Rusia A Invadi Ucrania

Mainta trempan, 24 di februari 2022, ehercito di Rusia a invadi Ucrania. Varios lider rond mundo a purba di evita cu e guera ey lo tuma luga, pero nan no a logra. Ki efecto e guera aki lo por tin riba mundo? Algun dia pasa, Antonio Guterres, secretario general di Nacionnan Uni, a bisa: “Nos no kier pensa mes cuanto hende lo sufri y cuanto daño y destruccion esaki lo causa y con e lo afecta siguridad di e paisnan na Europa y na otro parti di mundo.”

Segun Bijbel, kico e sucesonan aki ta indica?

• Hesucristo a profetisa cu lo yega un tempo cu “nacion lo lanta contra nacion y reino contra reino.” (Mateo 24:7) Bijbel ta mustra cu e gueranan den nos tempo ta cumplimento di Hesus su profecia. Lesa e articulo “Kico Ta e Señal di “e Ultimo Dianan”, of di “e Tempo di e Fin”? pa mira esey.

• Den e buki biblico Revelacion, guera ta ser describi como un coredo di cabay sinta riba “un cabay ... color di candela” cu ta “kita paz for di riba Tera.” (Revelacion 6:4) Lesa e articulo “E Cuater Coredonan di Cabay—Ken Nan Ta?” y lo bo mira con e profecia aki ta aplica na e gueranan den nos tempo.

• E buki Daniel a profetisa cu lo tin un enemistad entre “e rey di noord” y “e rey di zuid.” (Daniel 11:25-45) Wak e video Kumplimentu di Profesia—Daniel Kapítulo 11, y lo bo haya sa dicon nos por bisa cu Rusia y su aliadonan ta e rey di noord.a

• Revelacion ta describi tambe “e guera cu lo tuma luga riba e gran dia di Dios, e Todopoderoso.” (Revelacion 16:14, 16) Pero e guera ey no ta un guera entre e nacionnan, manera e gueranan cu nos ta mira awe. Lesa e articulo “Kico e Guera di Armagedon Ta?” E articulo ey ta duna mas informacion tocante e guera di Armagedon cu lo tuma luga den futuro.

Dicon bo por tin sigur cu lo tin un mihor futuro?

• Bijbel ta bisa cu Dios lo caba cu guera tur caminda riba Tera. (Salmo 46:9) Pa haya sa mas tocante e futuro cu Dios ta priminti, lesa e articulo “La esperanza real de un mañana mejor.”

• Hesus a siña su discipelnan pidi pa Dios su Reino bin. (Mateo 6:9, 10) E Reino ey ta un gobierno den cielo cu lo cumpli cu Dios su boluntad riba Tera. Anto algo cu sigur ta e boluntad di Dios ta paz mundial. Bo kier sa con e Reino ey por beneficia bo? Wak e video Kiko e Reino di Dios Ta?

Tin mas cu 129.000 testigo di Jehova na Ucrania. Mescos cu e testigonan di Jehova na tur otro pais, nan ta imita Hesus. Nan ta keda neutral den asunto politico, y nan no ta participa den guera. (Juan 18:36) Rond mundo, testigonan di Jehova ta sigui predica cu e bon noticia di e Reino ta e unico solucion pa e problemanan di humanidad, y esey ta inclui guera. (Mateo 24:14) Por fabor, tuma contacto cu nos pa bo por haya sa mas tocante e mensahe di Bijbel cu ta duna nos speransa.