Liberacion for di Egipto te na e Prome Rei di Israel

Moises a guia e Israelitanan for di sclabitud na Egipto te na Sero Sinai, caminda Dios a duna nan su leinan. Despues, Moises a manda 12 homber pa spiona e tera di Canaan. Pero dies di nan a bini bek cu un mal informe. Nan a haci e pueblo desea di bai Egipto bek. Pa nan falta di fe, Dios a castiga e Israelitanan, haciendo nan dual pa 40 aña den desierto.

Finalmente, Josue a wordo scohi pa guia e Israelitanan pa nan drenta e tera di Canaan. Pa yuda nan podera di e tera, Jehova Dios a laga milager sosode. El a para awa di Riu Jordan, a haci muraya di Jerico basha abou y a pone solo para keto pa henter un dia. Despues di seis aña, nan a kita e tera for di e Cananeonan.

Cuminsando cu Josue, huesnan a goberna Israel pa 356 aña. Nos lo siña tocante hopi hues, incluyendo Barak, Gideon, Jefte, Samson y Samuel. Nos lo lesa tambe tocante hende muhernan manera Rahab, Debora, Jael, Ruth, Noemi y Dalila. En total, Parti TRES ta cubri 396 aña di historia.