Bo Sa e Contesta?
(Por haya e contestanan di e quiz aki den e textonan di Bijbel duna, y e lista completo di contesta ta na pagina 30. Pa mas informacion, consulta e publicacion na Spaño “Perspicasia pa Compronde e Scritura”, publica door di Testigonan di Yehova.)
1. Aunke e intencion di Hudas tawata pa skirbi su rumannan cristian tocante e salbacion cu nan tawatin en comun, kico el a hay’e ta haci en bes di esei? (Hudas 3)
2. Riba caminda pa cua pueblo Cleofas y su compañero tawata ora cu Hesucristo materialisa a join nan? (Lucas 24:13-32)
3. Segun e relato biblico, pa medio di kico e Dies Mandamento a ser skirbi riba dos tabla di piedra? (Exodo 31:18)
4. E ‘hopi mohenan stranhero’ cu Salomon a tuma y cu “a haci su curason desvia pa sigui tras di otro diosnan”, tawata di cua nacionalidad? (1 Reinan 11:1, 4)
5. Aunke Hesus a haci hopi milager, kico su rumannan no tawatin den dje? (Huan 7:5)
6. Aunke ta dos yiu homber di Rei David, Absalon y Adonias, na ocasionnan diferente a conspira pa tumb’e for di trono, cua di nan a hera di logra? (2 Samuel 16:15-22; 1 Reinan 1:9-11, 38-53)
7. Kico tawata e peso di e piedranan di hagel simbolico cu a cai ora e di shete angel a basha su conchi di e furia di Dios? (Revelacion 16:21, NW)
8. Kico e Scritura ta rekeri di esnan den congregacion cristian, ora un miembro ser expulsa? (1 Corintionan 5:11)
9. Cua dios falso e mohenan apostata Hebreo tawata yora den un vision cu Ezekiel a haya? (Ezekiel 8:14)
10. Dicon Agur, e escritor di Proverbionan capitulo 30, a pidi pa no dun’e “ni pobresa ni rikesa”? (Proverbionan 30:8, 9)
11. Ki señal Ezekias a haya como garantia cu Yehova lo cur’e y defende Herusalem for di e Asirionan? (Isaias 38:5-8)
12. Kico e bon Samaritano a haci pa e homber bati y mitar morto cu el a haya riba e caminda pa Yerico? (Lucas 10:34)
13. Kico lei a prescribi pa e sumo sacerdote di Israel bisti na su cabes? (Exodo 28:37)
14. Dicon Abraham a bisa na dos ocasion cu Sara ta su ruman? (Genesis 12:19; 20:2)
15. Con ta nomber di e seronan riba cua lo a pronuncia bendicion pa hende cu a cumpli cu e Lei di Dios y maldicion pa esnan cu a kibr’e? (Deuteronomio 11:29)
16. Den cua stad Saul, e prome rei di Israel, tawata biba? (1 Samuel 10:24-26)
17. Con ta nomber di e rei cu a laga tira Daniel den cueba di leon? (Daniel 6:9, 16)
Contestanan di e Quiz
1. Conseha nan “pa lucha seriamente pa e fe”
2. Emaus
3. Pa medio di e “dede di Dios”
4. ‘Moabita, Amonita, Edomita, Sidonio y Heteo’
5. Fe, pues nan no a “kere den dje”
6. Absalon
7. Un talento (mas o menos 20 kilo)
8. Pa nan no tin contacto social cu e persona ei
9. Tamuz
10. Pa e no keda satisfecho cu su mes y nenga Yehova of horta y profana e nomber di Dios
11. E sombra di solo riba e trapi di Acaz a bolbe bai dies tret patras
12. El a basha azeta y biña riba su heridanan y mara nan, y a hib’e na un posada y a percura p’e
13. Un turband
14. Door cu Sara tawata bunita, Abraham tawatin miedo cu Farao y tambe Rei Abimelek lo a mat’e pa por a tuma Sara como esposa
15. Sero Gerizim (bendicion); Sero Ebal (maldicion)
16. Gabaa
17. Dario