PREGUNTA CU BIJBEL TA CONTESTA

Dicon Hesus ta ser yama Yiu di Dios?

Dios no tin un casa literal cu kende e tin yiu. E ta e Creador di bida. El a crea hende cu e capacidad pa imita su cualidadnan. Pesey, Bijbel ta yama e prome hende cu Dios a crea, esta, Adam, “yiu di Dios.” E ta yama Hesus tambe “Yiu di Dios” pasobra Hesus a ser crea cu e mesun cualidadnan cu e Tata tin.—Lesa Lucas 3:38; Juan 1:14, 49.

Na ki tempo Dios a crea Hesus?

Dios a crea Hesus prome cu el a crea Adam. De echo, Dios a crea Hesus y despues, pa medio di Hesus, el a crea tur otro cos, incluso e angelnan. Pesey Bijbel ta yama Hesus “e prome di tur creacion” di Dios.—Lesa Colosensenan 1:15, 16.

Prome cu Hesus a nace na Betlehem, el a biba den cielo. Ora e tempo a yega, Dios a transferi e bida di Hesus for di cielo pa e matriz di Maria pa e por a nace como hende.​—Lesa Lucas 1:30-32; Juan 6:38; 8:23.

Dicon Dios a laga Hesus nace como hende riba tera? Ki papel special Hesus a cumpli cu ne? Bo por haya contesta pa e preguntanan aki den Bijbel, y nan lo duna bo mas comprondemento y aprecio pa loke Dios y Hesus a haci pa bo.