PREGUNTA CU BIJBEL TA CONTESTA
Dicon tin profecia den Bijbel?
Dicon Bijbel ta describi sucesonan specifico cu lo tuma luga den nos tempo?—Lucas 21:10, 11.
Bijbel tin hopi profecia cu ta duna detayenan specifico. Di otro banda, niun hende no por predeci exactamente loke lo sosode den futuro. Pues, e echo cu profecianan di Bijbel a cumpli ta duna nos prueba convencente cu Bijbel ta e Palabra di Dios.—Lesa Josue 23:14; 2 Pedro 1:20, 21.
Profecia di Bijbel cu ya a cumpli ta duna nos un bon motibo pa pone fe den Dios. (Hebreonan 11:1) Ademas, e profecianan cu a cumpli ta duna nos confianza cu e promesanan di Dios pa un mihor futuro lo cumpli. Pues, profecianan di Bijbel ta duna nos un speransa sigur.—Lesa Salmo 37:29; Romanonan 15:4.
Con profecia di Bijbel por yuda nos?
Tin profecia di Bijbel ta spierta Dios su sirbidornan pa tuma accion. Por ehempel, ora e cristiannan di prome siglo a mira cu cierto profecianan a cumpli, nan a huy bay for di Jerusalem. Mas despues, ora cu e stad a ser destrui pa motibo cu mayoria di hende a rechasa Hesus, e cristiannan si tabata safe.—Lesa Lucas 21:20-22.
Awe, e profecianan cu a cumpli ta duna nos confianza cu pronto e Reino di Dios lo pone un fin na tur e reinonan, of gobiernonan, di hende. (Daniel 2:44; Lucas 21:31) Kiermen ta urgente pa cada persona tuma accion awor pa haya aprobacion di e Rey, Hesucristo, kende Dios a nombra.—Lesa Lucas 21:34-36.