Guera Ta Horibel
Guera ta un di e cosnan cu ta causa mas tanto daño na hende. Tur hende cu a pasa den guera sa con teribel esey ta. Ban wak ki efecto guera por tin tanto riba soldaat como riba civil.
SOLDAAT
“Bo ta mira hende rond di bo ta keda gravemente herida of ta ser mata. Niun rato bo no ta sinti bo safe.”—Gary, Gran Britania.
“Nan a tira mi den mi lomba y den mi cara. Y tambe mi a mira con nan a mata mucha y hende grandi. Guera ta haci bo curason duro.”—Wilmar, Colombia.
“Ora nan tira un hende mata bo dilanti, bo no ta lubida esey nunca mas. Den bo mente, bo ta keda tende su gritonan y mira su sufrimento.”—Zafirah, Merca.
CIVIL
“M’a sinti cu nunca mas mi lo por ta feliz. Bo ta teme pa bo bida, y pio ainda, bo ta teme pa bida di bo famia y amigonan.”—Oleksandra, Ucrania.
“Nos tabata morto spanta ora nos mester a para den rij entre 2 or di marduga pa 11 or di anochi pa nos haya cuminda, pasobra e chens tabata grandi cu nos lo por ser alcansa pa un bala perdi.”—Daler, Tadjikistan.
“M’a perde mi mayornan den guera. Pues, mi a bira un huerfano y no tabatin ningun hende pa cuida mi ni consola mi.”—Marie, Ruanda.
Aunke guera tabatin un efecto teribel riba e hendenan menciona den e articulo aki, nan tur a haya consuelo. Y nan ta convenci cu pronto lo no tin guera mas. Den E Toren di Vigilancia aki nos lo uza Bijbel pa splica con esey lo sosode.