
  • Ministeryo Tayo ed Panarian—2005
  • Miparan Topic
  • Manpapabiskegan
    Ministeryo Tayo ed Panarian—2007
  • “Magmaliw a Mabunlok, Akaparaan a Manginabang”
    Ministeryo Tayo ed Panarian—2000
  • Ligliwaen Iramay Maneermen
    Say Panag-bantayan Mangipapalapag na Panarian nen Jehova—2003
  • ‘Ligliwaen so Amin a Maneermen’
    Say Panag-bantayan Mangipapalapag na Panarian nen Jehova​—2011
Mannengneng ni
Ministeryo Tayo ed Panarian—2005
km 4/05 p. 1

Manggaway Maabig tan Manginabang ed Arum

1 Si Dorcas so “napno na saray maong a gawa tan payabol.” (Gawa 9:36, 39) Lapud inkamabunlok to, sikatoy naar-aro na saray makankabat ed sikato tan nen Jehova a Dios. Inkuan na Hebreos 13:16: “Agyo lingwanan so panaggawa na maabig tan say pannanabang: ta say Dios napaliket a maong ed sarayan bagat.” Panon itayon makapanggawa na maabig tan makapanginabang ed arum natan?

2 Sakey lan paraan pian natulongan tayo so arum et say panginabang ed sikara na ‘saray kayarian tayo.’ (Uli. 3:9) Lapud saray kontribusyon tayo ed sankamundoan a kimey, nipapaalagey iray Kingdom Hall, Assembly Hall, tan sangan opisina diad sankamundoan. Minilyon met lay agunggonaan ed teokratikon panangibangat tan ed makapabiskeg iran espiritual a panlilimog lapud inkamabunlok tayo.

3 Panagligliwa ed Arum: Sano walaray nagawan desyang, saray totoo nen Jehova et aliston ‘manggawa na maabig’ ed saray kapananisiaan da ontan met ed saray agda kapananisiaan. (Gal. 6:10) Kayari na insabog na sakey a planta na kemikal ed Pransya, oniay inkuan na sakey a sanasawan manaayam ed abay na satan: “Tinmulong a tampol iray Kristianon agagi tayo. Nilinisan da so apartment mi ontan met ed saray apartment na arum ed bilding. Mankelkelaw iray kakaabay mi ta dakdakel so dinmagon tinmulong.” Oniay inyarum na sananey ya agin bii: “Tinulongan kami na saray mamatatken. Pinaseseg da kami. Diad tua et saya so mas kaukolan mi nen say materyal a tulong.”

4 Anggaman dakel so paraan na pakapanggawa tayoy maabig ed kapara tayon too, say sankaabigan a paraan na pakatulong tayo ed sikara et say panginabang tayo ed mabmablin pikakabat nipaakar ed katuaan, a mangilaktip ed ‘ilalon bilay ya andi-anggaan’ ya insipan nen Jehova a mismo. (Tito 1:1, 2) Say mensahe na Biblia so peteg a makaligliwa ed saramay maneermen ed kipapasen na mundo tan ed inkamakasalanan dan mismo. (Mat. 5:4) Komon ta manggawa itayo na maabig tan manginabang ed arum sano walad pakayari tayo so panggawa ed satan.​—Uli. 3:27.

    Publikasyon a Pangasinan (1988-2025)
    Man-Log Out
    Man-Log In
    • Pangasinan
    • Share
    • Setting Mo
    • Copyright © 2025 Watch Tower Bible and Tract Society of Pennsylvania
    • Kondisyon ed Pangusar
    • Totontonen ed Privacy
    • Privacy Settings
    • JW.ORG
    • Man-Log In
    Share