Con pa Mehora Nos Sirbishi: Haci un Anotacion di e Hendenan Cu A Mustra Interes

Apostel Pablo a duna Timoteo e siguiente conseho inspira: “Presta atencion constantemente na bo mes y na e siñansa cu bo ta duna.” (1 Tim. 4:⁠16) E palabranan ey ta indica cu, sea cu nos tin poco of hopi experencia, nos tur mester haci esfuerso pa mehora. Pa yuda nos den esaki, Nos Ministerio di Reino ta presenta un serie nobo titula: “Con pa Mehora Nos Sirbishi.” Cada articulo ta analisa un aspecto importante di nos sirbishi y ta ofrece sugerencia cu por yuda nos mehora den e aspecto ey. Durante e luna cu e articulo ta aparece, ta bon pa nos duna mas atencion na e aspecto ey den sirbishi. Den un parti di e Reunion di Sirbishi di e siguiente luna, nos lo haya oportunidad pa comenta tocante con e sugerencianan a mehora nos sirbishi. Pa e luna aki nos ta ser anima pa haci un anotacion di e hendenan cu a mustra interes.

Dicon Esaki Ta Importante: Nos sirbishi ta encera mas cu djis predica. Nos mester bolbe cerca e hendenan cu a mustra interes y siña nan e berdad; asina nos ta muha e simianan cu nos a planta. (Mat. 28:​19, 20; 1 Cor. 3:​6-⁠9) Pues, nos meta mester ta pa bolbe bishita e persona, papia tocante e cosnan cu ta interes’e y dun’e informacion nobo tocante e topico cu nos a papia cu ne e ultimo biaha. Pa logra esakinan, ta importante pa nos haci un anotacion di e hendenan cu a mustra interes.