Red Social Tin Mal Influencia Riba Bo Yiu?—⁠Con Bijbel Por Yuda Mayornan?

“Tin hopi problema di salud mental entre hobennan awendia. Anto red social ta un di e causanan mas grandi di e problemanan aki.”—Dr. Vivek Murthy, hefe di departamento di salubridad publico na Merca, New York Times, 17 di juni 2024.

Con mayornan por proteha nan yiunan contra e peligernan di red social? Bijbel ta duna bon conseho.

Loke mayornan por haci

Pensa riba e siguiente consehonan cu Bijbel ta duna.

“Un persona sabi ta pensa bon prome cu e dal un paso.”—Proverbionan 14:15.

Red social por tin mal influencia riba bo yiunan. Pesey, ta importante pa pensa bon prome cu bo laga bo yiunan uza red social. Pues, no tuma un decision pura pura. Tin algun cos cu bo mester sa tocante bo yiunan prome cu bo laga nan uza red social: Nan por tene nan mes na regla tocante cuanto tempo nan tin mag di uza red social? Nan sa con pa mantene bon amistad cu nan amigonan en persona? Y nan amigonan no ta online so? Nan sa cu nan tin cu evita entretenimento cu no ta bon?

E siguiente articulonan tin bon conseho tocante uzo di red social: “Ta Bon Idea pa Mi Yiunan Uza Red Social?” y “Siña Bo Yiunan Teenager Tocante e Peligernan di Red Social.”

“[Uza] boso tempo di e mihor manera.”—Efesionan 5:16.

Si bo laga bo yiunan uza red social, ta bon pa pone regla tocante e manera cu nan lo uza red social. Ademas, splica nan con e reglanan ey lo proteha nan. Segun cu bo yiunan ta uza red social, sigui wak con red social ta afecta nan. Si bo ripara cu e ta afecta nan comportacion, kisas ta necesario pa limita nan uzo di red social.

Uza e video Usa Ret Sosial na un Manera Sabí pa yuda bo yiunan mira dicon ta importante pa sigui cierto regla relaciona cu uzo di red social.

Mas informacion

Bijbel ta bisa cu nos ta biba den “temponan critico, dificil pa trata cu ne.” (2 Timoteo 3:1-5) Ademas, e ta duna nos bon conseho cu por yuda nos trata cu e temponan dificil ey. Den un articulo online tocante teenager cu problema di salud mental, mayornan y nan yiunan por haya mas cu 20 articulo of video basa riba Bijbel cu por yuda nan.