Uza Nos Website den Sirbishi—Pregunta Cu Bijbel Ta Contesta

Riba jw.org tin e tab di “Bible Teachings” cu tin e seccion “Bible Questions Answered.” Si nos familiarisa nos mes cu e preguntanan ey, lo ta facil pa dirigi hende cu haci nos pregunta na nos website pa nan haya contesta cu Bijbel ta duna. Nos por uza e preguntanan aki tambe den sirbishi pa cuminsa un combersacion. Nos por scoge un pregunta cu ta di interes pa nos teritorio, puntra e persona su opinion, y mustr’e kico Bijbel ta bisa uzando e rasonamento cu tin riba jw.org. Despues, nos por splic’e of mustr’e na unda nos a saca e informacion. Tambe nos por lag’e lesa e contesta directo riba nos website. E casa di un superintendente di circuito tabatin exito cu e introduccion aki: “Hopi hende ta puntra nan mes si Dios ta culpabel pa nos sufrimentonan. Lo bo kier sa e contesta den menos cu un minuut?” Anto, e ta laga e persona scucha un grabacion di e contesta cu el a download riba su telefon. Na final, e ta introduci e capitulo 11 di e buki Bijbel Ta Siña.