Jeremias 29:11—“Mi Sa e Plannan Cu Mi Tin pa Boso”

“‘Mi sa bon bon loke mi tin pensa pa boso’, Jehovaa ta bisa, ‘mi kier pa boso tin paz, no calamidad. Mi kier duna boso un futuro y un speransa.’”—Jeremias 29:11, Traduccion di Mundo Nobo.

“‘Mi sa e plannan cu mi tin pa boso’, SEÑOR ta declara, ‘plannan pa paz y no pa calamidad, pa duna boso un futuro y un speransa.’”—Jeremias 29:11, Beibel Santu.

Splicacion di Jeremias 29:11

Jehova Dios a priminti su sirbidornan cu lo e duna nan un futuro yen di paz. Aunke Dios a dirigi e palabranan ey na hende den pasado, te awe e ta pensa mescos. E ta “e Dios cu ta duna speransa.” (Romanonan 15:13) De echo, el a percura pa e promesanan ey ta den Bijbel pa asina “nos por tin speransa” pa un mihor futuro.—Romanonan 15:4.

Contexto di Jeremias 29:11

E palabranan ey tabata parti di un carta dirigi na e Israelitanan cu a ser hiba den exilio for di Jerusalem pa Babilonia.b (Jeremias 29:1) Den e carta ey, Dios a bisa nan cu nan lo keda hopi tempo na Babilonia y cu nan mester traha cas, planta, casa y haya yiu. (Jeremias 29:4-9) Pero Dios a agrega: “Despues cu setenta aña wordo cumpli pa Babilonia, lo mi bishita boso y cumpli cu mi bon palabra pa cu boso, pa trece boso bek na [Jerusalem].” (Jeremias 29:10) Pues, Dios a sigura nan cu lo e no lubida nan y cu nan speransa di bolbe na Jerusalem lo bira realidad.—Jeremias 31:16, 17.

Dios a cumpli cu su promesa. Manera el a profetisa, Rey Ciro di Persia a conkista Babilonia. (Isaias 45:1, 2; Jeremias 51:30-32) Anto Rey Ciro a permiti e Hudiunan bay nan pais bek. Despues di 70 aña preso na Babilonia, nan a bolbe Jerusalem.—2 Cronicanan 36:20-23; Esdras 3:1.

E echo cu Dios a cumpli cu e promesa na Jeremias 29:11 ta duna nos confianza den e otro promesanan cu Dios a haci. Un di e promesanan ey ta cu lo tin paz mundial pa medio di e Reino di Dios bou di guia di Hesucristo.—Salmo 37:10, 11, 29; Isaias 55:11; Mateo 6:10.

Idea Robes Tocante Jeremias 29:11