Dios Ta Interesa den Bo!
BIJBEL ta duna nos e mihor conseho posibel, pasobra e ta Dios su palabra. E no ta un buki di cuido medico, pero e por yuda nos den varios manera practico pa trata cu circunstancianan dificil, pensamentonan negativo, emocionnan doloroso y problemanan grave di salud fisico y mental.
Pero, loke ta mas importante ta cu Bijbel ta sigura nos cu nos Creador, Jehova Dios,a ta compronde nos pensamento- y sintimentonan mihor cu cualkier otro persona. E ta cla pa yuda nos cu cualkier problema cu nos ta enfrenta. Tuma por ehempel dos texto di Bijbel cu ta duna nos consuelo:
“Jehova ta cerca di hende cu tin curason kibra; e ta salba hende cu ta desanima.”—SALMO 34:18.
“Ami ta SEÑOR bo Dios, kende ta sostene bo man drechi, kende ta bisa bo: ‘No tene miedo, lo mi yuda bo.’”—ISAIAS 41:13.
Pero con Jehova ta yuda nos trata cu problema di salud mental? Manera lo bo mira den e siguiente articulonan, Jehova ta demostra den varios manera practico cu e ta echt interesa den nos.
a Bijbel ta bisa cu Dios su nomber ta Jehova.—Salmo 83:18.