Di Nacemento te na Morto di Hesus

Dios a manda angel Gabriel cerca un mucha muher excelente yama Maria. El a bisa Maria cu lo e haya un yiu cu lo reina como rei pa semper. E yiu, Hesus, a nace den stal, unda wardadonan di carne a bishit’e. Despues, un streya a guia algun homber di Oriente cerca e mucha. Nos lo siña ta ken a haci nan mira e streya, y con Hesus a scapa for di e esfuerso pa mat’e.

Despues di esei nos ta haya Hesus na e edad di 12 aña ta papia cu maestronan den e tempel. Diesocho aña despues Hesus a batisa, anto el a cuminsa predica y siña tocante e Reino, e trabou cu Dios a mand’e na mundo pa haci. Pa yud’e cu e trabou, Hesus a scohe 12 homber y a haci nan su apostelnan.

Hesus a haci hopi milager tambe. El a alimenta miles di hende cu djis un par di pisca chikito y un par di pan. El a cura hende enfermo y asta a lanta morto. Finalmente nos lo siña di e cantidad di cosnan cu Hesus a pasa aden durante e ultimo dia di su bida, y con nan a mat’e. Hesus a predica pa rond di tres aña y mei. Pues, PARTI 6 ta cubri un periodo di poco mas cu 34 aña.