E Palabra di Dios Ta Probechoso pa Siña Hende
1. Kico ta e tema di e asamblea di circuito pa e aña di sirbishi 2014, y nos lo haya contesta pa cua pregunta?
1 Jehova ta e mihor maestro den universo. (Isa. 30:20, 21) Pero con Jehova ta siña nos? El a duna nos un buki cu ta superior na tur otro—su Palabra inspira, Bijbel. Con asina nos por beneficia di su siñansa den sentido fisico, mental, emocional y spiritual? Nos lo trata e contesta pa e pregunta aki na nos asamblea di circuito pa e aña di sirbishi 2014. E tema ta “E Palabra di Dios Ta Probechoso pa Siña Hende” y e ta basa riba 2 Timoteo 3:16.
2. Contesta pa ki preguntanan lo enfatisa e puntonan principal?
2 Puntonan Principal Cu Lo Ser Trata: E contestanan cu nos lo haya riba e siguiente preguntanan lo resalta e puntonan principal di e programa:
• Ki efecto siñansa di Dios tin riba nos bida? (Isa. 48:17, 18)
• Kico nos por ta sigur di dje ora nos haci cambio den nos bida pa por sirbi Jehova den e trabou di tempo completo? (Mal. 3:10)
• Con nos mester reacciona ora nos haya nos cu “siñansa straño”? (Heb. 13:9)
• Con nos por imita Hesus su “manera di siña hende”? (Mat. 7:28, 29)
• Dicon rumannan cu ta siña e congregacion mester siña nan mes? (Rom. 2:21)
• Pa kico e Palabra di Dios ta probechoso? (2 Tim. 3:16)
• Ki efecto e ‘sacudimento’ di e nacionnan tin riba hende? (Hag. 2:6, 7)
• Ki confianza Jehova tin den nos? (Efe. 5:1)
• Dicon nos mester traha duro pa keda den e siñansa di Jehova? (Luc. 13:24)
3. Pakico ta importante pa nos asisti y presta bon atencion na e programa aki?
3 Net prome cu Pablo a skirbi e palabranan na 2 Timoteo capitulo 3, cu ta base pa e tema di e programa aki, el a describi e temponan critico cu ta caracterisa e ultimo dianan. El a skirbi: “Hende malbado y gañadonan lo bay di malo pa pio, gañando otronan y siendo engaña.” (2 Tim. 3:13) Pa nos no ser engaña, ta hopi importante pa nos scucha y aplica Dios su siñansa! Pesey, laga nos ta determina pa asisti y presta bon atencion na e programa aki cu a ser prepara net na ora pa nos.