Di Cautiverio na Babilonia te na Reedificacion di e Muraya di Jerusalem

Mientras cu e Israelitanan tabata den cautiverio na Babilonia, nan fe a wordo poni na hopi prueba. Sadrak, Mesak y Abed-nego tabata tira den un forno di candela, pero Dios a laga nan sali bibo. Anto despues cu e Medo- y Personan a derota Babilonia, Daniel a ser tira den cueba di leon, pero Dios a proteha e tambe, serando boca di e leonnan.

Finalmente, Ciro Rei di e Personan a libera e Israelitanan. Nan a bolbe na nan pais net 70 aña despues cu nan a wordo hiba preso na Babilonia. Un di e prome cosnan cu nan a haci ora nan a yega Jerusalem tabata cuminsa traha e tempel di Jehova. Pero pronto algun enemigo a para nan trabou. P’esei ta te rond di 22 aña despues cu nan a bolbe Jerusalem cu finalmente nan a caba e tempel.

Despues nos ta siña di Esdras su biahe di regreso pa Jerusalem pa embeyece e tempel. Esei tabata mas cu 47 aña despues cu nan a caba e tempel. Anto, 13 aña despues di e biahe di Esdras, Nehemias a yuda reedifica e muraya kibra di Jerusalem. Parti CINCO ta cubri 152 aña di historia.