Lo Bo Por Invita un Ruman?

Den hopi congregacion tin publicadornan cu no por haci hopi den sirbishi pasobra nan tin problema cronico di salud of nan ta di edad avansa. (2 Cor. 4:16) Abo lo por invita un ruman asina pa compaña bo na un estudio di Bijbel? Si e publicador no por sali di su cas, kisas bo por hasta conduci bo estudio na su cas. Tin posibilidad pa de bes en cuando bo invita un publicador enfermo pa bay sirbishi cu bo pa traha algun cas of haci un of dos rebishita? Hopi publicador di edad avansa tin hopi experencia den sirbishi. Pues, bo esfuerso lo no solamente ta un animacion pa nan sino pa abo tambe. (Rom. 1:12) Ademas, Jehova lo bendiciona bo pa e esfuerso cu bo ta haci pa demostra amor na e manera aki.—Prov. 19:17; 1 Juan 3:17, 18.