Eskedyul ed Pantitipon Parad Panagserbi

Simba na Abril 11

Kanta 4

10 min: Lokal iran pakabat. Pinili ed Saray Pakabat manlapud Ministeryo Tayo ed Panarian. Manampot so espisyal a kampanya a pangibunog ed Mantultuloy a Manbantay! no Abril 17. Parad nakekeraan iran agew na Abril, iyopresi tayo iray magasin. Usaren iray suhestion ed pahina 8 pian idemostra no panon ya ipresenta so Abril 15 a Panag-Bantayan tan Abril 22 ya Awake! Nayari met ya usaren so arum iran realistikon presentasyon. Diad sakey ed saray demostrasyon, say manangipalapag et manpupulong diad karsada.

15 min: “Mantultuloy a Manpulong.”a No wala ni oras, imbitaan iray dumerengel a mankomento ed saray nisitan teksto.

20 min: “Magmaliw a ‘Naspot a Tuloy’ ed Ministeryo Yo.”b Ipaseseg so 100% a pibibiang legan na espisyal a kampanya ed Abril. Imbitaan so duara odino taloran manangipalapag a mangisalaysay ed saray eksperiensyan nanggayagaan da diad panutulong ed arum a singa nirekomenda ed parapo 3-5.

Kanta 47 tan pansaran pikakasi.

Simba na Abril 18

Kanta 76

5 min: Lokal iran pakabat. Ilaktip iray punto ed “Tepet.”

20 min: “Pangikondukta na Progresibo Iran Panangiyaral na Biblia​—Parte 7.”c Sano ipaparaan iyan parte, nengnengen so Hulyo 15, 2002 a Panag-Bantayan, pahina 27, parapo 5-6.

20 min: Bayuboan so Interes Diad Pangusar ed Balon Brosyur. Paliwawa tan singbatan a kaiba iray dumerengel a betang na manangasikaso ed serbisyo. Kaukolan tayon pawilen so kada toon angawat na kopya na Mantultuloy a Manbantay! pian bayuboan so interes da. Diad pangusar ed saray lugan a walad pahina 2, antikey a sumaryoen so lugan na brosyur, ya ipaimano so antikey iran seksion ya akoloran (nisulat ed regular a kabaleg diad silong na mabatar iran paulo). Nausar irayan materyal parad antikey, tan makabaliksan iran diskusyon diad ipawil. Alimbawa, no say pahina 3-4 so niparungtal ed primeron dalaw, say akoloran a seksion a “Peteg Kasin Mangiyaansakit so Dios?” ed pahina 5 so nayarin usaren parad pamawil. Singbaten no panon itan a nagawaan. Repasoen met so arum iran akoloran a seksion, a singa saramay walad pahina 6-8 tan 17-18 odino arum niran matukoy ed lokal a teritorya. Mangidemostra na sakey a panagpawil ya uusaren so sakey ed saray akoloran a seksion. Nepeg a basaen tan singbaten so sakey odino onsulok ni ed saray nisitan teksto. Sampotan na manangipalapag diad pangipaimano to ed sananey nin akoloran a seksion a nayarin usaren diad ontumbok ya ipawil.

Kanta 169 tan pansaran pikakasi.

Simba na Abril 25

Kanta 111

10 min: Lokal iran pakabat. Ibasa iray report na kuenta tan pisasalamat ed naawat iran donasyon. Panonotan iray manangipalapag ya ireport da la ray serbisyo ra ed lawak parad Abril. Diad pangusar ed saray suhestion ed pahina 8 (no matukoy ed teritorya yo), idemostra no panon ya ipresenta so Mayo 1 a Panag-Bantayan tan Mayo 8 ya Awake! Nayari met ya usaren so arum a praktikal iran presentasyon. Diad sakey ed saray presentasyon, idemostra no panon so iyebat ed manamaer na tongtongan ya “Agak interesado.” (Nengnengen so libron Reasoning, p. 16.) Saglawien iray artikulo a nayarin mas paninteresan na saray totoo diad teritorya yo.

20 min: Panangigapo na Saray Panangiyaral na Biblia ed Saramay Angawat ed Balon Brosyur. Paliwawa tan singbatan a kaiba iray dumerengel a betang na manangasikaso ed serbisyo. Repasoen a magano imay panagpawil a nidemostra ed imbeneg a Pantitipon Parad Panagserbi, a nagkalautlan ipaimano imay akoloran a seksion ya asaglawi ed panampot na saman ya indalaw. Diad pangusar ed saman a materyal, paidemostra ed saraman lanlamang a manangipalapag (no posible) so ontumbok a panagpawil. Insan usaren na manangipalapag so beneg ya apis na brosyur pian iyopresi so panagaral ed Biblia, tan iyuksoy so pangonsidera ed leksion 1 na brosyur a Kakaukolanen diad ontumbok ya ipawil. Pasesegen so amin a mangiyapasakey ed pangigapo na saray panangiyaral ed Biblia ed saramay angawat na kopya na Mantultuloy a Manbantay!

15 min: “Manggaway Maabig tan Manginabang ed Arum.”d Iyaplika so materyal ed lokal, a mamitla na saray praktikal a paraan na pakatulong tayo ed arum.

Kanta 8 tan pansaran pikakasi.

Simba na Mayo 2

Kanta 148

10 min: Lokal iran pakabat. Repasoen ed antikey so artikulo a “Panagaral ed Brosyur a Mantultuloy a Manbantay!” diad pahina 6. Saglawien ya indatak na sayan materyal so eskedyul parad panagaral ed brosyur. Pasesegen so amin a manparaan a maong tan mibiang a sinimba diad panagaral ya onggapo ed simba na Mayo 23.

15 min: Lokal iran pankaukolan. Nayarin ilaktip ed saya iray nanggayagaan ya eksperiensya ed impamawil ed saray apalimaan na Mantultuloy a Manbantay! Iyuksoy lan masakbay so pangiyakto-lamet ed alay abig iran eksperiensya.

20 min: “Nilaban so Amin a Nengneng na Totoo.”e Iyaplika so materyal ed lokal a teritorya.

Kanta 112 tan pansaran pikakasi.

[Saray paimano ed leksab]