Warda Esaki

Bo Ta Uza e Foyetonan Aki?

Bida Ta Obra di un Kreador?

Specialmente pa hende cu ta duda cu Dios ta existi

Con pa ofrec’e: “Den e mundo moderno aki, hopi hende ta kere cu evolucion ta un echo comproba. Kico ta bo opinion? [Permiti e persona contesta.] Hopi hende, despues cu nan a analisa un ke otro riba e punto aki, a yega na e conclusion cu fe den creacion ta basa riba pruebanan solido.” Lesa Hebreonan 11:⁠1, referi na pagina 2 y ofrece e foyeto.

Purba esaki: Si e doño di cas tuma e foyeto, bis’e: “Lo mi kier bolbe cerca bo pa nos analisa e pregunta cu tin na pagina 29: ‘Ta haci un diferencia kico bo ta kere?’ ”

Un Buki pa Tur Hende

Specialmente pa hende bon studia pero cu no sa mucho di Bijbel

Con pa ofrec’e: Lesa 2 Timoteo 3:​16 y 17. Anto bisa: “Bo ta di acuerdo cu Bijbel ta inspira di Dios? Of bo ta pensa cu e ta djis un bon buki? [Permiti e persona contesta.] Nos a ripara cu mayoria di hende tin nan propio opinion tocante Bijbel, pero masha poco di nan a les’e. [Lesa e experencia bou di e tema na pagina 3.] E foyeto interesante aki ta mustra pakico ta bon pa hende di tur rasa y credo tuma nota di loke Bijbel ta contene.”

Purba esaki: Si e doño di cas tuma e foyeto, bis’e: “Un motibo pakico hopi hende ta pensa cu no tin sentido pa lesa Bijbel ta e echo cu religion a desacredita Bijbel y su siñansanan. Ora mi bini bek, lo mi mustra bo un ehempel.” Ora bo bay bek, trata parti di e informacion na pagina 4 y 5.

Bo Por Ta Amigu di Dios

Specialmente pa hende cu no tin hopi scol of cu no por lesa bon

Con pa ofrec’e: “Bo ta kere cu hende por ta amigo di Dios? [Permiti e persona contesta. Despues lesa Santiago 2:⁠23.] E foyeto aki lo mustra bo con abo tambe por bira amigo di Dios, mescos cu Abraham.”

Purba esaki: Sea na e momento ey of na e siguiente bishita, trata les 1 of parti di dje pa mustra e doño di cas con nos ta studia Bijbel cu hende.

Kiko Ta Sosodé cu Nos ora Nos Muri?

Specialmente pa budista y otro hende cu ta kere cu tin bida despues di morto

Con pa ofrec’e: “Algun hende ta kere cu despues di morto, hende ta pasa pa un otro bida; otronan ta kere cu morto ta fin di tur cos. Abo ta kere cu nos mester tin miedo di muri? [Permiti e persona contesta.] Wak kico Job a bisa ora el a sinti cu e tabata cerca di muri. [Lesa Job 14:​14 y 15.] Bijbel ta siña nos kico ta pasa cu nos ora nos muri. Y e foyeto aki ta splica bo esey bon cla.”

Purba esaki: Na final di e prome bishita, pidi e doño di cas pa scoge un di e preguntanan na pagina 32. Caba, traha afspraak pa analisa e contesta cu e foyeto ta duna.

Hamas Lo Yega di Tin un Mundu Sin Guera?

Specialmente pa hudiu

Con pa ofrec’e: “A traves di historia humanidad a sufri hopi pa causa di guera. Aunke hende ta boga pa pas, dicon bo ta kere te ainda tin guera? [Permiti e persona contesta.] E profecia di Isaias ta duna nos speransa. [Lesa Isaias 2:⁠4.] Pero na mes momento ta lanta algun pregunta: Na ki tempo y con e profecia di Isaias lo cumpli? Dicon nos por mira e Scritura Santo como un fuente confiabel di speransa? E foyeto aki lo contesta e preguntanan ey.”

Purba esaki: Si e doño di cas tuma e foyeto, mustr’e pagina 16 y 17 y bis’e: “Hopi hende ta referi na sucesonan teribel, manera e Holocaust, y ta puntra: ‘Si Dios ta existi, dicon e ta permiti sufrimento?’ Nos lo por papia riba esey na mi siguiente bishita.”

Bo Mester Kere den Trinidad?

Specialmente pa hende cu ta confundi tocante e doctrina di Trinidad

Con pa ofrec’e: “Hende tin diferente punto di bista encuanto con Dios ta realmente. Kico abo ta pensa? Ta importa loke bo ta kere? [Permiti e persona contesta.] Mira kico Hesus a bisa tocante esaki.” Lesa Juan 17:⁠3. Despues, lesa paragraf 3 na pagina 3 y ofrece e foyeto.

Purba esaki: Si e doño di cas tuma e foyeto, bis’e: “Si Trinidad no ta un siñansa biblico, con bin el a bira un doctrina di iglesia? E siguiente biaha cu mi bishita bo, nos lo por papia riba e punto ey.” Ora bo bay bek, trata parti di e informacion bou di e tema na pagina 7.

Keda Vigila!

Specialmente pa hende preocupa cu e condicion actual di mundo

Con pa ofrec’e: “Hopi hende ta preocupa cu e problemanan serio y sucesonan spantoso cu ta asota mundo completo awe. [Menciona un ehempel conoci localmente.] Bo tabata sa cu e cosnan ey ta parti di un señal cu ta indica cu e gobierno di Dios pronto lo interveni den asuntonan humano? [Permiti e persona contesta. Caba, lesa un texto apropia, manera Mateo 24:​3, 7 y 8; Lucas 21:​7, 10 y 11 of 2 Timoteo 3:​1-⁠5.] E foyeto aki ta splica dicon ta mas urgente cu nunca pa nos compronde kico e sucesonan aki ta nifica.”

Purba esaki: Si e doño di cas tuma e foyeto, bis’e: “Pakico bo ta kere cu bo tin cu tuma e spiertamentonan aki na serio? [Mustr’e pagina 20 y 21.] Ora mi bishita bo atrobe, nos lo por trata e contesta riba e pregunta ey a base di e informacion aki.”

The Bible​—What Is Its Message?

Specialmente pa hende cu no sa mucho di Bijbel, vooral esnan di religion cu no ta cristian

Con pa ofrec’e: “Nos tin gana di sa kico bo ta pensa di loke e Buki Sagrado aki ta trece pa dilanti. [Lesa Salmo 37:⁠11, cu ta aparece den seccion 11.] Con bo ta kere mundo lo bira ora e profecia aki cumpli? [Permiti e persona contesta.] Esaki ta djis un ehempel di e speransa y consuelo cu Bijbel ta duna hende di tur cultura y credo.” Lesa e introduccion na pagina 3 y ofrece e foyeto.

Purba esaki: Si bo ta uzando e buki Bijbel Ta Siña pa duna estudio di Bijbel na un hende di un religion cu no ta cristian, tuma un par di minuut na comienso of final di cada estudio pa trata un seccion di e foyeto aki. Esey por dun’e un idea general di loke tin den Bijbel.

Our Problems​—Who Will Help Us Solve Them?

Specialmente pa hindu

Con pa ofrec’e: “Hopi hende cu nos a papia cu ne ta masha preocupa cu e maldad cu nan ta mira den e mundo aki. Abo ta kere cu algun dia Dios lo caba cu e problemanan actual di mundo? [Permiti e persona contesta.] E profecia aki ta duna nos speransa. [Lesa Salmo 37:⁠11.] Loke mi a caba di lesa ta for di Bijbel, un buki cu hopi bes hende a malinterpreta y haci mal uzo di dje. Lo bo keda sorprendi pa sa cu Bijbel no ta un buki pa Mericano of Europeo. Tampoco e no ta promove colonialismo ni halsa un rasa riba otro. Mas bien, e ta duna nos speransa cu pronto Dios lo caba cu tur nos problemanan. Tambe e tin principionan cu por yuda nos trata cu nos problemanan for di awor. E foyeto aki ta duna bo mas informacion.”

Purba esaki: Na un siguiente bishita, despues di lanta e doño di cas su interes den Bijbel, mustr’e e plachinan na pagina 4 y 5 den e buki Bijbel Ta Siña. Lesa por lo menos un di e textonan cita y ofrece e buki.

Real Faith​—Your Key to a Happy Life

Specialmente pa moslim cu ta biba den un comunidad caminda nan por sinti nan liber pa studia Bijbel.

Con pa ofrec’e: Mustra e persona e plachi na pagina 16 y 17 y bis’e: “Mundo ta hopi diferente for di e plachi aki, pero bo ta kere cu algun dia lo e bira asin’aki? [Permiti e persona contesta.] Tuma nota di loke e buki di Dios aki ta priminti. [Lesa un di e textonan cita for di bo Bijbel.] E foyeto aki ta yuda nos cultiva berdadero fe cu e promesanan aki lo cumpli.”

Purba esaki: Na final di e prome bishita, pidi e doño di cas scoge un di e preguntanan na pagina 32. Despues, traha afspraak pa hunto boso analisa e contesta cu e foyeto ta duna.

A Satisfying Life​—How to Attain It

Specialmente pa hende cu no tin un formacion religioso

Con pa ofrec’e: “Nos ta bishita bo awe pasobra nos a ripara cu hopi hende kier hiba un bida mas feliz. Nos tur ta haya nos cu problema cu por haci nos tristo. Ora nos ta sinti nos asina, kisas nos ta busca conseho cerca un famia of amigo cu nos ta confia, of na bibliotheek of riba Internet. Unda abo ta kere nos por haya e mihor conseho? [Permiti e persona contesta.] Algun hende a keda asombra di haya conseho practico den Bijbel. Wak un ehempel aki. [Mustra e doño di cas capitulo 2, anto lesa un di e textonan cita.] E foyeto aki ta splica nos con nos por hiba un bida mas feliz.”

Purba esaki: Si e doño di cas tuma e foyeto, bis’e: “Hopi hende a tende cu Bijbel tin yen di cos cu no ta cuadra. Ora mi bini bek, lo mi kier mustra bo un ehempel di con exacto Bijbel ta riba tereno di ciencia. Lo bo keda fascina.” Ora bo bay bek, trata paragraf 4 na pagina 12.

Lasting Peace and Happiness​—How to Find Them

Specialmente pa Chines

Con pa ofrec’e: “Awe tin yen di cos den bida cu por kita nos felicidad. Kico por yuda bo ser feliz a pesar di problema? [Permiti e persona contesta.] Hopi hende a haya felicidad ora nan a sigui e consehonan di Bijbel. [Lesa Salmo 119:​1 y 2.] Algun hende no ta kere den Bijbel pasobra nan ta bisa cu e ta un buki pa Mericano y Europeo. Pero scucha esaki. [Lesa paragraf 16 na pagina 17.] E foyeto aki ta mustra con nos por haya paz y felicidad duradero.”

Purba esaki: Si e doño di cas tuma e foyeto, lesa hunto cu ne e prome tres frasenan di paragraf 18 na pagina 17 y bis’e: “Ora mi bolbe, lo mi kier mustra bo kico nos por spera den futuro segun Bijbel.” Na e siguiente bishita, trata un di e puntonan di paragraf 6 na pagina 30.