Algun Sugerencia

Pa Cuminsa Estudio di Bijbel Riba e Prome Diasabra di Februari

“Casi tur hende cu nos a papia cu ne tin nan mes opinion tocante Bijbel. Algun ta kere cu e ta e Palabra di Dios y otronan ta haya cu e ta un simpel buki. Kico abo ta pensa?” Permiti e persona contesta. Despues, mustr’e e articulo parti patras di E Toren di Vigilancia di 1 di februari y trata e informacion bou di e prome pregunta y lesa por lo menos un di e textonan cu ne. Ofrec’e e revistanan y traha un afspraak pa trata e siguiente pregunta.

E Toren di Vigilancia 1 di Februari

“Mayoria di hende kier mira un fin na guera. Bo ta kere cu hende por logra trece paz na mundo? [Permiti e persona contesta.] Tuma nota di loke Bijbel ta priminti. [Lesa Salmo 46:9.] E revista aki ta splica algun suceso interesante cu a tuma luga durante y despues di Prome Guera Mundial cu ta duna nos e siguransa cu pronto Dios lo cumpli cu e profecia aki y pone un fin na guera pa semper.”

¡Despertad! Februari

“Nos kier a papia un rato asina cu bo tocante un problema cu tur hende ta confronta. Ta parce cu nunca nos no tin suficiente tempo pa haci tur loke nos kier haci. Bo ta kere cu esey ta pasobra nos schedule ta mucho yen of pasobra nos no ta uza nos tempo bon? [Permiti e persona contesta.] Hopi hende no sa cu Bijbel ta duna nos consehonan practico cu ta yuda nos uza nos tempo bon. Wak un di nan aki. [Lesa Filipensenan 1:10a.] E revista aki ta duna cuater sugerencia cu a yuda hopi hende haci mihor uzo di nan tempo.”