Bo Sa e Contesta?

(Por haya e contestanan di e quiz aki den e textonan di Bijbel duna, y e lista completo di contesta ta na pagina 27. Pa mas informacion, consulta e publicacion na Spaño “Perspicasia pa Compronde e Scritura”, publica door di Testigonan di Yehova.)

1. Samuel a bira profeta durante bida di cua sumo sacerdote? (1 Samuel 3:10-13)

2. Kico tawata e nomber Amoreo pa Sero Hermon? (Deuteronomio 3:9)

3. Ken Abraham a tuma como su di dos casa, y cuanto yiu homber el a haya cu ne? (Genesis 25:1, 2)

4. Dicon nunca hende ta pone biña nobo den saco di cuero bieu? (Lucas 5:37)

5. Kico a pasa cu e spada cu Aod a uza pa mata Eglon, e rei opresivo di Moab? (Huesnan 3:16-22)

6. Dicon Bijbel ta yama Hesus “e Prins di bida”? (Echonan 3:15; 4:12)

7. Dicon ta Yehova so por ser yama perfecto den tur sentido di palabra? (2 Samuel 22:31; Marco 10:18)

8. Relaciona cu sacrificio di bestia, dicon ‘tur e vet ta di Yehova’? (Levitico 3:9-16)

9. Cua parha yagdo fuerte ta famoso pa su bista cu ta wak masha leu mes? (Job 39:27, 29)

10. Ki titulo ta ser uza den Bijbel pa referi tanto na Yehova, como na otro personanan cu ta ser adora y na hende? (Exodo 7:1)

11. Pa medio di cua profeta Yehova a bisa di antemano con e reino di Salomon lo a keda parti? (1 Reinan 11:29-32)

12. Na cua parha domestico Hesus a referi ora el a uza un ilustracion pa mustra con el a desea di reuni e pueblo indiferente di Herusalem? (Lucas 13:34)

13. Kico Hesus a yama e “lampi di e curpa”? (Mateo 6:22)

14. Daniel a haya e garantia cu durante ki periodo hende lo a compronde su profecia? (Daniel 12:4)

15. Con Pablo a scapa for di e Hudiunan na Damasco cu a traha un complot pa mat’e? (Echonan 9:25)

16. Kico a pone algun hende “desvia for di e fe” y causa nan mes “hopi dolor”? (1 Timoteo 6:10)

17. Cuanto spion Moises a manda den Canan riba instruccion di Yehova, y ta ken so a duna un informe positivo? (Numbernan 13:2; 14:6-9)

18. Ta ken tawata e Cesar—menciona na Echonan 25:11—cu Pablo a apela na dje ora e tawata den huicio dilanti di Festo?

Contestanan di e Quiz

1. Eli

2. Senir

3. Ketura; seis

4. Pasobra e biña ta fermenta, y lo rementa e saconan bieu y inflexibel

5. Eglon tawata asina gordo cu e spada a drenta completamente den su bariga

6. Pasobra “no tin salbacion den ningun otro.” E rescate a ser percura mediante Hesus, y e ta e Hues nombra

7. Ta Yehova so no tin limite; e so ta di excelencia incomparabel, digno di tur alabansa y supremo den su cualidadnan y podernan magnifico

8. Considera como e miho parti di e carni di e bestia, e ta simbolisa e echo cu e miho parti ta pertenece na Yehova

9. Aguila

10. Dios

11. Ahias

12. Un galiña

13. E wowo

14. “E tempo di e fin”

15. Anochi su disipelnan a bah’e den un macutu door di un habri den muraya di e stad

16. “Amor pa placa”

17. Diesdos; Hosue y Caleb

18. Nero